الموضوع: مشكلة فى الفيتس بيجو 301 اتوماتيك

يا جماعه انتوا مكبرين المشكله من لا شئ
الموضوع ده بيحصل في كل العربيات لما بتكون جنابك راكن و الطريق مايل و بيبقى في عضه في حركة عصايه الفتيس من ال P عند بداية التحرك و علاجها زي ما قال استاذ سنهوري او لما تقف اتاءكد ان الطريق مستوي باءنك تحط الفتيس على ال n و تستنى لما العربيه تقف لوحدها من غير فرامل و بعدين تجيبها على P براحتك
و الدليل على كلامي ان ده السبب حضرتك لما بتركن و تشد فرامل اليد بتلقى العربيه زي ما تكون بتترفع و ده اللي بيحمل تحميل على الفتيس

بالنسبه لموضوع الهبده ده فعلا بحسه لما احاول انقل من ال d لل r واتا مش ضاغط فرامل كويس بحس زى مايكون رعشه صغيره جايه من تحت العربيه كده اما بالنسبه لموضوع ضعف السحب مع التكيف فعلا بحسه من السرعات الصغيره واعتقد ده بسبب ان ده بسبب ان العربيه 1600 وسمعت كتير ان اى عربيه 1600 التكيف بيقلل سحبها شوية والله اعلم بس هوا بالنسبه لميعاد صيانتها المفروض 5000 ولا 2500

مع احترامي لكل الإخوة اللي شاركوا في الموضوع

ومن خبرة أكتر من 5 سنين سواقة بالفتيس ده في c4 و 307 و megane ll

ده طبيعي جدا و هي مش هبدة زي ما حضرتك بتقول
هي رجة بسيطة كده ساعة التعشيق

ما تقلقش نفسك خالص ونصيحة ماتقارنش الفتيس ده بأي فتيس كوري أو ياباني عشان ترتاح
الأوروبي كله بيميل إنه يكون خشن شوية و نقلاته إلى حد ما محسوسة
بعكس الكوري أو الياباني اللي بيميلوا للراحة والنعومة أكتر