ترخيص ميجان 2006

**Hany.0101** · 31-08-2014 12:05 PM

حد عنده فكرة التسجيل يكلف كام و ترخيص سنة هيكلف كام وايه هيه خطوات نقل الملكية و الترخيص

**أسامه الحسيني** · 31-08-2014 12:33 PM

خطوات نقل الملكيه انك بتروح معاك اصل التوكيلات ومنها صورتيين والبطاقه ومنها صورتيين وحوالى 860 ج على ما افتكر وتروح الشهر العقاري ولو الرخصه منتهيه هتطلع شهادة بيانات لكن لو ساريه مالهاش لازمه وبعد كدا بتمضي مشترى وتاخد عقد البيع
بتروح المرور الى حضرتك عاوز ترخص تبعه بقعد البيع والتوكيلات وشهاده المخالفات ولو الرخصه منتهيه بطلع شهادة بيانات وصورة البطاقه وتخش تفحص بتدفع تقريبا 20ج ويخليك تعمل استعلام امنى بعد كدا بتروح على شباك تجديد الترخيص بياخد منك ورق الفحص والتوكيلات وعقد البيع ووصل طفايه حريق لو الطفايه الى معاك منتهيه الصلاحيه و و صل التأمين - الطفايه 140 ج والتامين سنه 120 ج على ما افتكر - بعد كدا بيبعتك على الخزنه تدفع مصاريف سنه حوالى 240 ج وتديلوا الوصل وتستنه بتاع 1 ساعه بينده عليك بتاع الرخص ويدك تصريح لمده سنه لحين وصول الملف

انا بنقل تجربتى مع مرور مدينة نصر والعربيه كانت تبع مرور الجزيره والكلام دا كان فى شهر 4 الى فات

**mada0202** · 31-08-2014 01:52 PM

هو بالنسبة للاستعلام الامنى لازم ارجع تانى لوحدة المرور اللى تابعة ليها العربية ؟؟؟ يعنى مثلا لو انا بنقل من الشرقية للقاهرة - مرور القاهرة هيرجعنى تانى لمرور الشرقية علشان الاستعلام الامنى ؟؟؟

**أسامه الحسيني** · 31-08-2014 02:29 PM

المشاركة الأصلية كتبت بواسطة mada0202

هو بالنسبة للاستعلام الامنى لازم ارجع تانى لوحدة المرور اللى تابعة ليها العربية ؟؟؟ يعنى مثلا لو انا بنقل من الشرقية للقاهرة - مرور القاهرة هيرجعنى تانى لمرور الشرقية علشان الاستعلام الامنى ؟؟؟

لا اعتقد كدا لان الاستعلام الامنى بيدخل رقم العربيه وبيشوف فيه حد مقدم بلاغ فيها ولا لأ وبيكتب على ظهر ورقه الفحص لا يوجد بلاغ وبيمضي وخالاص على كدا

**Super_Star_h** · 31-08-2014 06:25 PM

انا برضو عندى الماتش ده الشهر الجاى
يا مسهل

**ah-gawad** · 01-09-2014 12:04 AM

طيب هو استفسار لو العربية اللي معايا انا ثالث توكيل لو حبيت ابيعها و فاضل في رخصتها سنة المشتري لازم ينقل ملكية علي طول و لا فيه طريقة علشان يمشي بيها السنة اللي فاضلة و بعد كده ينقل ملكية

**أسامه الحسيني** · 02-09-2014 08:23 AM

المشاركة الأصلية كتبت بواسطة ah-gawad

طيب هو استفسار لو العربية اللي معايا انا ثالث توكيل لو حبيت ابيعها و فاضل في رخصتها سنة المشتري لازم ينقل ملكية علي طول و لا فيه طريقة علشان يمشي بيها السنة اللي فاضلة و بعد كده ينقل ملكية

اعتقد انه ما فيش مشكله مادام تسلسل التوكيلات سليم
وعند البيع حضرتك هتبيع بتوكيل وتكتب فيه البيع للنفس وللغير - بدون ما تكتب التعامل مع المرور علشان تجبره انه ينقل ملكيه لما يجي يجدد الترخيص -