الله يسلمك ... وانا استقريت خلاص على السفر لبورسعيد ان شاء الله لشراء نص كامل ... وياريت لو تفيدنى بخبرتك فى الشراء :angelme:
عرض للطباعة
ربنا معاك ويعوضك خير
حادثة صعبة وملكش ذنب فيها
ربنا يعوضك والف سلامة عليك .
فكرتني بنفس خبطة عربية جوزي من سنتين كانت سيراتو لسه جديدة بس زيادة انها اتخبطت بردو من ادام واتقلبت والايرباجز اتفتحو والحمد لله طلعنا سلام واللي خبطنا كانت نص نقل تخيل العربية كان شكلها عامل ازاي
وبردو كنا احنا ادام واللي ورانا خبط فينا واستعبط وراح المستشفي وهو مفهوش اي حاجة وكان مبرشم اساسا
بص بقه احنا دورنا ساعتها علي نص عربية ملقناش حتي في بورسعيد لانها كانت لسه جديدة واللون كمان صعب بس ربنا يوفقك وتلاقي
اما بالنسبة للمحضر اللي حضرتك عملته فمتتعبش نفسك لاننا فكرنا كده بردو واصرينا ناخد حقنا بالقانون ودخلنا في سكة المحاكم وموصلناش لاي حاجة لا كمان بقه جوزي هو اللي مدان لان التاني ناصح عمل تقرير من المستشفي اما احنا فقولنا الحمد لله اننا طلعنا سلام ومش لازم نروح المستشفي وده طبعا طلع غلط فلو حضرتك معملتش تقرير من المستشفي هتبقه انت اللي مدان مش هو مع انه هو اللي غلطان
بالنسبة للقضية تاني هو بسهولة اوي ممكن يظبط المهندس اللي عاين العربية زي محصل معانا وبردو هتبقه انت اللي غلطان
بعد سنتين في المحكمة بقولك نصيحة انسي المحاكم في مصر مش هتعرف تاخد حقك بالقانون ابدا
عربيتنا ساعتها مكنتش في التامين وسالنا علي تكلفة تصليحها طلع في حدود ٤٠ الف نص العربية بس كان ٢٠ الف فاضطرينا نبيعها ب ٥٠ الف وكنا شارينها يادوب كملت معانا ٦ شهور مشينا بيها يجي شهرين بس
ومن ساعتها جوزي متعقد لسه مجبش حاجة
ربنا يوفقك وتعرف تصلحها كويس ونصيحة ابعد عن المحاكم مش هيجيلك منها الا وجع الدماغ والنقطة
انا مبقتش بستغرب علي الناس اللي بتنزل تاخد حقها بدراعها لانه ده للاسف بقه هو الحل
كلامك كل صح والله العظيم لان برضه حصل معايا كده .... البلد دي خلاص مفيش فيها حاجة اسمها قانون ولا نيلة ... تعرف تاخد حقك بايدك ... نفذ علي طول ....مش هتعرف يبقي بلاش تبكي علي اللبن المسكوب وتمشي في سكة محاكم ومحامين نصابين وخلاص .... استعوض ربنا في العربية ولو هتقدر تصلحها توكل علي الله ولو مش هتقدر خلاص بيع علي كده وامرك لله
ربنا يعوضك خير ان شاء اللهالبونتو اللى قبلها تنفع ( من اول 2001) و الفرق الوحيد ان الاكصدام عندك فيه عواكس لونها احمر، فممكن تجيبه جديد تيوانى من الكيلانى او محمد يوسف فى ش فيصل
شكرا جدا جدا لإهتمامك وربنا يعوض عليكم خير ويرزقكم بالأحسن وفعلا انا عندى نفس المشكلة مش لاقى ليها نص ولا حتى فى بورسعيد وتصليحها هيتكلف كتير وخصوصا انها مش متأمن عليها .... غالبا هبيعها على وضعها الحالى لو لم اجد نص خلفى كامل لها...... بالنسبة للمحاكم ... هعمل اللى عليا امام ربنا واطالب بحقى ويمكن ربنا يكرمنى والحمد لله كان عندى اصابة فى ذراعى الشمال واخدت غرز فيها وعملت تقرير طبى وتم ارفاقه وكمان بالنسبة للفحص الفنى اتعمل لعربيتى بس لانه استغل ذهابنا للقسم وراح رفع عربيته من مكان الحادثة قتم تسجيل ده فى المحضر واعتبار انه هارب وتم ارسال استعلام للادارة العامة للمرور للسؤال عن بيانات المالك واستدعائه للنيابة .... حسبى الله ونعم الوكيل فى دى ناس وربنا يعلم انى كنت ناوى اسمح فى جزء من المبلغ اللى كان هيدفعه بس كده خلاص ... أملى فى ربنا كبير انى اكسب القضية عشان الناس دى لازم تتربى بالإضافة للتعويض المادى والمعنوى ان شاء الله .... والحمد لله عملت مقايسة فى التوكيل وفيها كل التفاصيل والتكاليف لتقديمها للمحكمة .... شكرا مرة تانى ودعواتك :shine[1]:
كلامكم صح ... شكرا بجد لردودكم وإدعولى ... غالبا لو ملقتش نص هضطر فعلا أبيعها على كده وأمرى لله ... وبالنسة للمحاكم هتعرفوا انا عملت ايه فى الرد السابق ... بس بالنسبة للهيكل التجار نفسهم مش متأكدين ان ما قبل 2008 زى 2011 وفى اختلاف برضه فى تصميم الشنطة كبير .. يبقى اكيد فى اختلاف فى تعليق العفشة وتنك البنزين ... نفسى حد من خبراء الفيات يساعدنى فى الموضوع ده ويقول الاختلافات ايه بالظبط وهل هيكل 2008 يكون مناسب ولا غلط