حسب كلام الموقع دة:
FIAT Punto 5 Doors models - autoevolution
http://www.autoevolution.com/fiat/gr...o-evo-5-doors/
المفروض ان الموديلات اللى طلعت من اول 2003 هى نفس الشاسيه بتاع 1999 و التغيير فقط فى الشكل الخارجى "facelift" و المواتير
عرض للطباعة
حسب كلام الموقع دة:
FIAT Punto 5 Doors models - autoevolution
http://www.autoevolution.com/fiat/gr...o-evo-5-doors/
المفروض ان الموديلات اللى طلعت من اول 2003 هى نفس الشاسيه بتاع 1999 و التغيير فقط فى الشكل الخارجى "facelift" و المواتير
نفس الحادثه بتاعتى بالظبط
بس انا كنت واقف على كوبرى الجامعه
الكوبرى كان واقف اصلا فى الاتجاهين بسبب الاشاره وجه اتوبيس ودخل فيا
المهم انى اشتريت ساعتها شنطه واكصدام بس
الفكره دلوقتى ان حضرتك تشوف سمكرى محترم يعملهالك من غير ما تغير نص
وحتى لو مكانش هينفع
مفيش فرق فى الهيكل بين موديلات البونتو من 2000 لحد 2012 من الخلف
غير فى الباكيته اللى فى الأكصدام فى موديلات فوق ال 2004 بتكون رفيعه وبيكون الاكصدام فيه عواكس
والشنطه بيكون فيها علامة فيات فى النص
غير كده مفيش اختلافات
وبعدين فى انصاص كتير شوفتها فى الحرفيين السلام وفى بورسعيد
ازاى حضرتك مش لاقى
معلش انى طولت على حضرتك
بس مفيش اختلافات فى الهيكل الداخلى
واى نص فوق ال2004 هيركب عند حضرتك عادى جدا
وحتى لو نص قديم هيركب برضه عادى بس الاكصدام بس هيكون شكله مختلف
وممكن تركب العلامه فى الشنطه عادى
اصل انا لفيت مصر كلها لما كنت باشترى الشنطه بتاعتى والاكصدام والشطه بتاعت الموديلات الجديده ركبت عندى والاكصدام كان هيركب برضه بس انا جبت بتاع الموديل بتاعى
انا اعرف سمكرى كويس جدااا وممكن يعملهالك من غير ما تغير حاجه بشكل كويس جدااا
هو اللى عمل عربيتى
لو حضرتك تحب اوديك عنده معنديش مشكله
واى استفسار انا تحت امرك
وربنا يعينك على ما ابتلاك ويعوضك خير ويجعله فى ميزان حسناتك
طب ما كدة اتحلت يا لؤي تجيب اي نص بقي من اللي شفتهم ونشتغل
لصاحب المشاركة احب اوضحلك ان لازم لازم العربية تغير نص
لسبب بسيط جدا
الركب ومكان خروج المساعدين ومكان ركوب الدونجل اتعصر ومبقالوش معالم
هاتتفرد وتتسمكر وتتعمل بس وقت تركيب القطع دي العفشة الخلفية اللي بيسموها الصالة الخلفية دي مستيل تكون مظبوطة ولا اتزان العربية يكون مظبوط ابدا
العربية هاتفضل تاكل كاوتش وحركة المساعد وحشة وتزييق والعفشة هاتركب كبس وزنق
لو لقينا قطعه فيا ركب مساعدين تتاخد وتتلحم نستغني عن النص بس عمليا ده مستحيل لان دي قطعه جوة النص
حياة انسان واسرة هاتكون جوة العربية دي مش مجرد عربية بتتعمل وتخلص وتمشي
عشان كدة الامانات الواحد لازم يردها كاملة
لاننا هانسئل عنها يوم الدين
خالص تحياتي
نورت الموضوع يا باشمهندش ... فرحت جدا بمرورك ... ان شاء الله اليوم هنزل أظبط نص خلفى وأروح الورشة وخاصة انى مبسوط انها هتتعمل فى ورشة نايل موتورز لثقتى فى أمانتكم وخبراتكم ..... وأشكر حضرتك جدا على إهتمامك ووقفتك معايا من أول يوم للجادث وحتى الأن :satelite:
ربنا يكرمك وتخلص علي خير باذن الله
على فكرة فى 3 تجار فيات فى وكالة البلح و اسعارهم (بعد الفصال) احسن من الحرفيين
[justify]السلام عليكم يا أحلى وأجدع أعضاء بأقوى منتدى فى مصر فى مجال السيارات ،
الحمد والشكر لله كما ينبغى لجلال وجهه وعظيم سلطانه ... إستلمت عربيتى إمبارح من ورشة نايل موتورز ... وأحب أعرفكم ان التأخير ده كان بسبب قطع الغيار والعيد وأجازته الطويلة :shyy:
بجد انا مش عارف أشكر المهندس / كريم إزاى ... :120105~352:
ربنا يكرمه من أول يوم وإهتمامه بالعربية والمتابعة فى ظل مشاغله الكتير وكمان توصيته ومساعدته وانه كريييييم جدا لدرجة ان الورشة بدأت فى العربية وخلصتها سمكرة كاملة بدون ما يستلموا منى حتى عربون ... ربنا يكرمه كان مقدر ظروفى جدا ... وكمان ما شاء الله عندهم فى الورشة صنايعية تحفة وعلى رأسهم الأسطى أحمد قدورة "دوكو" :Ta_clap[1]: والصور تتكلم وان شاء الله هنزلكم صور الصالون بعد ما أغسلها تانى من جوة .... دعواتكم ... ولو عندكم أى إقتراحات ياريت تفيدونى بيها [/justify]