الموضوع: هل أنت راضى عن سياراتك بيجو 301

المشاركة الأصلية كتبت بواسطة shawqi.eltouni

ربنا يباركلكم فى عربياتكم ويكفيكم شرها وشر عيون الناس ..
بس ليا استفسار حد لقى حل لمشكلة الكبوت او قدر يتلافى قربه من الاكصدام لانى ان شاء الله هاستلم بعد اسبوعين وعاوز لو فى حاجه ممكن اعملها عند الاستلام تقلل احتماليه خبط الكبوت فى اشارة لو حد ريح عليك ....انا فكرت احط شريط فسفورى بلون العربيه ينبه اللى قدامى وهو بيرجع لورا ان وراه عربيه وياخد باله او انى اركب حاجه ورا نمرة العربيه تخانة 3 سم اهى تاخد الصدمة هى
لو فى حلول اتعملت يا ريت تنقلولنا خبرتكم

متااااااااااااابع وارجو الرد من ملاكها

بفكر اشتريها

العربيه معايا من شهر فبراير ٢٠١٤ و انا راضي جدا عن اختياري ليها
و بعد تحديث السوفت وير للفتيس الاسبوه ده مش حاسس باي نقلات في الفتيس و العربيه ما شاء الله بقت احسن من الاول
و بالنسبه اني راكب بيجو بمواصفات اوربيه بالسعر ده فانا راضي جدا
العربيه شيك و واسعه و اداء قوي و امان و ثبات لحد سرعه ١٦٠ و اسعار صيانتها زي الكوري و الياباني اللي في سعرها و اقل كمان ..
صفقه ممتازه لحد عايز عربيه زيروا في السعر ده

انا لسه عامل صيانة 10 الف كم يوم 23 / 11 / 2014 ونزلولي سوف وير جديد وبجد فارق جددددددددددددددااااا في اداء العربية
عربية محترمة

السلام عليكم ورحمة الله
اذهب إلى أحد أقاربى فى هضبة المقطم كل فترة ، وطبعاً طريق الصعود والنزول لايحتاج إلى وصف من ناحية زاوية الميل والمنحيات، العربية بسم الله ماشاء الله ثبات وأداء ممتاز ، والتسارع اثناء الصعود أكثر من ممتاز، والفرامل فى النزول ممتازة، وعلى طريق الأتوستراد على السرعات العالية (فوق 100 كم ) ثبات وأداء ممتاز فى المناورة والفرامل ، وبشئ من التفصيل
شكل خارجى 90% ( شكلها من الخلف صغير إلى حد ما، الاكصدام الأمامى غير بارز)
أداء موتور 95% (الصوت عالى)
صالون وتجهيزات داخلية 95% (لايوجد بها GPS, Touch Screen كما فى بعض الموديلات الأخرى لبيجو)
عفشة 90% (ناشفة شوية)
فرامل 100%
التقييم العام (سعر مقابل قيمة) 100%

السيارة رائعة
ولكن يعيبها أن أكثر من يتحدث عنها لايملكها

وشكراً

السيارة رائعة ...امنة .... ثابتة.... جميلة المنظر..... امكانيات مناسبة جدا ...... تحديث السوفت وير في تحسن مرة عن الأخرى وشركة كبيرة متفاعلة مع اراء العملاء واحتياجاتهم
انا لسة عامل صيانة ال20000 وتم تحديث السوفت وير فعلا الاداء للسيارة بتحسن
تحيا بيجو 301

http://www.nilemotors.net/Nile/459295-301.html

و ده لينك على الفيسبوك لمجموعة من ملاك البيجو 301 و اللى إتعرضوا لحادث بسبب عدم عمل الفرامل:
https://www.facebook.com/permalink.p...04661146289025

و بالنسبة لمستوى التوكيل فى التعامل مع العملاء و مع حل مشاكلهم و مستواه الفنى, فحدث و لا حرج, اللى بيمدح فى التوكيل هايقولك "سئ زى باقى التوكيلات اللى فى مصر".