الحمد لله استلمت الاتراج و عندي استفسار من ملاكها

**gozo** · 02-09-2014 12:53 AM

ربني وفقني وجبت الاتراج بس عندي سؤال لملاكها
لمبة ال eco في الطابلوة بتنور امتى؟ حسب ما فهمت اني لما احقق شروط الاستهلاك الاقتصادي بدوسة البنزين تنور .
انا ملحقتش امشي كتيربس مشفتهاش بتنور ولا مرة وهل اللمبة بتنور وتطفي مع الكونتاكت في بداية دوارة العربية؟
واخر استفسار هل بيكون في ولاعة مع العربيه ولا لا؟

**dr_a7mad** · 02-09-2014 01:06 AM

اول الف ""التليين يعني"" مش هيكون الاستهلاك قليل في البنزين
بيقولو ان التليين أحسن انك تخلصه بسرعة في سفر أو مشاوير طويلة

لمبة الايكو مش بتنور عندي في الدوارة وأقل رقم عملته 6 المفروض بتنور عند 5 تقريبا
المهم طريقة استهلاكك للعربية وحتى لو هتحرق فهتكون كأنك بتوفر في عربيات تانية

في مكان للولاعة عليها غطا بس لكن بدون ولاعة

**مؤمن حمزه** · 02-09-2014 01:10 AM

الف مبروك يا جميل و يارب يديك خيرها و يكفيك شرها.....موضوع لمبة الايكو انا مش ملم قوى بالقصه دى و مش بتفرق معايا بصراحه ياريت حد يكون عنده فكره يقول لنا..بس هى نورت عندى كتير..

بالنسبه للولاعه ايوه فى مكان للولاعه و مخرج علشان شحن الموبايل ...

**dr_a7mad** · 02-09-2014 01:10 AM

واستلمت انهي فئة

ربنا يباركلك فيها

فليأخذ بناصيتها، وليسم الله عز وجل، وليدع بالبركة وليقل: (اللهم إني أسألك من خيرها وخير ما جبلتَها عليه، وأعوذ بك من شرها وشر ما جبلتَها عليه)

**gozo** · 02-09-2014 01:26 AM

شكرا على ردودكم وان شاء الله نفيد بعض ونتواصل علطول
انا جبتها خليجي مش توكيل و هي بتنزل خليجي اوتو فئة واحده بس
في فيديو شفته بخصوص ال eco و من الكتالوج كمان بيقول ان مع الاستهلاك الاقتصادي بتنور انا مشيت بيها في زحمة ومنورتش ولا مرة لدرجة اني شاكك ان ممكن يكون فيها مشكلة .
يا ريت لو تقدرو تشوفوا بتنور و تطفي مع الكونتاكت ولا لا مع باقي الانوار اللي الكمبيوتر بيشيك عليها قبل الدوارة

**S O P H O S** · 22-09-2014 06:40 AM

مبروك
راي حضرتك ايه دلوقتي فالعربية

**Moh. Aboraia** · 22-09-2014 01:16 PM

انا جبت العربية واول سؤال سألته فى التوكيل (ميصلحى - الطريق الزراعى) فى صيانة الالف ان اللمبه دى مش بتنور والمهندس قعد يفتى ويقوللى دى انتا اللى بتتحكم فيها ممكن تعملها اون او اوف ولما زنقته وقولتله طب عرفنى بتتعمل ازاى قعد شوية وقالى واضح انها مش شغالة علشان مش بتنور مع تشغيل العربية - بس انا ناوى اكلم التوكيل واعرف ايه النظام

**هانى شوقى** · 22-09-2014 10:01 PM

اللى اعرفه ان الكلام ده مينفعش عندنا لان البلد زحمة وبتحتاج تقرص احيانا علشان تهرب دا عايزة واحد دوسته حنينة والشوارع قدامه فاضية ويطلع بسرعة تصاعدية علشان ميحرقش بنزين ( انها فهمتها كدة من حد هنا فى المنتدى )

**mestca** · 22-09-2014 10:57 PM

المشاركة الأصلية كتبت بواسطة هانى شوقى

اللى اعرفه ان الكلام ده مينفعش عندنا لان البلد زحمة وبتحتاج تقرص احيانا علشان تهرب دا عايزة واحد دوسته حنينة والشوارع قدامه فاضية ويطلع بسرعة تصاعدية علشان ميحرقش بنزين ( انها فهمتها كدة من حد هنا فى المنتدى )

كلامك مظبوط لان العربية فى اقل واقفة بتحرق بنزين على الفاضى و بتبان على كمبيوتر الاستهلاك الشوارع عندنا كل شوية مطب و زحمة كل شوية تزود و تجرى و دة عمرة مايكون اقتصادى عالشان كدة بنلاقى بعض الزملاء بيتكلموا عن ان الاستهلاك معاهم مش زى ما توقعو انها تصل ل 21 كيلو فى اللتر لان بلدنا ليها ظروفها الخاصة فى القيادة و حالة الطرق

**menshawy** · 05-10-2014 04:53 PM

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟