الطارة بتعمل حركات غريبة

**sameh_se** · 02-09-2014 02:03 PM

السلام عليكم ورحمة الله وبركاته
يا شباب لو حد يعرف الى بيحصلى دا من اية يقولى .
طارة العربية على السلانسية بتيجى يمين و شمال طول ما هيا ماشية سنة يمين و سنة شمال .
عفشة ظبتها
زوايا ظبتها
ترصيص رصصت
اعمل اية تانى و المشكلة فين هتجنن حتى سير الباور غيرتة و شكلى كدا هغير طرمبة الباور .
دلونى يا ولاد الحلال ولكم كل الشكر.

**أحمد جودة** · 02-09-2014 02:18 PM

باشا قبل دة كلة انتا كنت عامل شغل فى العربية قبل ماتظهر المشكلة دي

وهل فكرت فى الاسكترا وبارات الدريكسيون

هل فكرت فى الكاوتش نفسه

طيب متحاول تفك الكاوتش وتخلي اللى قدام ورا واللى ورا قدام أو تنقل مكان الكاوتش بطريقة الكروس (((( الفرة اليمين قدام ترجعها الشمال ورا والعكس )))
كل دي حاجات ربما ليها تأثر

وكمان سؤال حركة الطارة يمين وشمال بتحدف العربية يمين وشمال ولا بوش فى الطارة بس

**Sameh samy** · 02-09-2014 03:27 PM

غالبا كاوتش لو ظاهر معاك علي سرعة قليلة بدل الماوتش وجرب

**Magoda** · 02-09-2014 03:50 PM

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

**Abo_Mazen** · 02-09-2014 06:45 PM

المشاركة الأصلية كتبت بواسطة magoda

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

هو تقديم وتأخير العجل ده بيبقى تقديري كده ..ولا بالكمبيوتر ..يعني أنا ينفع مثلا أقدم العجله اليمين 3 سم كده ..بناء على وجهة نظري ..متهيألي العربيه تضبط زوايا بالكمبيوتر وتتحط المجسات على العجل وتشوف العجل المقدم والمأخر وأبعاد الشاسيه مضبوطه ولا لأ ....بصراحه ..أول مره أشوف بتاع زوايا يقول لو مضبتتطش تعالى أقدملك عجله أو أئخرلك عجله

**sameh_se** · 03-09-2014 01:47 AM

المشاركة الأصلية كتبت بواسطة magoda

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

فعلا دا الى حصل معايا عند الزوايا قال لى العجله الشمال عايزه تتقدم نص سم لقدام وعملتها والزوايا على الجهاز ١٠/١٠ بس يا شباب الكوتش عندى عايز يتغير وانا ناوى اغيرة اخر الاسبوع ان شاء الله وهرد عليكم بالنتيجه

**Magoda** · 03-09-2014 08:18 AM

المشاركة الأصلية كتبت بواسطة m_m_sh_a

هو تقديم وتأخير العجل ده بيبقى تقديري كده ..ولا بالكمبيوتر ..يعني أنا ينفع مثلا أقدم العجله اليمين 3 سم كده ..بناء على وجهة نظري ..متهيألي العربيه تضبط زوايا بالكمبيوتر وتتحط المجسات على العجل وتشوف العجل المقدم والمأخر وأبعاد الشاسيه مضبوطه ولا لأ ....بصراحه ..أول مره أشوف بتاع زوايا يقول لو مضبتتطش تعالى أقدملك عجله أو أئخرلك عجله

بالكمبيوتر طبعاً ... بس هو معملش كدته عشان لازم يجرب الأول لأنه عنده احتمالية يحصل كده وفعلا حصل وبتبقى انك ماشى طوالى وبعد شوية تلاقيها تحدف يمين سنة سنة

**sameh_se** · 07-09-2014 08:31 AM

تمام يا رجالة العربية ظبطت بعد تغيير الكاوتش الحمد لله رب العالمين و اتحلت المشكلة الى كانت مجننانى

**sherif_m72** · 07-09-2014 07:57 PM

الف مبروك
بس لازم تاخد بالك
ان لو الكاوتش اللى كان راكب باظ بسبب العمر الافتراضى يبقى عادى
او عيب فى العفشه والزوايا
واعتقد انه باظ بسبب المساعدين
حضرتك تروح تكشف على العفشه وبالاخص المساعدين عشان تحافظ على الكاوتش الجديد عشان ميبوظش تانى زى اللى قبله

-

الموضوع: الطارة بتعمل حركات غريبة

LinkBack

أدوات الموضوع

عرض

الطارة بتعمل حركات غريبة - انشر الموضوع فى :

-

-

-

-

المواضيع المتشابهه

العربية بتعمل حركة غريبة

العربية بتعمل حاجات غريبة

ممكن مساعدة ...العربية بعد الصيانة بتعمل حاجة غريبة

امبير الحرارة بيعمل حركات غريبة

كهربة السيريون اتجننت بتعمل حاجات غريبة لما اشيل المفتاح منها !!

الكلمات الدلالية لهذا الموضوع

المفضلات

المفضلات

ضوابط المشاركة