الموضوع: باركولى اخيرا استلمت الكروز

كنت هقول غيرها بواحدة تانية بس انت استلمت خلاص ممكن اللى حصل اى حاجة و كون ان المعرض عاوز يرضيك باى شكل ديه حاجة تقلق ؟؟؟؟؟؟!!!! بس اكشف عليها فى التوكيل او فى fix and fit مثلا و لو فى مشكلة اعملهم مصيبة فى المعرض و خد حقك

1000 ﻣﺒﺮﻭﻙ ﻭﺭﺑﻨﺎ ﻳﺪﻳﻚ ﺧﻴﺮﻫﺎ ﻭﻳﻜﻔﻴﻚ ﺷﺮﻫﺎ
ﺑﺲ ﻟﻮ ﺳﻤﺤﺖ ﻋﺎﻳﺰ ﺍﻋﺮﻑ ﺳﻌﺮﻫﺎ كام

المشاركة الأصلية كتبت بواسطة hany63

الف مبروك على العربيه
بالنسبه للبالونه سيدي الفاضل لازم تعرف ان عربيتك كانت جايه من بلادها و عدادها زيرو
المفروض الوكيل دايما بيستعمل كساحات في نقلها من الجمرك لمركز الخدمه عشان يعمل شيك عليها و هنا بتتساق حوالي ٢ كيلو و بعدين كساحه تانيه تنقلها على معرض او مخزن يعني تقريبا برضه على الزيرو بمعنى الكلمه
العشره كيلو اللي عند حضرتك بيقولوا انهم اشتروا دماغهم في اخر مرحله و في واحد ساقها و طبعا كان طاير بمعنى الكلمه و خد بيها المطب و ده سبب البالونه
انا لسه مستلم عربيه بيجو زيرو و فعلا كانت ماشيه ٢ كم لاغير

الف مبروك على العربية الكروز بس انت غلطان من الاول انك استلمتها بالكاوتش كده كنت لازم تصمم تاخد عربية ثانية كده اكيد الكاوتش ده من خبطة جامدة ممكن يكون اثر على العفشة ان اللى سمعته ان التوكيل بطل يدى هدايا على العربية زى الفرش والمدالية ودولت على فكرة مش جايين من برة دولت بس استخدام لتنشيط المبيعات وهما طبعا استخدموهم علشان يزحلقو العربية خطا كبير عند الاستلام تلاقى عيب فى العربية وتستلمها انا مش عارف هما حايغيرو الكاوتش ازاى كل عربية جديدة بتييجى بالكاوتش بتاعها ما فيش كاوتش استبن ربنا معاك

يا باشا انت استلمت منين عشان انا حاجز و لسه مستلمتش و مش عارف العربيات وصلت ولا لسه

انا بأشكر حضراتكم جدا على تهنئتكم لى وعلى مشاركتى فى المشكلة اللى ظهرت معايا
والحمد لله انا رحت مركز صيانة تابع للوكيل النهاردة واخدت معايا اتنين اصحابى مهندسين ميكانيكا ورفعنا العربية هناك وشيكنا عليها وعلى الجنط والحمد لله مافيش حاجة فى العربية
والف شكر لحضراتكم مرة ثانية