Note 3 ولا استنى Note 4

**Ahmed_selmy** · 05-09-2014 06:03 PM

المشاركة الأصلية كتبت بواسطة mido_soliman

السعر دة صعب ف رائي اخره 6000 ف رأيي بالضمان ومن غير حيكون ف حدود 5300-5500
ثانيا باة حوار انة خيب ظن الناس دة اسمحلى كلام فارغ ومعظم الكومنتات دى يا ناس ابل فاناتيك او ناس مبتفهمش اصلا علشان تجرى ورا اشاعات وتتخيل طبق طائر ف ايديهم !!!
الجهاز اجدد واحسن وافخم بكل تاكيد عن النوت 3 ولو تحب اعدلك الفروق انا مستعد :)
التصميم جديد واللى يقول نفس شكل النوت3 اعتقد انه ميعرفش يعنى ايه تصميم بالمعنى اللغوى للكلمه الا باة لو كان عايز موبيل مثلث ف ايده :)
الجهاز مش ضد الميه ايوه بس هل دى ميزه اصلا !!!!! اية لزمتها مش عارف ؟؟؟؟؟
ال z2 او سونى اول من ابتكر الموضوع دة لا يخلو z من الاجهزه التلاته اللى نزلت من مشكله كبيره بسبب مباشر لطبقه عزل الميه الموجوده جواة اما سخونه مفرطه لصعوبه التهويه والتشتيت الحرارى للاجزاء الداخليه او ضعف ف الصوت اللى خارج من السماعات سواء ف حاله المحادثه او الاشعارات الصوتيه .الخ من المشاكل وكل دة علشان ايه ؟ انزل بالموبيل الميه ههههههههههههههههه الموضوع دة كوميدى جدا بالنسبالى .
الجهاز فيه بصمه وسينسور دقات القلب زى ال s5 بالظبط بس هما ف المؤتمر مجبوش سيره من باب ان دى حاجة ستاندرد يعنى ومن جهاز قديم حنقولها ليه تانى ودة اللى سبب اللبس عند الناس لحد ما جربوا الجهاز واكتشفوا ان البصمه موجوده .. اه بالمناسبه . هى البصمه دى مهمه اصلا ؟؟ ولا ليها عااااااااااااازه :) تقليد فاشل لابل وخلاص والناس بتعانى منها ف الاس5 لانها مش محصله نص كفاءه ودقه البصمه اللى ف الايفون بس اه موجوده عموما :)

رائى الشخصى دة اكتر جهاز من سامسونج انا متحمسله لانى كنت اتمنى حاجتين ف موبيل امتلكه (ملمس واحساس المعدن ف الحواف زى الايفون 5 اللى كان معايا و شاشه اموليد بروعتها زى اللى كانت معايا ف النوت 3 ) وبصراحه مكنتش اتمنى اداء اعلى من اداء النوت 3 خصوصا صاحب نسخه كوالكوم فما بالك باه النوت 4 جاى بمعالج اقوى(كوالكوم 805) وشاشه اجمل(كواد hd اموليد ) وتصميم افخم(حواف معدن مشطوفه زى ال m8 والايفون 5وضيف عليهم ملمس جلد اتشال منه الخياطه السخيفه اللى كانت ف النوت3) و كاميرا اعلى(16 ميجا بيكسل مع ois او مثبت بصرى للصوره المتحركه والثابته) و قلم ادق وبطاريه(3220) اكبر وشحن اسرع(50% ف نص ساعه حسب كلامهم و..........) من النوت 3 !!! لكن معظم اللى بيتكلم يا اما كاره سامسونج اصلا يا اما بيتكلم ع الفاضى لا شاف الجهاز ولا استخدمه !!!
على الرغم ان اللى معاه النوت 3 المفروض انه ميغيرش لنوت 4 لان النوت3 اصلا جهاز قدامه على الاقل 3 سنين اداء عالى قدام .. الا ان لو ملاك النوت 3 نفسهم اللى انا كنت منهم مسكوا النوت 4 وقارنوا حيعرفوا قد ايه ان فى اختلاف جوهرى ف التصميم واحساس المسكه و الانحناء اللى موجود عند الحواف الاربعه للزجاج الخاص بالشاشه وحيدركوا ان دى اول مره سامسونج تعمل ديزاين متعوب عليه ومتستخسرش كعادتها :)

والله يا باشا انا اتمنى انه يكون بالسعر دا , دا انا مستنيه بقالى 3 شهور وقاعد اتابع اخباره , لان الاسعار اللى قرتها جابتلى احباط........
ادينى مستنى اما ينزل واشوف السعر.

**Mohamed.Ramah** · 05-09-2014 06:07 PM

mido_soliman

أحييك على فهمك ورؤيتك للموضوع وبصراحة أنا مستغرب أن الناس بقت بتبص للهاتف وتقيمة من خلال توفر ميزة واحدة أو أثنين وليس تقييم بشكل عام والحكم على الهاتف من خلال الشكل أكثر من المضمون وحتى لو فية تحسين بيتنسى او بيعتبر عادى او غير فعال متوقعين ان الشركة لازم تقدم مواصفات خارقة كل سنة وهما ناسيين ان سياسة التسويق والتواجد فى السوق مش حتلاقى جديد تقدمة السنة البعدها ودة بتعملة باقى الشركات كـ sony وLG وHTC ودة أدى ان البعض ميقرأش حتى مواصفات الهاتف ويقول مش موجود

طب ما نفس الحال ما بين xperia z2 و 3 اية الجديد ؟ لا جديد واختلافات فقط فى اداء اعلى وشكل مختلف قليلاٌ ضد المية مقابل سامسونج طرحت خاصية الشحن السريع للنوت 4 Fast Charging
50% فى 30 دقيقة عالفكرة موجود بة قارىء بصمة لمن لم يقرأ المواصفات بالاضافة لتحسينات كثيرة بالنسبة ل s pen تظهر للمستخدم

الكاميرا أظن فى مواقع بتقارن جودة الصور ومع المقارنة حنلاخظ أن أفضل كاميرا للهواتف فهى بالترتيب من نصيب 1# نوكيا 2# وسامسونج 3# Apple بالرغم ان سونى هواتفها بتركز على الكاميرا ووصلت ل 20 ميجا بكسل مش شرط الرقم فى عومل ثانية كتير

أنا عاوز اوضح وليس دفاعاُ عن سامسونج ولا أملك احد اجهزتها لاكن بتكلم من واقع قرائة ومتابعة لمؤتمر IFA 2014 أن نوت 4 بيقدم أعلى مواصفات حتى الأن بين كل الهواتف التى تملكها الشركات فى منافسة اة موجودة بس مش حنلاقى التجميعة البيقدمها النوت 4 فى كل الهواتف الاخرى

بالنسبة لمن يملك نوت 3 مش مطلوب انة يحدث اقل من جيلين بعد الهاتف يعنى الحيجيب النوت 4 على الاقل معاة نوت 2 علشان يحس بفرق طبعاُ ودة الطبيعى لاكن كل سنة موبايل دة اهدار للفلوس ملوش لازمة من وجهة نظرى !

## مننساش ان سامسونج قدمت فىى المؤتمر فئتين من الجلاكسى نوت الثانى هو Note Edge يعنى فى اختيار اخر ممكن نتوجة لية لو مش حابين النوت 4

المستنى Apple حتقدم إية وانا منهم مظنش فى تغييرات كبيرة حنلاحظها ومننساش ان أبل مش محتاجة ولا باقى الشركات تطوير أكثر فى الرام هو البروسيسور كافى جداً الرامات عامل مساعد ومش حتفرق 3 من 4 احنا مش حنطير بية أمال نقول اية لو أبل نزلت رامات 2 ولا كاميرا 10 ميجابيكسل ! هل من وجهة نظر المش حابب النوت ومش شايف جديد كدة أبل طورت جامد كافى ان ال ios 8 هو تحسين ل ios7 ما بالكم android L لما ينزل للنوت 4 حيبقى الوضع اية كمقارنة أفضل ما فى الشركتين !

**Mohamed.Ramah** · 05-09-2014 06:25 PM

المشاركة الأصلية كتبت بواسطة M7amD_7amDy

وايه رأيك يا ميدو هتجيب نسخة Qualcomm Snapdragon 805 (SM-N910S) ولا Exynos 5433 (SM-N910C)

أفضل لحضرتك النسخة Exynos 5433 (SM-N910C كأداء أعلى ودة صورة بتوضح كلامى من موقع gsmarena

**Mohamed.Ramah** · 05-09-2014 10:34 PM

المشاركة الأصلية كتبت بواسطة ahmad--ezzat

راي شخصي

السامسونج كويس… بس مش عارف ليه مفيش اي تجديد برغم الموديلات الكتيره اللي بتنزل من سامسونج… كان معايا نوت 1 وجبت نوت 2 وجبت ميجا… التلاته تقريبا مفيش فيهم تغيير مع ان سرعة المعالجات مختلفه… مسكت النوت 3..برضه… حاسس ان الموضوع ممل وروتيني جدا… نفس البلاستيكات نفس الماتيريل باختلاف نوت 3… الصراحه المره الجايه لو غيرت ..هخرج برة اطار سامسونج

الايفون له زبونه… وانا من النوع اللي اللي بحب يكون السوفتوير مفتوح وله منافذ تعديل… .
النوكيا الويندوز فون موبيل هايل وكل ريفيوهاته ممتازه… ويندوز 8 كويس وسريع وخصوصا جهاز 1520 لوميا… وبفكر فيه جديااااا

أحساس حضرتك واصل للكثير وأظن الفكرة كلها فى نظام التشغيل وواجهة التشغيل للشركة ليهم عامل كبير فى تحديد مدى عملية او سرعة الهاتف وأعتقد بعد توفر أندرويد L والمميزات الاعلن عنها حيتحسن الأمر بصورة كبيرة عن التحديثات السابقة وبالنسبة لواجهة التشغيل فمن رأى
HTC Sense UI 6 أفضل الموجود حالياُ مميزة فعلاُ

نوكيا بتقدم مواصفات جيدة وكل شىء لاكن ناقصها التميز أكثر بالرغم أن هواتفها تستحق الشراء فعلاُ ينقصها فقط رفع المواصفات

**M7amD_7amDy** · 06-09-2014 06:07 AM

المشاركة الأصلية كتبت بواسطة Mohamed.Ramah

أفضل لحضرتك النسخة Exynos 5433 (SM-N910C كأداء أعلى ودة صورة بتوضح كلامى من موقع gsmarena

أشكرك ياباشا على النصيحة :)

وانا فعلا أقتنعت بالنسخة دى وأهم الأسباب

1- معالج 64 بت وده طبعا هيكون فعال مع أندرويد L
2- دقة تصنيع 20 نانو متر وطبعا حرارة اقل واستهلاك بطارية اقل
3- تردد الرام 933 ميجا

وده أقتباس من واحد شرح الفرق بين النسختين والأفضلية كده لنسخة الـ Exynos

من اوائل الاجهزة التي تحمل معمارية Cortex-A57:
وهنا الكلام يخص النسخة الحاملة لمعالج إكزينوس 5433. عجبت للتهميش الذي تعرضت له هذه النسخة التي تحمل اوائل معالجات الـ٦٤ بت، وليس هذا فقط، بل بأربع نويات سرعتها 1,9 غيغاهيرتزا للمعالج الاساسي، ولكن ما الفائدة منه؟

معالج النوت 4 إكزينوس 5433 تم بنائه بدقة تصنيع تبلغ 20 نانو متر، بخلاف السنابدراغون 805 الذي بني بدقة 28 نانو متر، مما يفترض ان يقلل الحرارة المنبعثة اثناء نشاط المعالج والمحافظة على استهلاك مقدار اقل من الطاقة.

الامر الاخر هو ترددات الرام، المعالج هذا يدعم رامات DDR4 بترددات تصل لـ1,6 غيغاهيرتز، لكن سامسونج قررت استخدام رام DDR3 للنسختين، تردد نسخة الاكزينوس ٩٣٣ ميغاهيرتز و٨٠٠ ميغاهيرتز للاخرى.

بالتالى المعالج يدعم وصول اسرع للرام ويدعم سرعات كبيرة في القراءة والكتابة للذواكر.

وده اللينك والصراحة الراجل حلل الجهاز وظهر مميزاته بشكل دقيق واحترافى

http://www.ce4arab.com/vb7/showthread.php?t=580492

**mastr_n** · 22-09-2014 12:30 PM

طيب بعد مالجهاز نزل واتهرس فى كل المنتديات وعلى اليوتيوب

اية رايكوا اجيب النوت 3 خصوصا ان سعرة اكيد نزل شوية علشان النوت 4
ولا استنى النوت 4 ؟

يعنى فرق السعر هيستاهل انى استنى شوية واجيب النوت 4؟

-

-

-

-

الموضوع: Note 3 ولا استنى Note 4

LinkBack

أدوات الموضوع

عرض

-

-

-

-

-

المواضيع المتشابهه

note 3

note 1

note 2

للبدل تابلت note 10.1 بموبايل note 2

الكلمات الدلالية لهذا الموضوع

المفضلات

المفضلات

ضوابط المشاركة