الكهربا قاطعة في كل حتة تقريبا !!
حد فاهم السبب ايه ولا حصل ايه ؟
عرض للطباعة
الكهربا قاطعة في كل حتة تقريبا !!
حد فاهم السبب ايه ولا حصل ايه ؟
انا في القطامية عند نادي الصيد وقاطعة من ٧ الصبح !
شد عضلى
بلاك اوت جزئي .. وبيناور علشان يدخل ببعض المحطات
هاها ها . الظاهر الولد الشقى بتاع الخليفة المرسى اللى كان بياخد 20 جنية و ينزل السكينة رجع يلعب تانى و شكله عايز 40 جنية علشان ماينزلهاش .
طبعا ده كلام هبل لكن الحقيقة المشكلة أكبر من كدة بكتير . أكبر من مبارك ( اللى كان السبب فيها ) و من طنطاوى و مرسى و السيسي
إحتياجات مصر حاليا : 27 ألف ميجا (كل حاجة ) + 5 آلاف ميجا سرقات و عشوائيات +2 ألفين ميجا نطاعة ( جهات سيادية و شبه سيادية لا تنقطع عنها الكهرباء و لا تدفع )
إذا إجمالى إحتياجات مصر حاليا 34 ألف ميجا خلاف 8 آلاف ميجا مطلوبة للتوسعات العمرانية و الصناعية خلال سنتين ( المليون وحدة + ال150 ألف وحدة بتاعت الجيش + المصانع الجديدة و المصانع التى يعاد تشغيلها + توسعات مصانع الحديد و الأسمنت لزيادة الإنتاج لتغطية المشاريع الجديدة + إنارة طرق جديدة ......)
يعنى مصر تحتاج إمكانيات توليد 40 ألف ميجا حتى 2016 و المتاح حاليا 22 ألف ميجا لإن ليس كل محطات مصر تعمل فى وقت واحد و بنفس الكفاءة . إذا عجز مصر الحالى 12 ألف ميجا و ليس كما يقول الوزير 3 آلاف .
لسد العجز الحالى نجد أن كل وحدة توليد فى محطة combined تعطى 650 ميجا ( 5 توربينات * 130 ميجا ) و لا يوجد توربينة حرارية فى العالم تعطى أكثر من 130 ميجا حتى الآن . إذا نحتاج 27 وحدة يعنى 13 محطة كهرباء جديدة . والمحطة الواحدة تستغرق من 3-4 سنوات حتى تمام التشغيل و عندها تكون إحتياجات مصر زادت و الكهرباء لا تكفى .
لذلك المشكلة أكبر بكتييييييييير مما نتخيل و مما يقوله لنا المسئولين علما بأن الوزارة الحالية و لا التى قبلها و لا حتى وزارة قوطونيل مسئولة عن هذا .
الحل هو البدء من 10 سنين فاتت على الأقل فى إنشاء محطات نووية لإن الوحدة الواحدة منها تعادل 4 محطات من اللى عندنا فى مصر .
الموضوع محتاج قائد شجاع جرىء ياخد القرار
و لو بدأ السيسى اليوم فى التنفيذ فهناك أمل فى إنكسار المشكلة بداية من سنة 2020 و ماينفعش قبل كدة.
كان بيناور بخط السد العالي .. التردد اتغير .. المحطات خرجت نفسها اتوماتيك للحمايه
فيه تربينات غازيه بطلع لحد 250 ميجا
النوباريه فيها اتنين
سيدي كرير فيها اتنين
العطف فيها اتنين
شمال القاهره اتنين
واكتوبر
وفي كتييييير مس متذكر دلوقتي
المشكله جت منين ؟
1- مفيش وقود يشغل المحطات غاز طبيعي ومازوت (وتقريبا عشان مفيش فلوس نشتري)
2- بقالنا اربع سنين مفيش محطه خلصت بما يرضي الله .. من كتر الاضرابات ووقف العمل في المحطه مثل السخنه وبنها والسويس وطلخا وابو قير والتبين انفجرت ... و و و و و
بعد ده كله طبيعي جدا يحصل عجز
الحل من وجه نظري
1- ع المدى القريب
توفير وقود كافي للتشغيل
انشاء محطات غازيه بسرعه (بتاخد 6 شهور)
نكمل عادي في المحطات البخاريه (بتاخد من 3 الى 4 سنين)
ترشيد الاستهلاك
2- ع المدى البعيد
محطه نوويه في الضبعه في اسرع وقت (بتاخد 10 سنين تقريبا) وبتنتج تقريبا 5 جيجا
أستاذى :
1- كان لى الشرف فى العمل فى محطة سيدى كرير عام 1996 المرحلة الأولى ثم محطة عيون موسى 1998 و كذلك محطة النوبارية 2005 مع شركة المقاولات التى كانت تنفذ محطة غرب القاهرة فى نفس الوقت . ثم محطة العطف 2008 . ولى أصدقاء فى محطة العين السخنة و أؤكد لك أن كلها 640 ميجا لكل مرحلة .
2- يوجد فى العالم توربينات تولد أكثر من 130 ميجا و لكن ليس فى مصر و لا أعتقد أنها تصلح إنشائيا فى مصر
أوافقك على باقى كلامك
حضرتك زميل عزيز
انا اشتغلت في
شمال القاهره
النوباريه
العطف
سيدي كرير
التبين
غرب القاهره
طلخا
ابو قير
بنها
شمال الجيزه
السخنه
السويس
ده غير اللي برا مصر
وودي قدره الوحدات اللي اشتغلت فيها (سواء اكستينشن .. توسعات .. او محطه جديده خالص زي السخنه مثلا )
cairo north power station 3x250 mw
اتنين غازيه واحده بخاريه
nubaria power station 3x250 mw
اتنين غازيه واحده بخاريه
sidi krair power station 3x250 mw
اتنين غازيه واحده بخاريه
el atf power station 3x250 mw
اتنين غازيه واحده بخاريه
el tebbin thermal power plant 2x350 mw
اتنين بخاريه
cairo west thermal power plant 2x350 mw
اتنين بخاريه
abu qir thermal power plant 2x650 mw
اتنين بخاريه
talkha thermal power plant 2x350 mw
اتنين بخاريه
banha power station 3x250 mw
اتنين غازيه واحده بخاريه
giza north power station 3x250 mw
اتنين غازيه واحده بخاريه
el ain el sokhna supercritical thermal power plant 2x650 mw
اتنين بخاريه
يا ترى اللى حصل فى تونس من كام يوم و هو نفس اللى حصل هنا النهاردة يا ترى صدفة؟؟؟؟
اتمنى..............................
و الا هو الربيع العربى بيعمل كده؟؟؟؟؟؟
انقطاع التيار الكهربائي بصفة مفاجئة على انحاء واسعة من الجمهورية التونسية
الشرق الأوسط آخر تحديث الأحد, 31 اغسطس/آب 2014; 10:05 (GMT +0400)
تونسانقطاع الكهرباء
Share
inSharehttp://i.cdn.turner.com/dr/cnnarabic...?itok=L050AOVJ صورة أرشيفية لمسجد سيدي بوسعيد
تونس (CNN)-- عم الاضطراب انحاء واسعة من مختلف انحاء الجمهورية التونسية بعد انقطاع مفاجئ في التيار الكهربائي شمل البلاد من شمالها إلى جنوبها، بصفة متزامنة، وفيما كانت مباريات رياضية تدور انقطع التيار فجأة حسبما لوحظ على القنوات التلفزيونية التونسية التي كانت تبث تلك الأحداث مباشرة.
وفي الوقت الذي لم يصدر فيه بيان رسمي حتى الساعة نقلت إذاعة "موزاييك" عن المتحدث باسم الداخلية التونسية قوله إن عطبا في محطة توليد الكهرباء في قابس جنوب البلاد تسبب في انقطاع الكهرباء عن عدة مناطق.
ضجت مواقع التواصل الاجتماعي بتعليقات التونسيين حول هذا الحدث الذي تشهده البلاد بهذه الكيفية الواسعة للمرة الأولى في تاريخها.
وسبق أن هددت نقابة الكهرباء والغاز بتنفيذ اذراب شامل احتجاجا على مشروع قانون اقترحته الحكومة على المجلس الوطني التأسيسي أثار مخاوف لدى العمال من خصخصة الشركة التي تعد من ضمن الأكبر في البلاد، لكن النقابة أوضحت أنها ربما تنفذ ذلك الاضراب في منتصف سبتمبر/ أيلول واستبعد مسؤول منها وقتها أن يتم إغراق البلاد في الظلام ملمحا إلى أن أي قطع احتجاجي للكهرباء سيكون في أماكن محددة.
واستغرق الانقطاع فترة لم تتجاوز الساعة، حيث شهدت عدة محافظات عودة تدريجية للتيار الكهربائي.
انقطاع التيار الكهربائي بصفة مفاجئة على انحاء واسعة من الجمهورية التونسية - CNNArabic.com
يا باشمهندسين
فى محطات ستيم 250 ميجا وات ومحطات جاز 250 ميجا زى ما الباشمهندس قال
وموجوده فى اماكن كتيره سيدى كرير والنوباريه وغيرهم
فعلا انا معاكم ان الحل فى محطات نوويه
بس انا ليا تعليق واحد على الموضوع دا تشغيل وصيانه المحطات النوويه محتاج اعداد مهندسين وفنيين بصوره مختلفه تماما عن الوضع الحالى
طبعا انتم عارفين ان محطه نوويه بيشتغل فيها المفاعل النووى لمده متواصله متوسطها 30 سنه علشان يشغل البويلر يعنى بويلر اون لاين لمده 30 سنه يعنى منتالتى مختلفه فى التشغيل والصيانه والسيفتى
الموضوع مش سهل بس مش مستحيل بس محتاج اصرار ودراسه صح
وننسى المنتالتى بتاعت المصرين المعروفه
الشيله تقيله شويه . . :crying2:
بس على مين ؟؟!!
[QUOTE=a_nbm;3875736281]حضرتك زميل عزيز
انا اشتغلت في
شمال القاهره
النوباريه
العطف
سيدي كرير
التبين
غرب القاهره
طلخا
ابو قير
بنها
شمال الجيزه
السخنه
السويس
ده غير اللي برا مصر
وودي قدره الوحدات اللي اشتغلت فيها (سواء اكستينشن .. توسعات .. او محطه جديده خالص زي السخنه مثلا )
cairo north power station 3x250 mw
اتنين غازيه واحده بخاريه
nubaria power station 3x250 mw
اتنين غازيه واحده بخاريه
sidi krair power station 3x250 mw
اتنين غازيه واحده بخاريه
el atf power station 3x250 mw
اتنين غازيه واحده بخاريه
el tebbin thermal power plant 2x350 mw
اتنين بخاريه
cairo west thermal power plant 2x350 mw
اتنين بخاريه
abu qir thermal power plant 2x650 mw
اتنين بخاريه
talkha thermal power plant 2x350 mw
اتنين بخاريه
banha power station 3x250 mw
اتنين غازيه واحده بخاريه
giza north power station 3x250 mw
اتنين غازيه واحده بخاريه
el ain el sokhna supercritical thermal power plant 2x650 mw
اتنين بخاريه[/
عفوا كلامك صح : رجعت للأوراق القديمة و فعلا محطة عيون موسى كانت 2*320 = 640 ميجا . آسف
يعنى ايه يا جماعة ((مناورة بخط اسد العالى )) ؟
بالبلدي خالص عشان نفهم
بينقل من خط لخط تاني عشان يعمل صيانه للخط الاول ..ماظبتطش معاه .. وقع محطه (سيستم الحمايه خرج المحطه اتوماتيك عشان ماتولعش)
الحمل زاد ع المحطات التانيه عشان واحده خرجت فجأء وسابتهم لوحدهم
راحوا هما كمان زعلوا وخرجوا من الشبكه
وسابوا الشبكه فاضيه من غير كهربا
فووووووم ايه ... الكهربا قطعععععععععععت
تقريبا 13 محطه خرجت م الشبكه
وده اسمه بلاك اوت جزئي (او براون اوت)
والخروج ده للمحطات اسمه خروج سخن (hot start) وعشان المحطه ترجع تاني ع الشبكه بتاخد من 3 الى 5 ساعات
وفي خروج تاني اسمه خروج بارد (cold start) وعشان المحطه ترجع تاني ع الشبكه بتاخد من 1 الى 3 ايام
البلاك اوت حصل قبل كده في امريكا 2002
وحصل في الهند
ومصر تقريبا في التسعينات
بلاك اوت يعني البلد كلها تبقى كحححححححححل
ملحوظه .. انا ميكانيكا مش كهرباااااااااا
بيان توضيحي لانقطاع الكهرباء عن غالبية الجمهورية
-----------------------------------
- في تمام الساعة السادسة صباح يوم الخميس الموافق 4/9/2014 وأثناء توصيل الدائرة (القاهرة-النوبارية) جهد 500 ك.ف حدث خروج مفاجئ لكافة وحدات الانتاج بمحطة النوبارية (1450 م.و).
- الخطأ الذي حدث هو توصيل الدائرة (النوبارية-القاهرة) من ناحية النوبارية أولا ثم من ناحية القاهرة، والمفترض أن العكس هو الذي يحدث، مسئول عن هذا الخطأ مهندس الوردية بالتحكم القومي للطاقة، حيث أدى لحدوث Over current.
- الخروج المفاجئ لمحطة النوبارية أدى لحدوث هزة على الشبكة القومية جهد 500 ك.ف، مما أدى لخروج كثير من الدوائر من الشبكة الموحدة جهد 500 ك.ف و220 ك.ف، مما أدى لانخفاض مفاجئ في قيمة الأحمال.
- الانخفاض المفاجئ أدى لارتفاع سرعة الشبكة لتصل 3072 لفة/الدقيقة (الطبيعي 3000)، وارتفاع تردد الشبكة ليصل 51.38 هرتز (الطبيعي 50)، مما نتج عنه خروج كثير من وحدات الانتاج من الشبكة الموحدة لعدم وجود تزامن.
- المفترض وجود جهاز وقاية يحمي الوحدة من الانخفاض المفاجئ في الحمل، حيث يقوم بخفض كمية الوقود المستخدم، وخروج الوحدات يعني عدم عمل أجهزة الوقاية على أكمل وجه.
- كل تلك الأحداث المتتالية وقعت في زمن قليل ربما لم يتخطى الربع ساعة.
- تم بالفعل اعادة الدخول ببعض وحدات الانتاج التي خرجت من الخدمة، وجاري الدخول بالباقي.
- عمليات فصل وتوصيل الدوائر جهد ( 500 ك.ف -220 ك.ف-66 ك.ف) يطلق عليها مصطلح "مناورة".
ما شاء الله مـــوضوع دسم معلومات بور وميكانيكا قوى
الخطأ البشر وارد بس السيستم المظبوط لازم يكون فيه نظام حمايه ... اخدت بالك من دى: - المفترض وجود جهاز وقاية يحمي الوحدة من الانخفاض المفاجئ في الحمل، حيث يقوم بخفض كمية الوقود المستخدم، وخروج الوحدات يعني عدم عمل أجهزة الوقاية على أكمل وجه.
فى حد كان بيتكلم على محطه نوويه ... يالا نعملها و نحطلها نفس نظام الحمايه و هتلاقى نفس المهندس بتاع المناوره هو اللى بيشغلها ..... ابحث عن سيد حباره و انت تفهم قصدى
شويه $%#$^%$^#%#$%#$^#$ ماسكين البلد
النهاردة الكهربا قطعت من الساعة 12 الضهر لحد 2
وجت من 2 لحد 3
وراحت قطعت تانى من 3 ولسة جاية من حبة
ايام ما يعلم بيها الا ربنا
ربنا يستر
اعتقد محطة الضبعه خلاص . . بخ !!
هيئة المحطات النووية تسلم أرض الضبعة الجديدة للقوات المسلحة
وستضم المدينة إنشاء 1500 وحدة سكنية وشاطئ عام على البحر مباشرة لأول مرة لأهالى الضبعة،
وتبلغ مساحة المدينة الجديدة حوالى 2300 فدان، يستفيد من وحداتها حوالى 500 أسرة متضررة
من نزع أراضيها بالقرار الجمهورى الصادر فى عام 1981 لصالح إنشاء أول محطة نووية بالضبعة.
هيئة المحطات النووية تسلم أرض الضبعة الجديدة للقوات المسلحة | المصري اليوم
اتقى الله و هات النص التانى من الحقيقة و متجبش النص اللى يناسب هواك بس. . . النص التانى من الحقيقة اهه:
"العاملين بالطاقة النووية": الجيش أنهى ٦٥٪ من البنية التحتية للضبعة اليوم السابع
الحقيقة الكاملة بقى هى ان ارض المحطة اتنزع ملكيتها من ناس و الجيش خلص 65% من بنيتها التحتية و هيخلصها كلها قبل اخر السنة. . . و الناس اللى اتنزعت ملكيتهم لارضهم لصالح المشروع هم اللى الجيش بيعوضهم بالمشروع اللى انت جايب تفاصيله. . .
اصلا اسوء مكان يتعمل فيه محطه نووية فى مصر هوه الضبعة و شوفوا اتجاه الرياح السائد فى مصر ايه و لو حصل اى مشكلة فى المحطه ايه الى هيتلوث فى مصر
و افضل مكان استيراتيجى يتعمل فيه حاجة زى كده فى سيناء على الحدود مع اسرائيل عشان يبقى امن المحطة دى من امن اسرائيل لان اى حاجة تحصل فيها مش هتضر غيرهم او تتعمل فى جنوب مصر على الحدود مع السودان الاول ده من حيث استيراتيجية المكان و التانى ده من حيث ان المكان لو حصل فيه حاجة ميأثرش على البلد كلها من شمالها لجنوبها
و ليه نبدأ فى حاجة كانت فى العالم كله من عشرين سنة ليه منمشيش فى الى كل الناس ماشيين فيه دلوقتى \
سواء طاقة رياح او امواج او خلايا ضوئية من الشمس الى شغاله عندنا فى الصيف بال 12 ساعة و من اعلى معدلات الاشعاع الشمسى فى العالم على مدار السنة كلها و طاقة نضيفة ولا فيها وقود ولا غيره كل الى بتحتاجة نضافه للخلايا
انهاردة فوق ال 8 ساعات قطع
وروحت مكان تاني بردوا مفيش كهرباء
وبردوا كان في شبكات واقعة
ومش عارف السبب ايه لحد دلوقتي
اللي حصل في مصر حصل قبل كده في أورويا سنة 2006 ولنفس السبب في محطة في ألمانيا (اللي الاسطورة بتقول انهم كانوا بيحتفلوا فيها بأن بقالهم 30 سنة الكهربا مش بتقطع ههههه) بس عملت بلاك اوت ووقعت الشبكة في كذا دولة في أورويا ومعاهم المغرب كمان عشان كلها مربوطة ببعض
عادي بلاش أفورة
2006 European blackout - Wikipedia, the free encyclopedia
متحاولش على الرغم من اننا اكيد بلد من اسؤ بلاد العالم فى الاداره الا ان ثقافه المصرين اصبحت جلد الذات بشكل مبالغ اول كلمه لازم تتقال اننا فى دوله من اوس.. و من افشل و من ازبل دول و ان ده ميحصلش الا فى دوله زباله زى دى و هكذا كلام كله قاتل للمعنويات بقالنا مش اقل من 15 سنه كده و كأن بلاد العالم المتقدمه هى الاغلبيه و كان فى دول كتير زى مصر افضل من مصر ساعد على ذلك ان كثير من دول المنطقه غنيه جدا بدون جهد يذكر و كمان فساد الحكومات الشديد افقد الناس الثقه فى كل ما هو حكومى
منك لله يا مبارك انت وماهر اباظة
تم الاتفاق ايام ماهر اباظة وزير الكهرباء ق من حوالى عشر سنوات
مع حكومة ورئيس الارجنتين على اقامة محطة نووية للكهرباء بتكلفة حوالى اتنين مليار
وبالفعل تم حضور كارلوس عبد المنعم ريس الارجنتين لمصر وتوقيع البروتوكول
وتم البدء فى التنفيذ على الساحل الشمالى
ولكن فوجئنا بعدها بقرار وتصريح عجيب من وزير الكهرباء الفلحوص
انه لاداعى لاتمام المحطة النووية وان انتاج مصر من الكهرباء يكفى
وان الشبكة الدولية بين مصر والاردن ولبنان والتى تم الربط بينهم ستسد الاحتياجات اللازمة
وطبعا ده كله بتعليمات من امريكا للكلب مبارك عشان خاطر عيون اسرائيل اللى باع لها الغاز هو ونسيبه بتراب الفلوس مع تحويل العمولة للخارج فى حسابه
وطار المشروع فى الهواء وزغرطى ياللى انتى موش غرمانه
معنى كلام حضرتك ان الجيش خلص 65% وانه سيتم الانتهاء قبل اخر السنة ياريت يصدقوا
طيب ليه ماحدش بيقول الكلام الحلو ده او يجيب سيرته من قريب او بعيد من جهابذة الاعلام المصرى او البهوات من كبار المسئولين ليطمنوا الشعب وسط القرف اللى عايشينه كل يوم
والا كله كلام فى الهواء لتحسين الصورة كالعادة والا برضه راح يطلع زى جهاز العلاج بالكفتة
المانيا لما حصل فيها البلاك اوت
في وزير كهربا اخد استماره سته (مؤكد)
في رئيس ورزاء اخد استمار سته (ممكن)
في تعويضات ماليه و معنويه للمتضريين (مؤكد)
حد مسئول طلع اعتذر (مؤكد)
اللي عمل البلاك اوت راح ورا الشمس (مؤكد)
الموضوع لم يتكرر مره اخري (اكيد برضه)
في مصر بقي لما حصل البلاك اوت
ايه بقي ؟ :d
بلح -_-
منصب الوزير عندهم منصب سياسي ملوش لازمة طرطور زي ملكة بريطانيا بالظبط هيشيلوه ويجيبوا غيره والوزارة بتكمل عادي ولا أكن حاجة حصلت بصرف النظر عن الوزير مين
هما شالوا الوزير هناك بجد؟؟
احنا عندنا اتغير نظامين و 4 رئيس و7 رئيس وزراء و11 حكومة في 3 سنين بمعدل حكومة جديدة كل 4 شهور ونص :d
أكيد مش ده الحل :)
و هو من تقوى الله اننا نعمل كتله سكنيه مقتطعه من أرض مخصصه لمحطه نوويه ؟؟
وهى حاجه كويسه ان الكتله السكنيه دى تبقى متاخمه لمحطه نوويه أساساً ؟؟
أخيراً . . شركات المقاولات بتفلس و بيسرحوا عمالهم و مهندسيهم
و مع ذلك لايتم اسناد مثل هذه المشروعات إلا لأصحاب الحظوه المقربين فقط . . دا عدل و تقوى ؟؟