الموضوع: تقرير كامل هام ميتسوبيشى شارك 2015 بعد التجربـه

تسلم عالتقرير
وفرأي عربية قوية ومميزاتها تغلب بعض العيوب

عزل صوت الكابينه هو اللي مش كويس و كمان فعلاً الشنطه ضيقه يعني طول و عرض كويس و لكن العمق مش كويس ثانياً الجنوط 16 وليست 15 بوصه.

العربيه سحبها كويس و التسارع بتاعها كويس جداً حتى بعد ال 170 و ال 180 بتتسارع برضوا.. العربيه واسعه جداً و مريحه في قعدتها سواء كنت قاعد في الخلف أو الأمام.. عاليه من عالأرض و رغم كده ثابته عالطريق و عالسرعات العاليه كمان.. مهما كان معاك أشخاص ضخمه في العربيه عمرك متطلع مطب سمبوكسه ولا تحك فيه.. صوت موتورها رياضي عفشتها كويسه و تتحمل اللي بتشوفه من مصر.. الباور مش ميه زي الياريس و مش تقيل بس هو وسط و هتتعود عليه و ثابت جدا عالسرعات العالية برضوا.. العربيه دي أحسن سعر في فئتها يعني بتركب عربية محترمة ياباني 100% بسعر زي ده و في الآخر كل واحد مقتنع بإختياره و عربيته يعني الكلام ده للناس اللي بتفكر و لسه هتشتري مش للي إشترى خلاص.

ربنا يعطيكم خيرها و يكفيكم شرها

المشاركة الأصلية كتبت بواسطة monamize4

قدرة الشارك على المنافسة بتقل كل سنه عن اللى قبلها
ف وقت من الاوقات كانت بتنافس بقوة ف فئة ال c segment
لكن دلوقتى بقت تكنولوجيا قديمة من 2008 و حتى ماشفنالهاش تغييرات
باستثناء الموتور ال1600 بدل ال 1500 و اعتقد ان اتشال منها شوية اوبشنز مع التوكيل الجديد

الصراحة مقدرش اقارن الشارك بالسيفيك او الاستر او الكورولا او الفوكس :n_no[1]:
الشارك اتاخرت جامد عنهم و ما بيميزهاش غير سعرها اللى اقل منهم
و اصبحت فئة لوحدها (مجازا) اللى هى اقل الاسترا و الفوكس و اعلى من الريو و ال rb
اللى هما اصلا subcompact ,,

يعنى الشارك بتقسيمة السوق المصرى ,, بقت لوحدها ف فئة سعرية ف حدود 135 -155
و الصراحة الكروز الفيس ليفت بال powertrain الجديدة و ال esp بقت اختيار
ممتاز للى معاه 150 الف

حقيقى خسارة كبيرة لل three red diamonds اللى واضح كدا ان اهتمامهم بال hybrid
جه على حساب حاجات تانى

احب احیی حضرتك
كلام منطقی 100 %
استاااااااااااذ