قربة الميه مليانة للاخر

**snowlandeg** · 04-09-2014 12:55 PM

السلام عليكم و رحمة الله

العربية عندي عملت معايا حركة مش فاهمها لسه قريب كنت مغير جوان وش سلندر و مغير طبب الموتور لانها خلطت ميه علي زيت

الحركة انها لما تسخن القربة بتبقي مليانة علي اخرها ميه من الريداتير ولما ابطل العربية المية تخرج من فايز القربة.

يعني انزل اشتري حاجة الاقي كوباية ميه مدلوقة تحت العربية

ايه سبب المشكلة و ايه الحل؟؟؟؟

**Abo Yasso** · 04-09-2014 01:14 PM

المشاركة الأصلية كتبت بواسطة snowlandeg

السلام عليكم و رحمة الله

العربية عندي عملت معايا حركة مش فاهمها لسه قريب كنت مغير جوان وش سلندر و مغير طبب الموتور لانها خلطت ميه علي زيت

الحركة انها لما تسخن القربة بتبقي مليانة علي اخرها ميه من الريداتير ولما ابطل العربية المية تخرج من فايز القربة.

يعني انزل اشتري حاجة الاقي كوباية ميه مدلوقة تحت العربية :copy of majd(4):

ايه سبب المشكلة و ايه الحل؟؟؟؟

لما بتبطل العربيه ده بيبقى اكبر وقت فى ضغط على دوره المياه
بس انها تطلع ميه بره ده اللى مش عارفه انا كانت بتعمل كده عندى من الغطاء بتاع القربه وغيرته وبقى تمام

**snowlandeg** · 04-09-2014 02:24 PM

هشوف كده

**عبدالله برعى** · 04-09-2014 04:33 PM

الطبيعى ان مستوى المياه يكون بين العلامتين f & m فى اقصى درجات البرودة واقصى درجات السخونة

بسبب موضوع فرق الضغط (مهم)

**almohaor** · 04-09-2014 08:46 PM

غير غطاء الردياتير باخر بنفس الرقم

**borio1704** · 05-09-2014 01:58 AM

ده نفس الرد على نفس موضوعك اللي في قسم "زيوت وسوائل أخرى":

المشكلة دي سببها بسيط جدا .. وغالبا هو ده اللي خلى العربية تجيب جوان وش السلندر

غطا الرادياتير عايز يتغير !!!

غطا الرادياتير المفروض إنه يحافظ على ضغط المية عند مستوى معين جوه الرادياتير علشان الضغط له تأثير على درجة غليان المية (الضغط العالي بيرفع درجة الغليان)

ولو زاد الضغط عن المستوى ده البخار بتاع المية بيخرج من الغطا ويروح القربة.

ولما حضرتك تطفي العربية المية بتبرد والضغط بيقل جامد (زي فكرة برطمانات المربى).... ولو المية اللي طلعت دي ما رجعتش.. ممكن لما تيجي تشغل العربية تاني تكون المية ناقصة زيادة عن اللزوم والعربية تسخن..

علشان كده بيبقى الغطا فيه فتحة صغيرة بتفتح بس لما الضغط يقل .. وتبدأ تشفط المية من القربة تاني

باختصار.. فتحة رجوع الفائض في غطا الرادياتير مسدودة.

هو حضرتك غيرت الغطا مع تغيير الجوان؟؟

...

**snowlandeg** · 08-09-2014 08:43 AM

انا مركب ريداتير جديد و الغطا جديد و المشكلة دي ظهرت مع الريدياتير القديم برضه بس ما اتكررتش كتير.

في حاجة لاحظتها امبارح

المشكلة ما بتظهرش الا لو العربية سخنة خالص

وصلت البيت فتحت الكبوت و العربية دايرة كله تمام. الميه في القربة مظبوطة.

بطلت العربية سمعت زي صوت تنفيس بسيط عند الساعة جنب الخراطيم مش عارف منين بالظبط و لقيت الميه في القربة بتزيد لغاية لما تخرج منها.

ملحوظة: العربية مافيش اي تسريب في الخراطيم

**lokasherdy** · 08-09-2014 09:50 AM

غير غطاء القربة وخلي حد ياحد الهواء من دورة الميه وقولي القربه عندك فيها كام فتحة ؟

**snowlandeg** · 09-09-2014 09:38 AM

القربة غطا اخضر بفتحتين واحدة رايحة للريداتير بخرطوم و التانية فاضية مش واصلة بحاجة و لا فيها خرطوم

-

الموضوع: قربة الميه مليانة للاخر

LinkBack

أدوات الموضوع

عرض

-

-

-

المواضيع المتشابهه

قربة الميه مليانة للاخر

قربة الميه في الاوبترا

قربة الميه في الفنتازيا

غطا قربة الميه

قربة الميه فيها شرخ من فوق

الكلمات الدلالية لهذا الموضوع

المفضلات

المفضلات

ضوابط المشاركة