الموضوع: آن الأوان نرجع تاني.

البقاء لله يا محمد وربنا يسكنه فسيح جناته ان شاء الله ويتغمده برحمته ان شاء الله.

السلام عليكم.

الحقيقه انا كنت دايما متعود اعلق على مقابلاتي مع الوحوش على طول لئنه موضوع حي جداً بالنسبه لي لكن المره دي اتأخرت وده لظروف والله غصب عني....ربنا ما يوريكوا الهايكستب وزحمته ........دعواتكم بس ربنا يكرمنا ان شاء الله.

المهم المقابله الحمد لله تمت على خير وكانت رائعه الحمد لله .......المقابله المره دي كانت على شرف الاستاذ يوسف عمرو عماره ......وهو ابن عمرو باشا ربنا يباركلك فيه يا عمور ويقدرك تربيه احسن تربيه وتنشأه على نهج القرآن الكريم والاخلاق الحميده ان شاء الله وربنا يجعله فخر والديه ان شاء الله.

طبعاً شرفنا والد يس وهو رجل الحقيقه اكيد كلنا هانشهد ليه بالاحترام والخبره سواء في السيارات والقياده او في الجانب الحياتي وده اللي امتعني اكتر انه فعلاً راجل محترم وقدوه حسنه وصديق لاولاده وهي ميزه ربنا يكرمنا جميعاً بيها ان شاء الله.

شرفنا كمان هاني باشا وهو رجل محترم وهادىء جداً جدا ً وكلامه في وقته وكان هو اول الواصلين الى مكان اللقاء .

كمان شرفنا محمد عادل باشا اللي جاي عشان يشوف الوحوش من طنطا سفر ورجع تاني بالليل .....الحقيقه كلامي عنه مش هايخلص ويمكن ده لقرب اعمارنا من بعض او لشيء خفي لا اعلمه حتى الان لكن هو شخص تحبه من اول نظره وتحب تقعد معاه ويا رب يكون اتبسط فعلاً معانا.

يس باشا الشاب الشقي الجميل......له تجارب مع السيارات ومعرفه على قدر كبير مافيش غير حاجه واحده بس خوفتني منه وهو انه لما كان بيجرب الجين 2 ويعرف هي Stable ولا لأ كان بيحاول يقلبها وللأسف فشل الحقيقه يا عم يس لو كل تستات الدرايف لكل انواع العربيات بالمنظر اللي انت بتعمله كده ماكناش هنلاقي تقييم لأي عربيه خالص لئن كان كل اللي هايعمل التيست هايروح بعدها :k37:.

كان معانا برضه اخو يس .....محمود وصديقهم ....شرفتونا يا رجاله وان شاء الله نشوفكم دايما على طول.

طبعاً على آخر لحظه ايمن باشا اعتذر لظروف خاصه والحمد لله اطمئنينا عليه .

كام نفسنا نشوف باقي الوحوش ايمن وشاركي واحمد عبدالمقصود ومحمد مصطفى والله لكن ملحوقه ان شاء الله أخلص بس وجع القلب اللي انا فيه ده ونعمل مشروع مقابله تاني ان شاء الله المهم ماحدش يضرب ويقول اهمد يابني انت كل كام اسبوع تشحططنا كده وتقولنا مقابله مقابله .

حقيقي أحرجتني جدا بكلامك .. ربنا يكرمك يا رب ويديم المحبة
والشرف كان لينا بمقابلتك يا رامي باشا , و أتمنى إني أشوف كل الوحوش في مقابلاتنا القادمة .

El Baka2 lel Allah ya mohamed rabana yega3alha akher el ahzan

إن شاء الله يا رامي المقابلة الجاية حنخليها اكبر ويارب الوحوووووش اللي جت المرة دي تشرفنا ..

انا فعلا محسوووووووووووووور علي المقابلة اللي فاتت .... الحمد لله...

طمنا عليك واوعي تلبس ....ربنا معاك

المشاركة الأصلية كتبت بواسطة chato_eg

ايه الكلام الحلو ده يا رامى....
إلاهى ينجيك يا شيخ من القوات المسلحة

اّمــــــــــــيـــــــــ ـــــن يا رب!!!