ممكن حد من الاشراف يجمع البوستات كلها فى اول الموضوع عشان متضيعش؟
عرض للطباعة
ممكن حد من الاشراف يجمع البوستات كلها فى اول الموضوع عشان متضيعش؟
مش هقولك غير كلمه واحده .... انت فعلا ابن حلال ..
انا شايف ان اكبر مشكله في البلد دي هي عدم الوعي في حاجات كتير .. كلام الراجل المحترم ده بيوضح ويبرر هوجة معارض العربيات الغريبة اللي فاجأة غرقت السوق ، المشكلة فينا اننا سمحنا للناس دي تستغل اننا ولاد ناس وكل همنا نركب عربيه بغض النظر عن السعر او ازاي طالع بوزنا في اقساط وقرف عشان تصون كرامتك انت واسرتك وتركب عربيه تخلص بيها مشاويرك ، موضوع زي ده ممكن جدا يقلب الدنيا ونبقا احنا "كزباين" نحط على المعارض والتوكيلات ونبينلهم اننا عارفين الاعيبهم الزباله ، ولما السوق يلاحظ كربجة "الزباين" واعتراضهم على حاجات كتير "ممكن" يتلموا شويه ... موضوع العربيات ده فعلا احنا بس اللي نعرف نقف قدامه ... الحمدلله ان في ناس محترمه زي ابن حلال ، وصدق اللي قال ان الفرد ممكن يغير مجتمع !!
بارك الله فيك يا أخى
وربنا يكثر من أمثالك
جزاك الله خيرا
ربنا يبارك فيك ويجعله في ميزان حسناتك
وييسر لك دايما الرزق الحلال
ألله يبارك لصاحب الموضوع و يجازيه بأفضل الثواب
فعلا موضوع هام جدا و المعلومات أللي فيه تساوي فلوس كتير و للأسف ده بقي منتشر جدا في معظم التوكيلات و المعارض
و عن تجربة شخصية لي مع أحد التوكيلات الشهيرة تم سداد السعر كاملا و أستلمت الأوراق (كانت كاش) و قيل لي لازم تستلم العربية تاني يوم علشان تكون وصلت من المصنع
و تاني يوم روحت أستلم العربية لاقيتها واقفة بعيد جدا و فيها ملاحظات كتير و ناقصة الطاسات و التابلوه لونه جربان و الباب الشمال مخربش جامد
بعد خناقة جامدة و قلة أدب كتبوا الملاحظات كاملة في دفتر الضمان و الحق يقال أتعملت علي أكمل وجه في أول صيانة
بس تشتري عربية زيرو ليه بالشكل ده؟ هو أنا بأشحت منهم؟
بصراحة مجال بقي كله قلة أدب و أنعدام ضمير.
ربنا يبارك لك فيما رزقك بالحلال ويعوض عليك بالخير
شعب متدين بطبعه
الموضوع مسمع جامد على الفيسبوك
ياريت الادارة تنسقه وتجمع المشاركات
مصداقا لكلامكم جميعا ، صديق كان بيشتغل مدير الورشة في توكيل سيارات المانية كبير ، حكالي مرة ان عادي جدا لما تيجي عربية فيها مشكلة في فتيس مثلا فايقول للفني "روح ياابني فكلنا فتيس العربية اللي هناك دي نجرب بيه"
فعلا يروح يفك الفتيس من عربية تانية ويركبه يلاقي الشكوى راحت فاياخد الفتيس البايظ اللي جاي فيه مشكلة ويركبه للعربية التانية ولما صاحبها يشتكي ان فيه مشكلة في الفتيس نبقى نشوفله حل !!!!
ربنا يباركلك ان شاء الله ومش هنقول غير حسبنا الله ونعم الوكيل
الله ينور عليك يا فنان ... متابع ومعايا لب وسوداني وعصير ومش هروح النهاردة غير لما اشوف اخر الموضوع ده ايه
متابع وبشده
متابع
شكرا على المعلوم
لكن بالنسبه لموضوع البطاريه
من ضمن الملصقات الموجوده فى داخل السيارات الجديده يوضح تاريخ انتاج السياره
اما موضوع العمولات داخل معارض السيارات ده حقيقه وانا استفدت منه عند شراء سيارتى
نتيجة مشكله حدثت بين بائعين فى المعرض
بجد بقت حاحة تقرف ، يعنى نصب صنايعية و غش فى قطع الغيار و نصب التوكيلات و جشع المعارض
و فى الاخر يقولك عيش فى مصر
فعلا اللى عيش فى مصر ياما يشوف
السلام عليكم ورحمة الله
بعد ما قريت طبعاً كل الكلام الى فات وعرفت ازاي تتعامل مع نصب المعارض والتوكيلات ناقص شوية حاجات لازم تعرفها وانت بتستلم
اعرف المشتملات الى مع عربيتك ايه ..... بعض العربيات بيجي معاها هدايا عينية بتيجي من بره او بتبقى مصروفه مع العربية من التوكيل
لو هتستلم العربية اعرف ايه المفروض يكون معاها (( بدون مقابل ))
ولو حد قالك ان العربية مش معاها حاجة أتأكد واكتب الكلام ده في اقرار الاستلام بوضوح كامل اكتب استلمت العربية وحالتها كذا وبدون متعلقات او اثبت فقط الي اخدته معاها عشان تتأكد ان العربية ما اضربش منها حاجة
وانت خارج بعربيتك هتلاقي حفلة من السادة العمال ومعاهم البائع لو بجح وبيطلبوا الاكراميات .. انت ومزاجك بقى تدفع او ما تدفعش ... العمال في اغلب التوكيلات مش بيشحتوا ومش بيقبضوا قليل والبائع وبياخد عمولة ومرتب
وصدقني لو قولتلك ان فيه عمال خدمات في التوكيلات ديه بيطلع بمصالح شهرياً اكتر من مرتبك بكتير
((خلاصة القول ما تتكسفش فلوسك مش لاقيها في الشارع )) عاوز تدفع ادفع مش عاوز هي مش اتاوة ومش مجبر على كده .... وما تبقاش مكسوف ومتردد لانك لو كده هتتقلب جامد فيه ناس اتقلبت في مبالغ محترمه بالافات
استلم عربيتك وادفع الى عاوزة اكراميه 10 او 20 وطلع حاجة صدقة لحد محتاج افيدلك 100 مرة وربنا يباركلك فيها ويكفيك شرها
بعض التوكيلات والمعارض ليها مندوب مرور بيخلص معاك الورق والترخيص ... برضه ديه شغلته وبياخد مرتب وبدلات انتقالات محترمة ومبلغ على كل ترخيص ورغم كده برضه بينصب على العميل وخصوصاً لو حس ان العميل مش هيظبطه في الاكراميات .
نصيحة المندوب وظيفته يطلع خطاب المرور ويجيبلك كمان شهادة بيانات الى حضرتك هترخص بيها وبعد كده الدنيا بتبقى سهلة انت تقدر تخلصها لوحدك بدون الحاجة ليه وبدون ما تديله فرصة انه يقلبك في فلوسك
للعلم مندوب المرور برضه لو حس بكده بيقولك تكلفة شهادة البيانات 100 او 200 ويضربهم في جيبه ... ما تدفعش مليم وقوله شكراً وكمل انت الاجراءات ولو طول معاك اطلب ايصالات رسمية بالكلام ده (( لانه المفروض ما يطلبش منك فلوس )) لو هتكمل بنفسك الترخيص
تقرير اكثر من ممتاز
جزاك الله كل خير
ايه يا عم ابن حلال الكلام الكبير ده
دا انا استفدت منه جدا وكل ما اقرا فى الموضوع ده واقارن بينه وبين اللى حصلى فى المعرض اللى اشتريت منه عربيتى لقيت والحمد لله انه متنصبش عليا وده ليه علشان الراجل صاحب المعرض كان محترم وكان معرفة وانا كنت رايح المعرض ومحدد بالظبط انا عايز ايه ومن قرايتى لموضوعات المنتدى رايح وانا عارف اعمل ايه بالظبط مع المعرض بس هو خلانى ادفع اكتر من تمن العربية حوالى 1250 جنيه بس وده كان لانه قالى تمن العربية 54 الف وقالى لما جاب العربية ان التوكيل زود ف تمانها الف جنيه فالمفروض ادفع 55 الف وكمان طلب منى بكل زوق اكرامية للعمال فى المعرض ودفعت 250 جنيه والفاتورة اللى اخدتها باسم التوكيل مكتوب فيها 54 الف جنيه فقط وسالته مهو مكتوب 54 قلى الالف جنيه ده مكسب المعرض فى العربية وحلفلى ان ده اقل مكسب علشان انا معرفته
وانا يا عم ابن حلال متابع معاك بشدة لو فيه جديد ومتقوليش الموضوع خلص على كده:camera:
حسبى الله و نعم الوكيل
وربنا يباركلك على الموضوع الراااااااااااااااااااااا ائع و يرزقك بالحلال
ربنا يباركلك
فعلا موضوع محترم
وربنا ياركلك فى مالك وفى اولادك واهلك يا ابن الحلال
وربنا على الظالم والنصاب
رجاء من الادارة تجميع الموضوع فى اول صفحة حتى تعم الفائدة
:angry27:يا جماعة الموضوع ده فعلا بيحصل وانا حصل معايا شخصياً في موزع سيارات عند كلية البنات ومشهور جدا واول حرف من اسم الشركة مـ...... ة اولا البيه النصاب اللي اتعامل معايا سلمني تسليم مفتاح للبهوات سيتي ب ثانيا عربيتي كوري ومستوردة لا قيت الخمس فرد كاوتش متبدلين كلهم صيني ولا عزاء للمصريين وحسبي الله ونعم الوكيل في العالم دول
ربنا يجازيك كل خير.
الخلاصه الشعب المصرى فى حاجه لو اتصلحت هنبقى زى الفل:
الضـــــــــمــــــــــــ ـــــــــــــــــيـــــــ ـــــــــــــــــــــــــ ـــــر
تسلم أيدك على الموضوع .. وانا بحكم شغلى فالمعارض برضو لمده حوالى سنتين ل سنتين ونص
احب اقولك ان فيه بلاوى كتير جدا فالمعارض بس 3\4 اللى حضرتك بتحيكه ده فالتوكيلات لان المعارض صاحب المعرض مش بيديك فرصه تتحرك شمال او يمين ولا تلعب كده ولا كده ألا نادر ... ( الحمد لله برضو سبتها لنفس السبب الى انت سبته عشانها )
واسمحلى أرد على حضرتك كده فنقطه نقطه حضرتك سردتها ...
خلينى بس أقول نقطه مهمه جدا ان الزبون المصرى لو عاملته بكل زوق واحترام و راعيت ربنا فيه وفالبيعه بتعته انه ياخد اقل سعر وأحسن حاجه .. لازم عرق النصاحه المصرى يظهر وتلاقى الرد على سبيل المثال ده بره ارخص ده ابن خاله ابن عمى أمى اشتري عربيه وخد اسعار وخدمه أحسن من كده وادوله عربيه هديه فوق العربيه ( مبالغه منى طبعا ) بس قصدي ان نسبه كبيره جدا تعاملهم بما يرضى الله لازم يحاول يطلع ناصح ويكفرك فالبيعه
ومثال على كده فمكان كنت شغال فيه واحد وابوه .. يعنى كفروا الواد اللى باعلهم العربيه وطلعوا عنيه اتصالات وكل شويه يعرض عليه فلوس عشان يمشى الموضوع وابوه برضو يجي وقولك فلوس واعملوا وسوا والتأمين طيب الفائده طيب نزلى فسعر العربيه طب ... طب ... طب .... , بدون مبالغه بمعدل 15 : 20 مكالمه فاليوم ؟؟!!
لحد فالاخر اما البياع لبسه عربيه كانت كيا سيراتو خليجى جايه من المصنع نص الحوض بالكابوت بالبطاحات ( الجنب شمال كله على الفيلر ) من كتر مهوا كفره وطلع عينه وبيستنصح عليه
فلازم نبئى متأكدين من حته ان الزبون المصري لازم يبان الناصح ودى بتدى فرصه كبيره لعدمات الضمير انه يستغلوهم او يلبسهوم
الموضوع ده نقلته من الفيس عشان تخلوا بالكم برضه وهو بيأيد الكلام بتاع النصب في المرور
حاولوا دايماً تخلصوا الورق بنفسكوا وما تعتمدوش على حد
حتى لو مندوب المرور الى خارج معاك من المعرض او التوكيل
طبعاً الوضع هنا مختلف وده بيرخص عربية قديمة وعليها مخالفات بس الى عاوز اوضحه ازاي النصاب بيعتمد على ((الزبون )) الى بيكبر دماغه ومش عاوز يتعب نفسه للاسف الشعب المصري برضه غلطان لانه هو الى بيصنع النصابين دول في كل مكان وبيديلهم فرصه يسرقوه
[IMG]http://nileup.com/up/uploads/nilemotors_14101931391.jpg[/IMG]
[IMG]http://nileup.com/up/uploads/nilemotors_14101931392.jpg[/IMG]
النهاردة انا اتعرضت لاكتر موقف نصب ممكن اتعرضلة في حياتي وعلشان كدة قررت اكتب البوست دة تحذير مني لاي حد ممكن يقع في نفس الغلطة اللي انا وقعت فيها
انا بقالي ١٢ سنة بسوق وعمري مافكرت حد يخلصلي ورقة واحدة في المرور مع اني مرور فيصل وطبعا ما ادراكم بمرور فيصل وزحمتة ومع ذلك كنت علطول انا اللي بخلص ورقي بايدي
ولسوء حظي ولظروف خاصة قررت المرة دي استعين بحد يخلصلي تجديد الرخصة وزي ما بيتقال عليهم (مخلصتية) مكنتش عارفة هو هيخلص الورق ازاي بالظبط بس قلت استعين بية
وحظي وقع مع واحد يدعي (أحمد بلبل ) ودة هو واخوة شغالين مخلصاتية واخوة دة مفروض خلص قبل كدة ورق ورخصة وكان كويس وامين
استعنت باحمد دة وعملنا الفحص وخلصناة وجيت علشان اعرف مخالفاتي لقيتة قالي عليكي ١٤٠٠جنية مخالفات !!!!!
طبعا انا اتصدمت
وطبعا لاني راح من دماغي تماما اني ادخل علي النت اشوف مخالفاتي فبالتالي مكنتش متاكدة من المبلغ
قلتلة هاتلي تفاصيل المخالفات
دخل وطلع قالي عليكي مخالفتين منهم مخالفة سير عكسي ودي هي اللي ب ١٠٠٠ جنية
ولاني هبلة وصدقتة اديتة ال ١٤٠٠جنية
وفي اليوم دة ملحقناش نخلص كل حاجة قالي تعالي بكرة الرخصة هتكون خلصت
قلت اسيبلة فلوس الضريبة يدفعها ،، طيب كام يا عمنا فلوس الضريبة قالي ١٠٥٠ (طبعا فيما بعد عدفت انها ٧٠٠جنية بس )
ةروحت مديالة الفلوس علي اساس اروح تاني الاقية مخلص الرخصة
لما روحت طبعا كل اللي حوالية قالولي اكيد سرقك واستحالة الرقم دة يكون مخالفات
كلمتة وقلتلة بكرة هاتلي الايصال اللي دفعت بية المخالفات وشهادة المخالفات
قالي تمام
روحت تاني يوم وقابلتة واخدت منة صورة الايصال وصورة شهادة المخالفات ومشي وسابني علي اساس هيروح يشوف ملفي ويحاول يخلصهولي
اخدت الايصال وشهادة المخالفات ودخلت لوكيل النيابة اللي كان في منتهي الاحترام وكشف علي عربيتي وكانت الصدمة ان مخالفاتي بس ٤٠٠ جنية
المفاجاة الاكبر ان الايصال اللي مكتوب فية مبلغ ١٤٠٠جتية هو ايصال مضروب تماما والامضاء والختم مضروبيين وكمان شهادة المخالفات والختم اللي عليها مضروبيين (دي الايصالات اللي موجودين في الصورة)
طبعا انا مبقتش عارفة اعمل اية لان القانون لايحمي المغفليين
بس لان لسة فية اخلاق وجدعنة المصريين فوكيل النيابة قالي روحي لمفتش المباحث واحكيلة كل دة وهو هيتصرف معاكي
ودخلت لمفتش المباحث وطبعا قالي دة سمسار ومش موظف في المرور وقانونا انا ماليش سلطة علية بس علشان انتي اضحك عليكي هنجبلك حقك لاننا عارفين الاشكال دي
وطلع معايا امين شرطة لابس لبس عادي ورتبة كمان كدة بس انا مش فكرة كان مين
وقالولي هتروحي تكلمية عادي واحنا هنجيبة
وفعلا روحت قابلتة برة المرور لانة ميقدرش يدخل المرور بيخلف من مفتش المباحث وقالي انا مش عارف اخلصلك الملف الدنيا زحمة جوة وفي لحظة لمح امين الشرطة جاي علية سابني وجري بعد ماكنت الحمدالله اخدت ملفي منة وهو بيجري رمي بطاقتي والرخصة في الشارع والحمدالله اخدتهم
وجري لغاية ما امين الشرطة مسكة فعلا بس للاسف هرب منهم تاني
رجعت تاني مكتب مفتش المباحث ولقيت واحد جايلي تقريبا بقي دة كبيرهم في المنطقة قالي فلوسك هجبهالك قلتلة ليا ٢٠٠٠جنية وفعلا مافيش ١٠دقايق ولقيتة جايبلي الفلوس مش عارفة جاب الفلوس ازاي
الحمدالله اني اخدت فلوسي وطبعا وقفت انا خلصت ورقي ورخصتي
وندمت اني استعنت باي حد يخلصلي الورق
انا بكتب البوست دة علشان احذر الناس اللي ممكن ميكونش ليهم خبرة زي كدة
لازم الواحد فعلا هو اللي يعمل كل حاجة بنفسة لان مبقاش حد مضمون في الزمن دة
يعني مافيش اكتر من الصور اللي انا حطهالكم كلها مختومة وامضاءات لولا اني دخلت اتاكدت لايمكن ابدا حد يفكر انها مزورة
الحمدالله قدر الله وماشاء فعل بس ارجوكم خدوا بالكم
انا هسيب البوست مفتوح ارجوكم شير علشان تحذروا الناس
اةة نسيت اقولكم اني كلمت احمد دة من رقم غريب وفتح الخط ومردش واديتة كلمتين كدة افش غلي وشتمتة واتحسبنت علية ،، ماهو مكنتش ههدي الا لو عملت كدة الصراحة
https://www.facebook.com/photo.php?f...type=1&theater
ارض شبعانه فساد وغش
الله عليك وعلى موضوعك
تسلم ايدك وربنا يكرمك ويباركلك في الحلال
..
عاوز اضيف نقطه اغلب الناس بتغيب عنها
الا وهي الرزق السلبي
يعني ايه ؟ يعني ربنا يباركلك في صحتك ومالك واولادك
وتلاقي رزقك جايلك وربنا مباركلك فيه
,...
الناس اللي ما بتتحراش الحلال ربنا بيمنع عنها الكلام دا
وتلاقيه مهما يكسب دايما محتاج وفلوسه اللي عمال يجمع فيها بتتبخر في ثانيه
ربنا يرزقنا واياكم الحلال يا رب
بحكم شغلي في مركز معتمد
جات عربيه كارينز فيها مشكله الكاسيت بيفصل تشيل الفيوز وتركبه يرجع تاني العربيه زيرو نبص علي الكاسيت نلاقي ايه
فيه لزقه ضمان كده بتبقي ملزوقه علشان لو اتفتح تتقطع الورقه
وده اللي كان حاصل فعلا الكاسيت مفتوح قبل كده او متغير بواحد تاني الله اعلم طبعا قولنا للعميل والراجل مزبهل وقال انا هارجعلهم .....العربيه جايه من معرض مشهور جداااا
ايه دة .. دة حصل معايا بالضبط بس معرفش اتنصب عليا و لا لأ .. بس برضو طلب منى اغير نوع العربية و عرض عليا التأمين و عرض عليا حبشتكنات العربية و انها هتبقى هدية منه !!!!!!!
متابع
و ربنا يباركلك
بسم الله الرحمن الرحيم اولان انا بشكر حضرتك جدا على المعلومات علشان الواحد استفاد وكل الي هيخش الموضوع طبعان هينقلة لشخص تاني جزاك الله خير تاني حاجه معظم الناس نسبه مش كلهم معندهمش ضمير وبتالي مبيخفوش من ربنا فامش فارقه معاه او مش بيفكر في فى يوم الموقف العظيم لا اله الا الله محمد رسول الله ميعرفوش ان كل حاجه او كل فعل هيتحسبو عليه ربنا يرحمنا من عزاب النار ويجعلنا من اهل الجنة لا حول ولا قوة الا بالله تحياتي لصاحب الموضوع شكرا لحضرتك
جزاك الله خيرا
انا شغال فى شركه بجوار القريه الذكيه وبجوار مخزن وتوكيل هيونداى ودايو وامجراد الجديده وطبعا ال يعرف الطريق ال على اوزله بنزينه امارات مصر يعرف قد ايه هو مكسر واقسم بالله انى بحزن لما بشوف العربيات دى ماشيه اقصد طايره من على الارض وطبعا الطريق مكسر ومطبات ولا فى اى رحمه اكن ال بشترى العربيه دى ابن ستين كلب فلوسه حرام سواقين طايرين على الارض
وطبعا ال عايز فلوس من الفيزا ياخد عربيه زيرو يروح بيها لسه مركبتش نمر ولسه متبعتش اساسا والله حاجه تحزن ونفسى حد راجل من الشركه ياخد اجراء قوى فى التهريج دا
مش هقول غير ربنا يباركلك علي توعيه الناس
و حسبي الله و نعم الوكيل في كل من غش و سرق و نصب
جزاك الله كل خير رجاء تثبيت الموضوع لانو مهم جدا جدا جدا بصرحه الواحد مش عارف يقول ايه حسبي الله ونعم الوكيل فكرين انهم مش هيتحسبو على الكلام دة انا بشكر صاحب الموضوع على المجهود الفظيع انتا متعرفش الموضوع انتشر اد ايه دة انا لقيت اخويا وابن اختي بيكلموني في الموضوع ومستغربين جدا ربنا يبدلك بشغل يكون خير عاليك وعلى اهلك تقبل تحياتي
رساله الي الادارة رجاء تثبيت الوضوع
بارك الله فيك
لا حول ولا قوة الا بالله
المصرى مش بيسرق الا مصرى زيه حتى فى الغربة وعن تجربة
جزاك الله خيرا على الموضوع ويا ريت يتجمع فى صفحة واحدة ويتم تثبته للفائدة
بارك الله فيك وفى امثالك
وربنا يكرمك ويثبتك على مبادئك