حساس كامة فابيا 2002

**a.hefny** · 04-09-2014 05:38 PM

عايز حساس كامة سكودا فابيا 2002 ماكينة 1400 ضروري ......حد يعرف بيتباع فين وبكام

**EngAhmedSayed** · 05-09-2014 12:01 PM

هتلاقية بيتباع فى الحرفييين
و السعر بيكون من 400 و 450 و 500 و 600 جنية
طبعا هو هبل بس شغال هتسأل على المحل اللى جنب مجدى بيومى عنده
ممكن تقولى اية المشكلة اللى عندك و اية اعراضه
ربك المستعان

**Amr_Azab** · 16-09-2014 04:45 PM

حساس الكامة يبان تأثيره معاك مع السرعات العالية وليس في أول الطلعة
لانه حساس الكامة بيبعت أشارة كهربية للكنترول لضبط نسبة ومراحل الضخ والحريق
وفي حالة فشل الحساس في أرسال الآشارة ( الحساس باظ او الفيشة عليها عازل او اي سبب أخر)
الكنترول بيستخدم أخر أشارة جاتله من الحساس وهو سليم وبيمشي عليها
وبالتالي مش حتحس بفرق ملحوظ أوي غير علي السرعات العالية
يعني لو أخر العربية 180 كم/س حتلاقيها مش بتجيب اكتر من 120 كم/س
في مشكلة تانية عندك فياريت توصف اللي بيحصل بالظبط عشان نقدر نفيدك اكتر
بالتوفيق

**karamfone** · 22-09-2014 12:00 AM

السلام عليكم
هقولك تجربتى مع حساس الكامة
بعد ما غيرت موبينة والبوجيهات انا عربيتى 1200
مدورتش العربية لانى بغيرهم بايدى ومغيرهم اكثر من 10 مرات بكلم على البوجيهات
تانى يوم الصبح بدور العربية لاقيتها زى ما تكون فى بوجيه قاطع يعنى تلاقيها متبرجلة وبتنتش على الصلانصيه
اول ما تدور وانت ممور العربية هتلاقى فيها زلزال
فتحت كبوت العربية وشيكت على المباين والبوجيها كولو تمام قدرا فكيت فيشة حساس الكامة لاقيتها سايبة رجعتها مكانها العربية اتظبطط بس عمرك ما تعرف تتحرك بالعربية لو الحساس فيه حاجة هتلاقى زىما يكون العربية متلتة وهتبطل بسرعة مش هتستمر فى الدوارة الا لو دايس بنزين