مطلوب نصيحه لو سمحتم

**buhana** · 05-09-2014 03:43 PM

نظراً لخبرتى الطويله والمتواضعه فى اصلاح السيارات بفكر ارجع مصر وافتح ورشه صيانه على المستوى الموجود بالصوره !!!! السؤال هنا هل يا ترى هناك زباين تقدر النظافه ونوعيه العمل او راح يقارنوا اسعارى بأسعار الاسطى زقطط ؟

**shiko85** · 05-09-2014 04:04 PM

هى فكره ممتازه بس حضرتك هتشتغل فالورشه بنفسك ؟؟
لو لأ يبقى اصرف نظر عن الفكره لان الصناعيه اى كلام و اللى بيفهم و شاطر هيطلب مرتب كبير و بعد فتره لما يبقى معاه فلوس يأجر بيها محل و يشترى عده هيسيب الورشه و يمشى و هياخد الزبائن كمان و لو هتشتغل بنفسك لازم تعرف ان ايجار او شراء مكان ينفع وشه محترمه هيتكلف كتير
اعرف واحد كان بيفكر فنفس المشروع و لاقى ان ايجار المكان المناسب مش هيقل عن 6000 فالشهر غير التجيهيز و العده و مرتب الصناعيه و الكهرباء و محتاج الزبائن تعرف المكان
الورشه اللى فالصوره فيه منها كتير فمصر و الناس بتروح عادى جدا و مفيش مشكله فالفلوس بس طبعا مش بنفس سعر التوكيل او مركز صيانه معتمد

**buhana** · 05-09-2014 05:01 PM

المشاركة الأصلية كتبت بواسطة shiko85

هى فكره ممتازه بس حضرتك هتشتغل فالورشه بنفسك ؟؟
لو لأ يبقى اصرف نظر عن الفكره لان الصناعيه اى كلام و اللى بيفهم و شاطر هيطلب مرتب كبير و بعد فتره لما يبقى معاه فلوس يأجر بيها محل و يشترى عده هيسيب الورشه و يمشى و هياخد الزبائن كمان و لو هتشتغل بنفسك لازم تعرف ان ايجار او شراء مكان ينفع وشه محترمه هيتكلف كتير
اعرف واحد كان بيفكر فنفس المشروع و لاقى ان ايجار المكان المناسب مش هيقل عن 6000 فالشهر غير التجيهيز و العده و مرتب الصناعيه و الكهرباء و محتاج الزبائن تعرف المكان
الورشه اللى فالصوره فيه منها كتير فمصر و الناس بتروح عادى جدا و مفيش مشكله فالفلوس بس طبعا مش بنفس سعر التوكيل او مركز صيانه معتمد

طبعا راح اشتغل بنفسى ومعايا مساعد مش عيل صغير (لا يقل عن 18) انا ضد عماله الاطفال وشغل البقشيش والشحاته ده !!!!! الزبون يدخل محترم ويخرج محترم