انتشار السرقه

**Ayman_52** · 24-10-2008 12:59 AM

الناس بقيت بتسرق كل حاجه...من العيشه اللى عايشنها

ربنا يعوض عليك بالخير...والواحد يبحاول يخلى باله دايما

**Osama_soliman** · 24-10-2008 02:39 AM

احستبه عند الله ولك الاجر

"قل لن يصيبنا إلا ما كتب الله لنا"

**omardeneo** · 24-10-2008 02:46 AM

المشاركة الأصلية كتبت بواسطة calipha3

انا اتسرق اللاب توب مني اليوم و انا بصلي في الجامع و في الجامعه كمان يعني مش جامع في الشارع

ربنا يعوض عليك بس المهم تسعى فى حقك

اولا اعمل محضر

ثانيا اكتب ورقه على الكمبيوتر فيها ماركه اللاب توب و موديله و مواصفاته و السيريال من على الكرتونه و تكتب رقم موبايلك و تصور الورقه و توزعها فى المولات بتاعت الكمبيوتر فى المنطقه اللى حصلت فيها السرقه و الافضل لو كل المولات اللى تقدر عليها و صدقنى احتمال كبير جدا يرجعلك و عن تجربه

**Bossy_Fadl** · 24-10-2008 03:42 AM

حصلت ايام الجامعة واحد زميلنا دخل يصلي في جامع تجارة خرج مش لقي الشوز بتاعته

و واحده زميلتي اتسرق موبايلها من علي الديسك

المشكله ان كل واحد فينا بيتعامل باللي في ضميره هو و مش متخيل ان في ناس معندهاش لا اخلاق و لا ضمير

يا جماعة خلاص بجد الزمن ده انتهي

احنا مش عايشين في اليوتوبيا و الناس كلها ملايكة

البلد من حال الي اسوء و الظروف الاقتصادية كل يوم بتدهور

و هيجي اليوم اللي هيبقي في تلات ارباع الشعب حرامية

ما هو مش بمزاجهم

لو كانو لاقيين مكانوش سرقوا و لا مدو ايديهم

و لو بصينا هنلاقي ان كل سنة السرقه بتكتر اكتر و اكتر

و كل ما الحالة هتشتد علي الناس اكتر كل ما للاسف اخلافهم و ضميرهم هيروحو في الرجلين

ربنا يهدي الجميع

بوســــــــي

**homme49** · 24-10-2008 04:13 AM

المشاركة الأصلية كتبت بواسطة OlaOsman

تلاتة أعرفهم اتسرقت موبايلاتهم في أسبوع واحد.. واحد منهم في الأتوبيس و التاني من العربية (و هو فيها) و التالتة و هي في اسكندرية.

و هل تستعجب إذا قلت لك أن الموبايل إتسرق منى فى رمضان فى صلاة التراويح

**MoToRiZeR** · 24-10-2008 04:22 AM

و هنروح بعيد ليه .. في مقابلة السيريون بهاء عمارة أخو م. عمرو عمارة .. جزمته إتسرقت و إحنا بنصلي المغرب :d و فين .. في جامع فااااااضي في الحي المتميز في 6 أكتوبر .. بجد حرامي عنده فراغ

**OlaOsman** · 24-10-2008 10:14 AM

المشاركة الأصلية كتبت بواسطة MoToRiZeR

بجد حرامي عنده فراغ

:D :D :D ممكن برضه

**calipha3** · 24-10-2008 02:31 PM

انا ملاحظ ان السرقه في الجوامع انتشرت قوي ده لسه حرامي كان مستخبي في حمام الجامع في الحي عندنا و بعد اما اتقفل الجامع طلع سرق المكرفون و اي حاجه تشتال و هرب بس لحسن الحظ و هو بيسرق جامع تاني في منطقه قريبه منا برضه اتمسك و هو طالع

**abo_hosni** · 24-10-2008 02:36 PM

الله يعوض عليك

فاكرين مسرحية فؤاد المهندس لما اتسرقت الفانلة منه و هو لابس البدلة :) هو ده اللي بيحصل الناس بقت صعبة قوي و لازم تخللوا بالكم في أي مكان

في ناس بتتسرق في الجوامع و المكتبات. و الأدهى في ناس بتسرق المكتبات!!!!! مرة كنت بادور على موضوع معين لقيت واحد ****** قطع الصفحات اللي أنا عايزها من مرجع ما. شفتوا أدنى من كده؟

أنا مرة جزمتي اتسرقت من جامع المدرسة و أنا في ابتدائي. أختي موبايلها اتسرق في المستشفى واللي سرقه يا ممرضة يا دكتورة زميلتها لأنها كانت قافلة الغرفة بالمفتاح و راحت تشوف ولادة رجعت لقيته مسروق!!!