تنظيف دورة الميه

**ayman20100** · 06-09-2014 01:11 PM

السلام عليكم ورحمة الله
العربية بقالها فترة بتسخن جامد والمروحة بتشتغل كتير وانا بصراحة كنت زهقان اني اروح اصلحها ..عشان اتخنقت من الصنايعية وقرفهم واغلبهم بيكبر دماغه
السخونية ادت ان المروحة بتشتغل كتير وما بتفصلش غير متأخر اوي
نزلت امبارح ابص في القربة لقيت الميه غامقة ومش بتتقلب خالص بصيت تاني وازود بنزين وابص القربة ما بتتحركش وهنا اتأكدت ان في انسداد في دورة الميه
فكيت الخرطوم الى داخل على القربة لقيت مسدود خالص وفيه رواسب متجمعة وسداه وكمان لقيته مشقق قولت اغيره اخدته في ايدي وطلعت جبت واحد مكانه وركبته بس برضه لقيت نفس المشكلة واتضح ان ممر الميه في القربة اتسد جبت مفك طويل ورفيع وسلكته بس طبعاً الرواسب لسه موجودة في دورة الميه
روحت وقرت شوية عن تنظيف دورة الميه ووصلت لان الخل او ملح الليمون بيشتعمل للمشكلة ديه طبعاً

روحت اشتريت ملح ليمون من العطار وشوية خل وحطيتهم على بعض حوالي لتر ونقصت القربة وزوت الخل وملح اليمون الى دايبين في بعض في الميه والعربية طبعاً كانت بارده وبعدين طلعت مشوار بيها ورجعت فضيت الميه الي فيها بالخل والملح طبعاً نزلت بلاوي وغسلت دورة الميه وحطيت ميه نضيفة ... النتيجة بعد مشوار صغير افضل بكتير بس لسه مش مقياس هجرب مع مشوار طويل وفي الحر عشان اتأكد من الفرق

المهم ياجماعة الخل وملح الليمون بينضفوا كل الرواسب بس فيه نسبة خطر طبعاً لو فيه اجزاء مصديه جداً هتسرب ميه وانا عملت كده وانا متوقع حاجة زي كده بس قولت لو فيه حزء ضعيف ويسرب يبقى افضل عشان اغيره ويبقى برده امنت نفسي لانه هيبقى جزء متهالك وانه يضرب مسألة وقت مش اكتر

**Mr.Lawyer** · 06-09-2014 01:33 PM

السخونيه وتعامل الصنايعيه المتخلف اكتر حاجه خنقتنى فى اول صيف يعدى عليا مع العربيه

وفعلاً لحل مشكله السخونيه مينفعش حوار المسكنات اللى بيعمله صنايعه البطيخ لانك كل شويه هتبقى رايح جاى ع البيه

لازم تنضف الدوره كويس وتكبسها وتعالج اى تسريب قبل ما تحصل اى مشكله وساعتها هتبقى اترحمت من اختراعات البيه

انصح حضرتك تركز مع الميه ف القربه بتنقص ولا لا عشان تعرف ان كان فى تسريب بعد التنضيف بالخل وملح الليمون

تحيـــاتى ،،

**أحمد جودة** · 06-09-2014 02:28 PM

الصح انك تنضف دورة التبريد عند بنزينة كويسة أو بتاع ردياتير ينضف الدورة ويغسل الردياتير ويكبس فيه ماية وبعد كدة شوف النتيجة

**sakr_skoda** · 06-09-2014 03:54 PM

المشاركة الأصلية كتبت بواسطة ayman20100

السلام عليكم ورحمة الله
العربية بقالها فترة بتسخن جامد والمروحة بتشتغل كتير وانا بصراحة كنت زهقان اني اروح اصلحها ..عشان اتخنقت من الصنايعية وقرفهم واغلبهم بيكبر دماغه
السخونية ادت ان المروحة بتشتغل كتير وما بتفصلش غير متأخر اوي
نزلت امبارح ابص في القربة لقيت الميه غامقة ومش بتتقلب خالص بصيت تاني وازود بنزين وابص القربة ما بتتحركش وهنا اتأكدت ان في انسداد في دورة الميه
فكيت الخرطوم الى داخل على القربة لقيت مسدود خالص وفيه رواسب متجمعة وسداه وكمان لقيته مشقق قولت اغيره اخدته في ايدي وطلعت جبت واحد مكانه وركبته بس برضه لقيت نفس المشكلة واتضح ان ممر الميه في القربة اتسد جبت مفك طويل ورفيع وسلكته بس طبعاً الرواسب لسه موجودة في دورة الميه
روحت وقرت شوية عن تنظيف دورة الميه ووصلت لان الخل او ملح الليمون بيشتعمل للمشكلة ديه طبعاً

روحت اشتريت ملح ليمون من العطار وشوية خل وحطيتهم على بعض حوالي لتر ونقصت القربة وزوت الخل وملح اليمون الى دايبين في بعض في الميه والعربية طبعاً كانت بارده وبعدين طلعت مشوار بيها ورجعت فضيت الميه الي فيها بالخل والملح طبعاً نزلت بلاوي وغسلت دورة الميه وحطيت ميه نضيفة ... النتيجة بعد مشوار صغير افضل بكتير بس لسه مش مقياس هجرب مع مشوار طويل وفي الحر عشان اتأكد من الفرق

المهم ياجماعة الخل وملح الليمون بينضفوا كل الرواسب بس فيه نسبة خطر طبعاً لو فيه اجزاء مصديه جداً هتسرب ميه وانا عملت كده وانا متوقع حاجة زي كده بس قولت لو فيه حزء ضعيف ويسرب يبقى افضل عشان اغيره ويبقى برده امنت نفسي لانه هيبقى جزء متهالك وانه يضرب مسألة وقت مش اكتر

بجد بجد برافو عليك وانشاء الله النتيجة حتكون خير بلا صنايعيه بلا قرف***

**aw2100** · 07-09-2014 12:27 AM

من الأفضل استعمال المية الحمراء لمواتير سكودا وخصوصا توتال 33% تركيز بص انصحك الأول تحط مية خضراء رخيصة زيي ايدا الأسبانى الأول لغاية مالمية الخضراء تنظف الرواسب فى دورة التبريد واعتقد ان طرمبة المية عندك هى سبب قلة تقليب المية بسبب تأكل التوربينه بتاعتها بسبب الصداء وكمان الشجرة وده كله بسبب مية الحنفية وربنا يقويك !!