الاوراق المطلوبة للزواج من اجنبية في مصر

**أحمد كمال** · 07-09-2014 08:06 PM

المشاركة الأصلية كتبت بواسطة batran

شكراً علي المعلومه الجديدة دي، شكل حضرتك عندك معلومات كثيرة في الموضوع ده.
انا عندي مشكلة ملغبطة كده في الموضوع ده بس ان شاء الله لما اكمل 50 مشاركة هبقي ابعتها لحضرتك علي الخاص لو معندكش مانع.

مجرد فضول ليه تاشيرة الدخول لبنت من مولدوفا لمصر صعبة جدا جدا جدا؟ اللي اعرفه مصر دخولها سهل مش قضية يعني! انا خطيبتي لما وصلت استغربت جداً من ان مفيش حد سألها لا رايحه فين ولا هتقعدي فين ولا المدة قد ايه ولا اي حاجه خالص.

خطيبة حضرتك منين و سنها كام؟

مولدوفا من الدول اللي عليها تضييق بشع ..... ما بياخدوش الفيزا في المطار .... و الفيزا المسبقة صعبة .....

**amz2011** · 07-09-2014 10:59 PM

متابع

**mk3** · 07-09-2014 11:43 PM

ا احمد كمال
اسمحلى اسجل اعجابى بقلمك

**Sameh samy** · 08-09-2014 01:47 PM

المشاركة الأصلية كتبت بواسطة batran

شكراً علي المعلومه الجديدة دي، شكل حضرتك عندك معلومات كثيرة في الموضوع ده.
انا عندي مشكلة ملغبطة كده في الموضوع ده بس ان شاء الله لما اكمل 50 مشاركة هبقي ابعتها لحضرتك علي الخاص لو معندكش مانع.

مجرد فضول ليه تاشيرة الدخول لبنت من مولدوفا لمصر صعبة جدا جدا جدا؟ اللي اعرفه مصر دخولها سهل مش قضية يعني! انا خطيبتي لما وصلت استغربت جداً من ان مفيش حد سألها لا رايحه فين ولا هتقعدي فين ولا المدة قد ايه ولا اي حاجه خالص.

الدخول لمصر موش مشكلة هو عاوز ياخدها الامارات ودي الي صعبة

**أحمد كمال** · 08-09-2014 01:55 PM

المشاركة الأصلية كتبت بواسطة sameh samy

الدخول لمصر موش مشكلة هو عاوز ياخدها الامارات ودي الي صعبة

ما يتجوزها في كندا و يوثق العقد من سفارة الامارات في كندا و يجيبها الامارات بالعقد ده ؟

**Bassem Youssef** · 08-09-2014 03:41 PM

المشاركة الأصلية كتبت بواسطة أحمد كمال

مولدوفا من الدول اللي عليها تضييق بشع ..... ما بياخدوش الفيزا في المطار .... و الفيزا المسبقة صعبة .....

ليه ؟ انا سمعت الموضوع ده من كذا شخص و نفسي اعرف ليه

**ellaithy** · 17-09-2014 11:56 PM

شكرا

**ellaithy** · 18-09-2014 12:00 AM

المشاركة الأصلية كتبت بواسطة أحمد كمال

مفيش حاجة اسمها زواج مدني في مصر

شوف يا سيدي

لو هو متجوزها في كندا ...... و الزيجة لا تخالف الشرع ...... ممكن يسجل الزيجة في مصر ....... عن طريق ان قسيمة زواجه في كندا يختمها من السفارة او القنصلية المصرية في كندا ...... و ينزل مصر يسجلها في مصلحة الاحوال المدنية في العباسية

لو هو مش متجوزها في كندا و هيتجوزها من الاول ..... اجراءات الزواج من روسية في مصر معقدة جدا و هتاخد شهور ......

1- لازم يقدم على موافقة سفارتها ...... و دي بتاخد وقت و اوراق كتير ...... لان السفارة الروسية في مصر يتحاول تقلل من الزيجات من مصريين ..... بيطلبوا قيد عائلي و فردي من الزوج و فيش و تشبيه و موافقة اهل الزوجة في روسيا و و و و و ...... و في الاخر بيدوله الموافقة .......

2- بعدين يتجوزها عرفي ....... و يقدم بموافقة السفارة + العرفي على اقامة 6 شهور في المجمع ليها

3- بعد الفحص الامني و موافقة مباحث الجوازات هتاخد الاقامة ..... و بكده يقدر يتجوزها رسمي في وزارة العدل في لاظوغلي - مكتب تزويج الاجانب في الدور الرابع

4- هيحتاج شوية ورق جنب الحاجات اللي فوق زي فحص المتزوجين في مستشفى و طابع اسرة و حاجات بسيطة تتدبر في يوم

و بالمناسبة ده مش زواج مدني ده زواج شرعي ............. لانه بيشترط الشروط الشرعية ان المسلم لا يتزوج الا مسلمة او كتابية و المسلمة لا تتزوج الا مسلم ...... و مش معنى انه في وزارة العدل انه مدني ......

و الزواج من الاجانب في مصر ما ينفعش لا في كنيسة و لا ماذون ...... الماذون و الكنائس المصرية مصرح لها بتزويج المصريين المتحدين في الديانة و الملة فقط ............ يعني لو مصري مسلم بيتجوز اجنبية مسلمة ما ينفعش يتجوزوا عند ماذون

الحل التالت انه يتجوزها في كندا في السفارة المصرية ........

الف شكر يا باشا عالمعلومات دي اللى دوخت في كل مكان عليها ومالقيتهاش غير في ردك جزاك الله كل خير

لكن حابب اتاكد منك لو هى من اوزبكستان ومسلمة .. ايضا نفس الاجراءات زواج عرفي وموافقة السفارة ؟ ولازم موافقة من اهلها ؟

كمان كنت عايز اسال جواز عرفي عند محامي ومختوم بختمه ؟