احد اصدقائي متزوج من روسية وطبعا هو في كندا وعاوز ييجي يكتب عليها هنا في مصر
لو حد فاهم في الموضوع يقولي محتاجين ورق اية عشان يتمم الزواج في مصر
عرض للطباعة
احد اصدقائي متزوج من روسية وطبعا هو في كندا وعاوز ييجي يكتب عليها هنا في مصر
لو حد فاهم في الموضوع يقولي محتاجين ورق اية عشان يتمم الزواج في مصر
لا اعلم
ولكن
فى زواج مدنى بيعمله محامى وبياخد توثيق فى الشهر العقارى
اما الزواج الشرعى عند ماذون او فى الكنيسه فاعتقد انه محتاج يذهب الى الجوازات والهجره للسؤال
مفيش حاجة اسمها زواج مدني في مصر
شوف يا سيدي
لو هو متجوزها في كندا ...... و الزيجة لا تخالف الشرع ...... ممكن يسجل الزيجة في مصر ....... عن طريق ان قسيمة زواجه في كندا يختمها من السفارة او القنصلية المصرية في كندا ...... و ينزل مصر يسجلها في مصلحة الاحوال المدنية في العباسية
لو هو مش متجوزها في كندا و هيتجوزها من الاول ..... اجراءات الزواج من روسية في مصر معقدة جدا و هتاخد شهور ......
1- لازم يقدم على موافقة سفارتها ...... و دي بتاخد وقت و اوراق كتير ...... لان السفارة الروسية في مصر يتحاول تقلل من الزيجات من مصريين ..... بيطلبوا قيد عائلي و فردي من الزوج و فيش و تشبيه و موافقة اهل الزوجة في روسيا و و و و و ...... و في الاخر بيدوله الموافقة .......
2- بعدين يتجوزها عرفي ....... و يقدم بموافقة السفارة + العرفي على اقامة 6 شهور في المجمع ليها
3- بعد الفحص الامني و موافقة مباحث الجوازات هتاخد الاقامة ..... و بكده يقدر يتجوزها رسمي في وزارة العدل في لاظوغلي - مكتب تزويج الاجانب في الدور الرابع
4- هيحتاج شوية ورق جنب الحاجات اللي فوق زي فحص المتزوجين في مستشفى و طابع اسرة و حاجات بسيطة تتدبر في يوم
و بالمناسبة ده مش زواج مدني ده زواج شرعي ............. لانه بيشترط الشروط الشرعية ان المسلم لا يتزوج الا مسلمة او كتابية و المسلمة لا تتزوج الا مسلم ...... و مش معنى انه في وزارة العدل انه مدني ......
و الزواج من الاجانب في مصر ما ينفعش لا في كنيسة و لا ماذون ...... الماذون و الكنائس المصرية مصرح لها بتزويج المصريين المتحدين في الديانة و الملة فقط ............ يعني لو مصري مسلم بيتجوز اجنبية مسلمة ما ينفعش يتجوزوا عند ماذون
الحل التالت انه يتجوزها في كندا في السفارة المصرية ........
ايه نوع الجواز؟ ولو هوا متجوزها رسمي طيب ما ممكن يخلص كل الأجراءات في كندا
أنا خاطب كنديه وده الورق اللي مطلوب هنا وممكن فيه ورق يتعمل في سفارتها أو بلدها بره قبل ما تيجي مصر
1-شهادة من السفارة بعدم الممانعه مصدق عليها من الخارجيه المصرية وبها الديانه والحالة الإجتماعيه.
الشهاده دي ممكن تتعمل من اي Notary Office وتتبعت للسفارة المصريه علشان تصدق عليها وبردو شهادة موافقه ولي الأمر تقريباً لو هي اقل من 20 سنه.
2-جواز سفر ساري وبه اقامه من مصلحه الجوازات والجنسيه من مجمع التحرير علشان لو رحت مكتب زواج الأجانب وجوازها في فيزا سياحه مش هيوافقوا يكتبوا العقد غير لما تغير الإقامه.
3-مترجم معتمد للغه الروسيه لو هي مبتعرفش انجليزي.
4-طابع اسرة فئه خمسين جنيه و خمس صور شخصية للزوجين
5- 2 شهود وتكون البطاقة سارية
6- 2شهادة صحية للزوجين معتمده بختم النسر من مستشفي حكومي مصري أقرب حاجه علي ما اعتقد أحمد ماهر وفيه حاجه تبع وزارة الصحه في شارع متفرع من باب اللوق اللي بيعملوا فيها شهادة صحية للسفر بس معرفش بيطلعوا فيها شهادة صحية للزواج ولا لا.
7-فيه اجراءات بتخلصها بعد ما تاخد العقد من مكتب زواج الأجانب زي توثيق العقد في الشهر العقاري والخارجيه
ده كل اللي انا فاكره دلوقتي ولو فيه حاجه افتكرتها تاني هبقي اضيفها.
زاجس مش زاكس
هتبقى اسهل بس هو كمان لازم يجيب فيش و تشبيه و شهادة من السفارة المصرية في روسيا انه لم يسبق له الزواج .......
الكندية غير الروسية
فيه لستة ببعض الجنسيات في مصر ما ينفعش تتجوز منهم من غير ما تكون حاملة لاقامة 6 شهور لغير غرض السياحة و الطريقة الوحيدة للاقامة دي هي الزواج العرفي ثم التقديم عالاقامة ثم الزواج الرسمي
كندا مش في اللستة دي بس روسيا فيها
يا جماعة الموضوع اعقد من كدة شوية
هي من مولدافيا اللي كانت تبع التحاد السوفييتي قبل ما يتفك
والبلد دي تقريبا مالهاش سفارات اصلا في اية حتة وحتي لما راح هناك مالقاش سفارة مصرية
صاحبي مسلم بس هاجر كندا
بعد مخد الجنسية سافر الامارات
موش عارف ياخد مراتة عشان الاقامة وراح مولدفايا معرفش يتجوزها هناك عشان مافيش سفارة
من الاخر كدة هو مسلم وهي مسيحية وموش عارف يثبت الجواز عشان يديها جنسية كندا او ياخدها معاة الامارات وعاوز يعرف لو جة مصر يعمل اية
سيدي الفاضل، واضح ان حضرتك معندكش تفاصيل لان الموضوع مش معقد و مولدوفا ليها سفارات كتير، ممكن حضرتك تدي صاحبك حسابي هنا وخليه يراسلني مباشرة و انشاءالله اقدر اساعده
شكراً علي المعلومه الجديدة دي، شكل حضرتك عندك معلومات كثيرة في الموضوع ده.
انا عندي مشكلة ملغبطة كده في الموضوع ده بس ان شاء الله لما اكمل 50 مشاركة هبقي ابعتها لحضرتك علي الخاص لو معندكش مانع.
مجرد فضول ليه تاشيرة الدخول لبنت من مولدوفا لمصر صعبة جدا جدا جدا؟ اللي اعرفه مصر دخولها سهل مش قضية يعني! انا خطيبتي لما وصلت استغربت جداً من ان مفيش حد سألها لا رايحه فين ولا هتقعدي فين ولا المدة قد ايه ولا اي حاجه خالص.
حضرتك المشكلة مش في الجنسيه او السن خالص، المشكله ليها طابع ديني وهيا راسلت امام مسجد في كندا و شخص في مؤسسه دينيه هناك المفروض انه مصرح له بإعطاء الفتوي.
للأسف علشان ارد علي الرساله الخاصة اللي حضرتك بعتها لازم بردو الخمسين مشاركه.
لو ينفع تبعتلي الإيميل علي الخاص هبعت لحضرتك نص الإيميلات اللي هيا أرسلتها والردود عليها.
شكراً علي الإهتمام.
متابع
ا احمد كمال
اسمحلى اسجل اعجابى بقلمك
ممكن حضرتك توضحلنا هيا فين ونوع عقد الزواج اللي صاحبك اتجوز بيه.
أبسط الحلول انه يتجوزها في بلدها ويوثق العقد من السفارة المصرية او سفارة الإمارات زي ما استاذ احمد وضح.
لو هيتجوزها في مصر ومفيش سفارة لبلدها في مصر يبقي هتخلص الورق من أي مكتب Notary في بلدها او اي حاجه شبيه ليه وبعدين الورق يتوثق من السفارة المصريه هناك او في اقرب بلد ليها تتبعت المستندات بالميل و رسوم التوثيق تتحول او علي حسب السفارة ما تطلب.
ممكن بردو تروح مكتب زواج الأجانب في لاظوغلي وتسأل هما هناك ممكن يوضحولك ايه اللي ممكن يتم في الحالة دي.
ممكن صاحبك او زوجته تراسل السفارة المصرية في بلدها وتسألهم انها هتتجوز مصري فايه الورق المطلوب والإجراءات تتم ازاي.
الموضوع بسيط بس لازم نعرف التفاصيل بالكامل.
شكرا
الف شكر يا باشا عالمعلومات دي اللى دوخت في كل مكان عليها ومالقيتهاش غير في ردك جزاك الله كل خير
لكن حابب اتاكد منك لو هى من اوزبكستان ومسلمة .. ايضا نفس الاجراءات زواج عرفي وموافقة السفارة ؟ ولازم موافقة من اهلها ؟
كمان كنت عايز اسال جواز عرفي عند محامي ومختوم بختمه ؟
اوزبكستان هي احد الجمهوريات السوفيتية السابقة و بالتالي تحتاج لنفس الاجراءات السابق ذكرها .... مسلمة مسيحية يهودية ما تفرقش .....
موافقة السفارة تلزم لأي زيجة فيها طرف اجنبي في مصر
موضوع موافقة اهلها ده حسب طلب السفارة ...... كل سفارة و ليها شروط غير التانية لان القانون المصري من حقه طلب شهادة موافقة السفارة الا انه لا يحق للقانون المصري تحديد شروط السفارة لمنح الموافقة لانها علاقة بين سفارة اجنبية و احد مواطنيها .......
ماعرفش اوزبكستان بيحتاجوا ايه عشان موافقة السفارة و لذلك يلزم انك تروح السفارة تسال
جواز عرفي بختم من المحامي ..... و بعدها تاشيرة اقامة 6 شهور لغير غرض السياحة .... بعدها زواج رسمي ..... بعدها ممكن تقدم لها على اقامة 5 سنوات و ممكن تقدم لها بجانب ذلك عالجنسية المصرية
بصرف النظر عن الاجراءات
يا بخته ابن المحظوظة
والله انت برنس جزاك الله كل خير
معلشي عندي سؤال كمان واتمنى انك تتحملني
تأشيرة الاقامة 6 شهور لغير غرض السياحة من المجمع .. بتاخد وقت اد ايه من التقديم عليها حتى الحصول عليها ؟
معلشي انا بسال السؤال ده علشان نقدر نحدد وقت الاجراءات ونشوف الوقت هيكفي ولا لا قبل ما تنتهي فيزا السياحة اللى دخلت بيها
وشكرا مقدما على الافادة
بص .... انت الاول لازم تسال على اجراءات موافقة السفارة و محتاجة قد ايه وقت و محتاجة اوراق من بلدها تجيبها معاها و لا لأ ..... دي مهمة لان تاشيرة الاقامة لغير السياحة مش هتطلع من غيرها .... و لان دي ممكن تعطلك ..... و دي بتفرق من سفارة لسفارة ...... فيه سفارات زي امريكا و اوكرانيا و انجلترا بتطلعها من يوم ل 3 ايام و بدون اي اوراق و لا طلبات مجرد اقرار بتمضية على نفسها ........ سفارات تانية زي بيلاروس بتطلب منها ورقة من بلدها انها غزباء ........ سفارات تالتة زي روسيا بتطلب ورق من العريس المصري كمان بالاضافة لورق من بلدها ......... الموضوع عايم جدا و لازم تعرف السفارة ميتها ايه و اولها ايه من اخرها
ثانيا ..... حتى لو الاقامة اتاخرت ممكن تمدد لها السياحة من المجمع لمدة شهر مجانا
ثالثا ....... الاقامة لغير غرض السياحة هتاخد من اسبوعين لشهر ....... بعد الفحص الامني و تحويل الورق للامن الوطني و عمل انترفيو للزوجين مع مباحث الجوازات ......
و نصيحة اول ما تتمم الزواج الرسمي قدم لها عالجنسية المصرية ...... الموضوع سهل و بسيط و رخيص (قسيمة الزواج + 4 صور شخصية للزوجة + صورة شخصية للزوج + باسبورها + بطاقتك + شهادة ميلادك + شهادة ميلاد والدك + 75 جنيه) و بتقدم في المجمع و بتاخد الموافقة بعد سنتين و يطلع لها رقم قومي و شهادة ميلاد مصرية و بطاقة و جواز سفر
هيفيدها لو حبت تشتغل و في سهولة الدخول و الخروج من مصر لو القوانين بتاعة الاقامات او تاشيرات الزوجات اتغيرت في اي وقت
فعلا مفيش قنصليه ل مولدوفا في مصر و القنصليه اللي بتخدمنا موجوده في انقره ب تركيا ودي بياناتها :-
ADDRESS Kaptanpaşa sok. 49
Ankara
Turkey
PHONE LOCAL: (0312) 446.5527
INTERNATIONAL: +90.312.446.5527
FAX LOCAL: (0312) 446.5816
INTERNATIONAL: +90.312.446.5816
EMAIL ankara@mfa.md
السفارة مش قنصلية فى انقرة فعلا بس في قنصلية فى أسطنبول فى شارع متفرع من ميدان تقسيم و إجراءتهم سهلة و الناس متعاونين جداً
احب أضيف أن فيزا زيارة مصر من مولدوفا بتتأخد من سفارة مصر فى بوخارست فى رومانيا و لو البنت من مواليد قبل 1981 يبقى ممكن تعمل باسبور رومانى (قانون رومانى لمواطنى مولدوفا) و ده ممكن يتيح لها دخول مصر أعتقد بطريقة أسهل لو مسموح بشراء الفيزا فى المطار بس مش متأكد
معلش بس يا شباب سؤال سريع ... واحد صديق هنا معاه مراته و ابنه مش مصريين و معاهم باسبور برازيلي ... سأل فالسفارة قالولو دخول البلد بفيزا من المطار اتلغي و لازم فيزا من السفارة لدخول البلد ..... ما صحة هذا الكلام ... و شكراً
مبدئيا :
زوجة المصري و ابن المصري مادام يوجد اثبات رسمي للزواج الرسمي بيدخلوا بدون اي فيزا لا من السفارة و لا من المطار بمجرد وجود اصل (و ليس صورة) من اثبات ان الزوج او الاب مصري
ثانيا :
البرازيلي العادي لا يزال من حقه دخول مصر ب 25 دولار من المطار
السفارة بتستعبط عشان تجيب دخل
و لو عايز تتاكد خش هنا
Visa & Passport Information Results | Find Visa Requirements | Emirates
يا باشا ولا اي دخل...ده الفيزا ببلاش