الموضوع: رينو فوانس ٢٠١٤ تقييم ال ٣٠٠٠٠ كم

قمت بشراء السياره في اكتوبر ٢٠١٣ وهي الفءة الاولي اوتوماتيك ب ١٥٥٠٠٠ . العربيه معايا بقالها سنه تقريبا. و ده تقييم سريع للعربيه حتي الان نبدا بعيوب السياره.
١. الحمد لله حتي الان مقابلتنيش اي عيوب تذكر في السياره ولا حتي قصه مستوي الزيت.
٢. مشكلتي الوحيدة ارتفاع صوت الموتور في السلانسية مع تشغيل التكييف بس رحت للتوكيل و اقتنعت ان الصوت عادى.و صوت العربيه في المشي مش مسموع اصلا.الrpm لا يزيد عن ٢٥٠٠ علي ١٤٠.
٣. المشكله التانية صوت لببه في قعدة كرسي السواق لما ترفع مستوي القعده و دي ناس كتير ملاحظوهاش اصلا يمكن انا محسوك
٤.محتجين بس في التوكيل يسوقو شويه لاكسسوارات العربيه.حسيت ان الموضوع مبهم في التوكيل و كان نفسي يغيرو زيت الموتور يخلوه 5w30 بدل 5w40 و دي معلومه قرىتها هنا ف المنتدي يمكن تهدي صوت الموتور شويه.
٥. التابلوه من جوه سيمبل خاصة التكييف البكر. بس مع العلم ان دي الفءة الاولي كان نفسي اشتري اللي بعديها.
٦.الدهان اللي تحت العتب معرفش محبب شويه مش عارف ده عيب ولا مقصوده.
٧. العفشه مريحه جدا. ورا بس مش اوي عشان التورشين بيم.
مميزات العربيه:

١. من راي هي افضل سياره في فءتها السعريه.خاصة اني كنت حاجز سيراتو في الاول و بعدين غيرت نظرا لعدم توافر وساءل الامان اللي في الفلوانس. في نفس الفءه السعرية
٢.ثبات ملوش حل علي الطريق لغاية ١٦٠ .
٣. تكييف السياره جميل مش حقول عليه تلاجة بس عمري محتجت بروده اكتر.
٤. قطع الغيار زيه زي كل العربيات الجديده انا برده معرفش بقيت العربيات. و دي حبه اسعار تقريبية
الفانوس الامامي ١٥٠٠
الاكصدام ١٦٠٠
البرابريز ١٦٠٠
التيل الامامي ٥٠٠
فلتر تكييف ١٨٠
بوجيهات علي ٨٠٠٠٠كم معرفش سعرها
مفيش فلوس ف صيانة ال٥٠٠٠كم
تقريبا ٩٠٠،جم كل ١٠٠٠٠ كم
٥. عزل العربيه ممتاز٠
٦. سحبها حلو جدا و التسارع ليه بس اسلوب معين عشان الفتيس تدوس و تشيل رجلك من علي البنزين.محستش انوالعربيه بطه خالص. بس هي مش فيرنا اكيد في الطلعه.
٧.تقفيل العربيه ممتاز. كان نفسي بعض الاجزاء تبقي جلد اكتر من كده.
٨. انا شايف ان العربيه انتشرت ف معتقدش ان سعر اعادة حيبقي مشكله.
٩.الشنطه و العربيه من جوه واسعه جدا. اوسع من الاسترا و الفوكس. و عاليه علي الارض عمرها الحمد لله محكت في المطب
١٠. متحسش بالنقلات خالص زي العربيه الكهربا.
ده تقريبا كل حاجه لو نسيت حاجة انا اسف. ممكن ندي العربيه في المجمل ٩/١٠.

٦.الدهان اللي تحت العتب معرفش محبب شويه مش عارف ده عيب ولا مقصوده.

دى موجوده فى اغلب العربيات دولوقتى زي الألنترا الجديده وهى شكلها عامل زى الأنتركوت كده بس بلون العربيه اعتقد حاجه ليها علاقه بالحمايه من الصدا والبارومه مثلا عشان العتب هو اخر طريق للمياه