اخيرااا فلوانس 2015 + توضيح لكل محتار

**ayman_amer23** · 13-09-2014 08:18 PM

الحمد لله بعد لف لمده شهر وسمعت كلام من ناس كتييير فيهم الى فاهم وفيهم الى سامع وفيهم الى بيفتى
الحمد لله استقريت وجبت فلوانس 2015 بالرغم من اعتراض البعض عليها بس نصيحه لكل الى مقبل على شراء سياره من اخوكم
انا قابلت وسالت كتييير جداااا عمرك ما هتلاقى اتفاق واجماع على اى حاجه . ناس بتحب تفخم فى عربيه معينه لانه بيمتلكها وناس تانيه بتديك نصيحه هو اصلا بانيها من على كلااام سمعه

من الاخر مش هطول عليكوا

عايز تشترى ابدأ انت بنفسك شوف انت عايز ايه من العربيه من حيث ( كماليات اكتر وابشن عالى ولا متور قوى عايز تشد ومن هواه السرعه وطبعا الثبات ولا عايز حاجه للشغل والمهم تبقى معمره ومصاريفها خفيفه ) عموما صعب تلاقى كل المواصفات باسعار قليله علشان كده انت الى لازم تحدد انت عايز ايه .وبعدها اسأل على النوع الى انت اختارته يكون واحد معاه نفس العربيه حتى لو كان واحد فى الشارع انت متعرفوش والله هيرد عليك ويقولك .
بعدها اسال على توكيل العربيه لانك هتتعامل معاه مده حلوه فلازم يكون محترم اوووى
ظبط امورك ومتبخلش على نفسك وظبط مدياتك وشوف الانسب قسط ولا كاش
صلى استخاره
خد الخطوه بلا تردد لان التردد دا حاجه بشعه وصدقنى دا بيبقى مكتوبلك ونصيبك
موضوع قطع الغيار دا انت مش هتحس بيه لانه كله بيتساوى فى التوكيل
وربنا يكرمك ويباركلك فيها ان شاء الله ومتحتجش اى مصاريف .

بالنسبه لاختيارى للفلوانس انا استفدت كتييييير جدااا من المنتدى دا وبشكر كل الاعضاء والمشاركين انا صحيح مشاركتش بس قريت كل الى الاعضاء كانو بيسألوا فيه بصراحه حاجه محترمه
الفلوانس عربيه محترمه جداا كفايه التقفيل والشياكه ومتورها يابانى و كماليات روعه مقارنتى كانت بينها وبين السيراتو بس بصراحه الفرق طلع كبير بالنسبه ليا شخصيا لانى بحب الكماليات والشكل الداخلى والخارجى انا مش من هواه الجرى ولا الشد هلى الطرق فابالنسبه ليا الموضوع مريح وكان اختيار الحمد لله موفق

اما حاولت اشارك لاول مره فى المنتدى الخاص برينو
ويارب اكون قدرت افيد حد ولو فى اى استفسارات انا تحت امركم .

**yasser100** · 13-09-2014 08:39 PM

مبروك و ربنا يبارك لك فيها :)

**Muhab Rabie** · 13-09-2014 08:53 PM

ممكن اعرف حضرتك اتعاملت مع معرض مين .. انا كنت حجزت فئه اولي اوتو فضي من الطـارق قلت انو مشهور و كويس بس بعد 3 ايام كلمني قالي انا جبت ل فيراني الفاتح و معنديش الفضي و غير كدا غير اتفاقي معاه في مكان الاستلام . كنت هستلم في اكتوبر قام جبهالي فرع العجوزه

**ayman_amer23** · 14-09-2014 02:14 AM

المشاركة الأصلية كتبت بواسطة yasser100

مبروك و ربنا يبارك لك فيها :)

الف شكر يا باشا

**mfraig** · 14-09-2014 12:43 PM

ممكن تقولنا ايه ملاحظاتك على 2015 عن موديل 2014 وكمان اشمعنا اخترت الفئه ده عشان السعر وللا سبب تاني

**ayman_amer23** · 14-09-2014 06:11 PM

المشاركة الأصلية كتبت بواسطة muhab rabie

ممكن اعرف حضرتك اتعاملت مع معرض مين .. انا كنت حجزت فئه اولي اوتو فضي من الطـارق قلت انو مشهور و كويس بس بعد 3 ايام كلمني قالي انا جبت ل فيراني الفاتح و معنديش الفضي و غير كدا غير اتفاقي معاه في مكان الاستلام . كنت هستلم في اكتوبر قام جبهالي فرع العجوزه

بص يا باشا انا جبتها من معرض المصريه لما رحت لقيت اللون الكريمى او الاوف ويت
الصراحه انا جربت الغوامق كتير ومتعقد منها فكنت معجب بالون أصلا هو دلوقتى عنده لون الفضى والبترولى تقريبا الأزرق الغامق
واستلمت لان العربيه أصلا كانت موجوده في المعرض
لو حابب اى استفسار انا تحت امرك

**ayman_amer23** · 14-09-2014 06:43 PM

المشاركة الأصلية كتبت بواسطة Muhab Rabie

ممكن اعرف حضرتك اتعاملت مع معرض مين .. انا كنت حجزت فئه اولي اوتو فضي من الطـارق قلت انو مشهور و كويس بس بعد 3 ايام كلمني قالي انا جبت ل فيراني الفاتح و معنديش الفضي و غير كدا غير اتفاقي معاه في مكان الاستلام . كنت هستلم في اكتوبر قام جبهالي فرع العجوزه

المشاركة الأصلية كتبت بواسطة mfraig

ممكن تقولنا ايه ملاحظاتك على 2015 عن موديل 2014 وكمان اشمعنا اخترت الفئه ده عشان السعر وللا سبب تاني

شكرا لردك وبالنسبه للملاحظات الفروق هي هي نفس شكل الفيس لفيت مجرد انى راكب موديل 2015 و مفيش فرق اطلاقا في 2014 عن 2015 زى بعض بالظبط

بالنسبه لاختيارى الفئه : انا اختيار الفئه كان صعب شويه لان المقارنه كانت في حدود 165 ل 170 بالنسبه لفئه الفلوانس E3 و السيراتو الوكيل ب 166.5
الى E3 في الفلوانس فيها كل الكماليات ماعدا السينسور وفتحه السقف و الليدات والنيكل والزينون
وسعر الفئه E3 كان 169 و الفئه E3s كانت ب 179 فا الصراحه قلت اجيب الأعلى لانى مش هشترى كل يوم عربيه و بعدين السينسور مهم مهما ركبته بره مش هيبقى زى التوكيل
وبعدين مدام قسط مش هيفرق اوى
بس في الاخر كل الحاجات دى بترجعلك انت حسب مادياتك وحسب احتياجك للكماليات دى ولا لا
وربنا يوفقك بأذن الله وتجيب الى نفسك فيه

**ahmedelfeky** · 14-09-2014 07:42 PM

المشاركة الأصلية كتبت بواسطة ayman_amer23

شكرا لردك وبالنسبه للملاحظات الفروق هي هي نفس شكل الفيس لفيت مجرد انى راكب موديل 2015 و مفيش فرق اطلاقا في 2014 عن 2015 زى بعض بالظبط

بالنسبه لاختيارى الفئه : انا اختيار الفئه كان صعب شويه لان المقارنه كانت في حدود 165 ل 170 بالنسبه لفئه الفلوانس e3 و السيراتو الوكيل ب 166.5
الى e3 في الفلوانس فيها كل الكماليات ماعدا السينسور وفتحه السقف و الليدات والنيكل والزينون
وسعر الفئه e3 كان 169 و الفئه e3s كانت ب 179 فا الصراحه قلت اجيب الأعلى لانى مش هشترى كل يوم عربيه و بعدين السينسور مهم مهما ركبته بره مش هيبقى زى التوكيل
وبعدين مدام قسط مش هيفرق اوى
بس في الاخر كل الحاجات دى بترجعلك انت حسب مادياتك وحسب احتياجك للكماليات دى ولا لا
وربنا يوفقك بأذن الله وتجيب الى نفسك فيه

الف مبروك ياباشا وربنا يباركلك فيها .....
مفيش ليدات ولا نيكل ف ال e3 ولا ايه دي كانت موجوده فيها لغايه قريب