الكتيب ده غير الكتالوج بتاع العربيه و لا قصدك على كتالوج العربيه
انا استلمت الديزاير امبارح الحمدلله من المصرية للسيارات .. اتقاللى الضمان بتاخده من التوكيل .. بس العربية موجود فيها الكتيبين العربى و الأنجليزى بتوع دليل المالك
العربية مبتنزلش بولاعة سجاير هى فيها مخرج 12 فولت بس ممكن تركب عليه ولاعه لو عايز .
هو ده بالظبط اللي أنا استلمته، كتالوج العربية نسخة عربي ونسخة إنجليزي و كوريك و جراب مفاتيح وايريال والأربع علامات لتغطية طارات العجلات. العربية مش معاها ولاعة بس مخرج 12 فولت و مدخل usb وكمان من غير طفاية سجاير لانها "صديقة للبيئة" بتعبير الناس في المعرض
في المعرض قال لي الضمان تاخده مع اول صيانة بس اتصل بالتوكيل للتأكيد ولما اتصلت بالتوكيل قالت لي تاخده مع الورق من المعرض اللي اشتريت العربية منه فأنا عايز أتأكد من الموضوع ده!
و في حاجة كمان الفاتورة من المعرض و ورقة الاستلام مش مكتوب فيها اي سنة موديل العربية يعني مش مكتوب dzire 2015 ايه الوضع مع حضرتك؟
يا جماعه العربيه دى عجبانى جدا و عاوز اشتريها بس خايف من قطع الغيار من حيث التوفر و السعر عشان لسه خارج من حادثه جامدة بعربية رينو سانديرو طلعت عينى و خربت بيتى
اية رأيكم , اصلى كل العربيات اللى منتشره فى الرنج دة مش عاجبانى
العربيه دى افضل سياره فى فئتها موتور صغير و قوى بتكنولوجيا vvt بيديلك 87 حصان نفس تكنولوجيا موتور الالنترا دا غير البودى كويس و التقفيل ممتاز و عاليه عن الارض ما بتحكش فى المطبات و فرامل abs و ebd و وباور كهرباء eps و اتنين ايرباج و جنوط سبور 16 حتى الاستبن و فتيس اوتوماتيك و اقتصاديه فى استهلاك البنزين و حجمها مناسب و سير المكينه جنزير بصراحه صعب انك تلاقى كل ده فى عربيه و بالسعر ده
انت خليتنى اتراجع عن رينو سانديرو ستيب واي
السلام عليكم انا عضو جديد معاكم فى عالم السوزوكى
الحمد لله حجزت سويفت ديزاير من المصرية للاسف باوفر برايس 1500 عندى مشكلة فى الالوان تقريبا معندهمش غير السيلفر و انا ميال للبترولى ايه الالوان المتاحة انا شفت الاسود و الفيرانى و الاحمر
و شفت من الهاتش باك الازرق
ايه الحاجات اللى اتاكد انى استلمها ؟ و اراجع عليها اخد معايا جركت بنزين ولا الدنيا تكفى لاقرب بنزينه؟
الكاوتش اظبطه على كام؟
فى معارض غير المصرية عندهم تسليم فورى؟
الأحمر حلو ولايق على العربية و البترولى كويس برضه حاول معاهم لو هيستلموا عربيات تانى قريب و خللى بالك احتمال كبير السعر يزيد كمان لأن الهاتشباك وصلت 113 الف فى المعارض بسبب انها قليلة فى التوكيل و حجزها طويل .
كوريك و شنطة عده فيها الجزء بتاع القطر و مفتاح و دراع الكوريك .. و كتالوجين(عربى-انجليزى) ...
العربية هيبقى فيها تقريبا 2 -5 لتر هتلاقى قريب من هناك بنزينتين واحده تعاون وواحده موبيل ... اسألهم فى المعرض هيوصفولك الطريق ...
الكاوتش هيبقى مظبوط على 50 هتلاقى على قايم الباب مكتوب انه يتظبط على 29 .
السلام عليكم ... اولا انا خارج من عربيه ستروين c4 ثانيا انا دلوقتي انا محتار ما بين سويفت ديزاير و نسيان صني الفئه الاولي .. بس شفت النيسان تقفيل زباله و كله بلاستك و عربيه علي قدها اوي فيرنا بس معدله .. بس في اعاده البيع و قطع الغيار كويسه ... و الديزاير تقفيل ممتاز و واسعه و هي ياباني 100 % ولا تقفيل هندي ؟ .. و الراحه الديزاير عجباني اكتر بس متخوف من موضوع قطع الغيار لان العربيه لسه نازله ... تنصحوني بايه ؟ و في نقطه لما روحت التوكيل قالي استلام كمان 4 شهور !!؟ ... لو في معارض اتسلام فوري و ميكنش اغلي من التوكيل بردو اوي و شكرا
ممكن تلاقي السويفت ديزاير بأوفر برايس من 300 ل 4000 ج ... واستلام فوري ... من سمير ريان او الليثي أو الملك أو القرش .... هتاخدها ب 110 او 111 الف ... وده مش هيكون سعر عالي ... بالنسبة لقطع الغيار ... انا سألت كويس في النقطة دي وعرفت انها متوفرة في التوكيل وبره التوكيل عند ميدو سوزوكس و سوزوكي سنتر ... توكل على الله
سواء السويفت الهاتش باك أو السويفت الديزاير هى عربيات شبابى أصلاً من ناحية التصميم الرائع و الشياكة خارجيا و داخليا مع الاقتصادية فى التشغيل ( اخويا لما شافها و جربها اتهبل عليها و هو معاه جين تو :)
بس تتميز الديزاير فى انها تصلح للعائلات الصغيرة اكتر بسبب الاتساع الاكبر نسبيا فى الصالون او تميزها بمساحة اكبر لحقائب السفر
الف مبرووووووك يا فندم وربنا يحافظلك عليها ويحافظ عليك من شر طريقها
كنت حابب اعرف من حضرتك استلمتها خلال كام شهر ومن انهى فرع حجزت وهل السيارة عملية معك ام لا وسحبها مع التكييف حلو ام لا وسحبها على الطريق وثباتها على السرعات العالية جيد ام لا
عملت صيانه الالف كيلو فى الهايكستيب كنت حاجز الساعه 2 بس وصلت الساعه 3.30 لان الطريق الزراعى كان مقفول و زفت وصلت بعد 4 ساعات سواقه من الزحمه المهم الحمد لله لحقت و اعتذرت عن التاخير و قلتلهم غصب عنى من زحمه الطريق سلمت العربيه وسالنى عايز تغير زيت 5000 ولا 10000 قلتله 5000 لانى شايف انه افضل انك تغير الزيت للموتور فى وقت اقصر و غسيل الموتور قلتله ماشى
طبعا غيرو زيت توتال و تشحيم المفصلات و تربيط العفشه و فلتر الزيت بس غسيل الموتور 40 جنيه
طبعا بقيت الزيت ما اخدتوش طمعوا فيه و اكيد المهم و غسيل العربيه ع السريع مش اوى الموضوع اتكلف 245 جنيه و ساعه و نص ولما روحت قيست مستوى الزيت الصبح لقيته مظبوط على نقطة الماكس بالظبط
سؤال بس ف العربية
هي فيها كمبيوتر رحلات او اي حاجه تبين الاستهلاك بتاع البنزين ولا النظام ايه بالظبط
يعني الشاشة اللي ف التابلوه ايه البيانات اللي بنظهر فيها ؟؟
فيها يا باشا كمبيوتر رحلات بيديك عدد 2 رحلة تقدر تعملهم ريسيت و تشوف رحلة السفر لحد مكان معين اد ايه
و التانية ممكن تخليها للصيانات و تغيير الزيت مثلاً
و فيه واحدة تختار اللى للاستهلاك اللحظى بتتغير لحظيا بمجرد ما تزود بنزين او تقف خالص او تمشى براحة
والتانية تبدل معاها و بتديك معدل استهلاك البنزين عامة و دى بتكون خلال رحلة معينة او سفر مثلا
و فيه طبعا الزراير اللى تخليك تختار الشاشة تعرضلك ايه فيهم
و فيها برده شاشة الكيلو متر الاصلية اللى مابتتغيرش بتاع كيلومتراج العربية من الزيرو و دى ثابته العرض
لكن مفيش حاجه تقول البنزين الموجود يعمل كام كيلو زي الجراند i10 ??
طيب ممكن يا جماعة اللي عنده صور للكلام ده يشاركنا بيه
سؤال يا برنس انا غيرت فى الصيانه زيت توتال 5000 و فلتر و ناوى انزله بعد 4000 كيلو بس عايز احط زيت تخليقى فى المره الجايه ممكن شل بيور بلس الجديد او توتال نيو 5 دابليو 30 هل بيكون غلط على موتور العربيه و لا ما يضرش ما دام العربيه لسه جديده و هل لو غيرت الزيت بره التوكيل او ما رحتش مواعيد الصيانه فى مواعيدها دا ليه علاقه بالضمان 3 سنين او 100 الف كيلوا انا بعد ما غيرت الزيت حسيت ان استهلاك البنزين اتحسن اكتر عن الاول لان الزيت عندى كان اعلى من نقطة الماكس بشويه و لما قيسته بعد التغيير تانى يوم الصبح لاقيته عند نقطه الماكس بالظبط
بص يا باشا انا غيرت اول مرة زيت توتال 10000 التخليقى مع الفلتر
مش عارف ينفع تغير النوع (توتال) و لا لأ - هما اللى يفيدوك ف التوكيل لحن تحط شيل يؤلك العربية بره الضمان و لا حاجة
بس عموما انت تقدر تغير لتخليقى المرة اللى جاية و هو ده المستحسن و طبعا يستحسن تلتزم بمواعيد الصيانة فى التوكيل لأن العربية لسه جديدة
انا بعد بحث كتير ع النت لقيت ان افضل زيت للعربيه و يلبى الحمايه المطلوبه هو زيت كاسترول ماجنيتك
A5 5w30 لان جزيئات الزيت بتلزق magnetic فى اجزاء الموتور من جوه بعد ما تبطل العربيه و تركنها ع البارد لان 75 % من الضرر اللى ممكن يحصل للموتور بيحصل عند احماء الموتور عند بدايه التشغيل لان الزيت بيكون مترسب تحت لسه ما اخدتش دورته فى الحمايه المطلوبه و الزيت ده بيتباع فى محطات بنزين طاقه و بيتغير بعد 10000 كيلو او سنه و هو زيت انجليزى و له شهره عالميه و بصراحه نفسى اشتريه و انا رايح التوكيل لان الزيت بتاعهم مش بيلبى المواصفات المطلوبه فى الحمايه و خصوصا ان العربيه و ما اعتقدش ان انا مجبر اشترى الزيت من عندهم لان هما الزيت ده بيعملهم مصلحه
مش كفايه حطولى زيت معدنى فى عربيه لسه جديده
السوزوكى الديزير والا الميتسوبيشى اتراج ؟
الديزاير تزيد عن الاتراج :
عوامل الامان : 2 اير باجز + فرامل السويفت الجيل الثاني من الـ abs, ebd .. وفيها ba+
5 جنوط سبورت مقاس 15 انش
+ موتور اقوى 4 سليندر و ليس 3
و السعر ارخص
و الشكل أحلى ( اذواق)
و تقدر تسأل و تلف لفه ف المنتدى علشان تكون مقتنع ... اى خدمة
خولوص الكلام :)
ألف مبروك ياباشا
ياريت السعر
كل عام وانت بخير انا سالت علي العربية فب المعرض اقل استلام فورى كان ١١٠ مش ١٠٨٥٠٠ ومش لاقي اللون الازرق منها لو حد يعرف مكان بسعر اقل واللون ازرق يبقي لكم جزيل الشكر
و انت طيب وبخير يا باشا
( فيه سويفت زرقاء في المعادي ... معرض توفيق محمد "اللي بعد مكتبة المعادي".... انا وصلت السعر معاه ل 109 للي حابب ... بس انا مكنتش عاوز اللون دا. هو حيبدأ معاك ب 115 وحينزل ل 109. وكل سنة وانتو طيبين )
" منقول من صفحة جروب سوزوكى على الفيس بوك https://www.facebook.com/groups/SWIFTCLUBINEGYPT/ "
اى خدمة :E_braces[1]:
انا اشتريت ديزاير حمراء ب 108.5 من فرع المصرية للسيارات فى طلعت حرب