الف الف مبروك يا باشا
الاحمر بتاعها حكاية مع شكل العربية المميز
سؤال: هو ممكن اغير كاسيت السويفت هاتشباك بواحد فيه gps زي الديزلير؟
الكاسيت اللى بينزل في ال2 واحد على فكرة مفيش فرق
وممكن طبعا تغيره ... والتوكيل بيجهز كاسيت اندرويد بشاشة 7 بوصة وفيه بلوتوث وجي بي اس ... وده اللى اللنك بتاعه لكن لسة مش عارف هيكون بكام
http://ar.aliexpress.com/item/Pure-A...16038.html?s=p
اف الف مبروك باشا.
انا بدور علي العربيه دي بقالي اسبوع مش عارف اجيبها ازاي ملقيتش غير عند القرش وبيقولي 113 استلام فوري ومودرن موتور بيقولي 107 استلام بعد اربع شهور ( كتير قوي قوي )
مع العلم اني هقسكها علي بنك ناصر.
ارجو المساعده
مبروك وربنا يباركلك فيها انشاء الله بس كنت عايز اسئل سؤال هوا ليه حضرتك مفكرتش تجيب ciaz انا بصراحه اول مره هشترى ولما بقارن كده ع قد علمى بلاقيها كويسه جدا بالنسبه لسعرها يعنى مش فارقه كتير عن عربيه حضرتك ومعلش لو طولت
السياز ماكانتش نزلت ساعتها
و بعدين هى خط انتاج جديد و لسه ماتجربتش
بس مواصفاتها ع الورق كويسه جدا
الأخوة الكرام
ارجو الافادة ، هل السويفت هاتش باك و السيدان تقفيل هندى مثل السياز ام يابانى؟
وهل موتور 1200cc ضعيف فى السفر خصوصا مع تحميل السيارة و تشغيل التكييف فى صيف مصر الحار؟
ولكم جزيل الشكر.:satelite:
أ/ El Prince
شكرا جزيلا على اهتمامك بالرد السريع و مبروك على العربية و ربنا يباركلك فيها و يكفيك شرها.
ممكن أعرف قطع غيارها هندى ولا يابانى وهل مودرن موتورز هو الوكيل الرسمى للسيارة و هل لديه مراكز خدمة معتمدة و قطع غيار أصلية وهل عندهم أنظمة تقسيط.
معلش يا باشا انا تعبك معايا فى الاسئلة الكتير بس انا بفكر فى العربية بجد.
مع تحياتى:bye2:
أنا بقى عندي سؤال واحد ومختصر!!
من الآخر.. ما مدي توصيتكم لنا بهذه السيارة؟!
أرجو إعطاء درجة من عشرة، وجزاكم الله خيرا.
سعر العربية كام دلوقتى ؟
وهل يوجد بها شاشة مزودة ب gps ؟
وياترى أنهوا الاحسن هى ولا الهاتش باك منها ؟
وعاوز أعر أقدر أحجز فين والعنوان وهستلم بعد اد أيه ؟
أنا بسافر كتير وساكن فى جنوب سيناء فها هتستحمل الطرق الصاعدة والحر الشديدة ولا هتهلك منى ؟
من الاخر عاوز أعرف هل صاحب الموضوع والاخوة المتواجدين معانا يرشحوا العربية للى بيسافر كتير ولا يفضل أن العربية دى تكون للناس اللى أستخدمها أكتر جوة المدينة ؟ وشاكر جدا لحضرتكم
ياشباب باختصار شديد وزن العربيه 950كجم ف ال1200 كويس اوی عليها والتكييف مبيأثرش ع الماتور ف ای حاجه بالنسبه للسفر معتقدش هيأثر بردوا...
بالنسبه للهاتش او الديزاير هيبقی قصه ازواق واحتياجك انت لكن الاتنينزی بعض ف كل حاجه باستثناء الشنطه
لكن الديزاير اوسع 15سم وليها مسند خلفی
العفو يا باشا
انا غيرت زيت و معاه الفلتر الاصلى كان مكتوب عليه made in japan خلاف كده ماجربتش
مودرن هى الوكيل و انا بعمل الصيانه عندهم - فيه مركز ف الهايكستب طريق جوزيف تيتو - و الرئيسى ف ابو رواش و عندهم تقسيط مباشر تقدر تكلمهم للتفاصيل
و ده موقعهم https://www.facebook.com/SuzukiEgypt...age?fref=photo
على حسب احتياجاتك بالنسبة لى اديها درجة عامة : 8 من 10
الهاتش 103 - الديزار 108 ( دى الاسعار الرسمية من التوكيل ) - اما الاوفر برايس بتاعهم مش عارف اسأل اى معرض
الاتنين زى بعض بالظبط لكن الديزاير اوسع حوالى 15 سم و الشنطة اكبر حوالى مرة و نص و مافيهمش gps
بالنسبة للعربية هى عربية مدينة و كويسة للسفر لكن غير مخصصه للصحراء شوف عربية جيب
تحياتى
[QUOTE=El Prince;3875903563]العفو يا باشا
انا غيرت زيت و معاه الفلتر الاصلى كان مكتوب عليه made in japan خلاف كده ماجربتش
مودرن هى الوكيل و انا بعمل الصيانه عندهم - فيه مركز ف الهايكستب طريق جوزيف تيتو - و الرئيسى ف ابو رواش و عندهم تقسيط مباشر تقدر تكلمهم للتفاصيل
و ده موقعهم https://www.facebook.com/SuzukiEgypt...age?fref=photo
شكرا يا برنس على اهتمامك بالرد والافادة ربنا يباركلك فى العربية ويفرحك بيها كمان وكمان ودعواتك لينا :praying:
بقالي ساعتين بقرا في الموضوع بالردود كلها
اولا الف مبروك العربية ، ربنا يرزقك خيرها ويكفيك ش ها ويسترلك طريقك
ثانيا انا لسة راجعة من معرض اتوماك النهاردة ، كنت رايحة اشوف الكيا بيكانتو والهيونداي i10
لمحت السزوكي ادام جناح الهيونداي وماكنتش اعرف الديزاير اصلا بس عارفة السويفت الهاتش باك كنت سائلة عليها في المصرية ارض الجولف قاللي 115 في المعرض لئيتها ب103 وكانوا عارضين الحمرا فظييييعة والديزاير عارضين السيلفر
بصراحة كنت رايحة على عربية صغيرة علشان الركنة ومكانا في جراج العمارة اتاخد علشان عربية جوزي كبيرة فعايزة عربية صغيرة
عجبني1 سكل الهاتشباك بس لما شوفت شنطة الديزاير لئيتهاىاوسع بكتير وحجم العربية مش فارق اوي فقلت مش اشكال بس فرق السعر هو اللي عالي الديزاير قاللي 109
هل فرق السعر يستاهل فرق حجم الشنطة وال15 سم الزيادة ولا فيه فروق تانية
سؤال تاني باة معلش، سالت لما رجعت اي الشركات صيانتها والتعامل في الضمان محترم هيونداي ولا سزوكي قالولي هيونداي ممتاز في ابصيانة سزوكي مانعرفش عليه حاجة لان السزوكي في مصر مش كتير زي الهيونداي، فبم انك مجرب هيونداي قبلىالسزوكي فتقدر تقوللي اي شركة انضف ومحترمة اكتر في الضمان والصيانة
متابع
الاخت الفاضلة / منى مراد
أولا ً أهلا بك
ثانيا اتشرفت بقراءة حضرتك لموضوعى و الله يبارك فى حضرتك
بالنسبة للسؤال الاول هل فرق السعر يستاهل
هاقولك انا فكرت فيها ازاى لما رحت المعرض فى شهر 8 2014
انا رايح اشترى السويفت الهاتشباك و عامل حسابى أدفع 100 الف جنيه
لما شوفت الديزاير و فرق الصالون و ارتفاع السقف ووسع الشنطه اللى يخلينى أسافر مستريح
قولت ف نفسى ما انا كدا كدا دافع ال 100 الف هايجرى ايه لما ازود حاجه بسيطه عليهم حوالى 7000 ج
و اكون جبت عربية معقولة تنفع فى زحمة البلد و الركنه و ف نفس الوقت ماحتاجش لعربية تانية كبيرة اسافر بيها
يعنى خدت ميزتين ف عربية واحدة تحققلى كل احتياجاتى و لأسرتى الصغيرة
بالنسبة الى سؤال حضرتك التانى
بالصدفه انا قبل السويفت كان معايا فيرنا
يعنى عديت على توكيل غبور و توكيل مودرن موتورز ( هو على فكرة توكيل نيسان برضه)
عاوز اقولك ان كل التوكيلات فى موضوع الصيانة على مستوى متقارب ف مصر
الا توكيلات الالمانى ربنا يوعدنا و السامعين و القارئين :)
لا تحملى هم بالنسبة للتوكيل انا رحت حوالى 3 مرات - هو مش حاجه واو لكن يعتبر زى غبور و احسن من توكيلات تانية كتير زى عز العرب و غيره
و لا تتردى فى اى سؤال او استفسار - احنا هنا كلنا اخوة و نساعد بعض على اد ما بنقدر
خالص تحياتى و اتمنى لكى كل التوفيق من الله
طب كدة اطمع في كرمك يعني واسال سؤال
طبعا كدة طالما هيونداي توكيلها بمستوى غبور وفرق السعر في هيونداي اكبر من سزوكي ومميزات سزوكي اكبر من هيونظاي فكدة خلاص باذن الله يباة الاختيار انحصر بين السويت والدزاير
انا شوفت الاتنين في معرض اتوماك بس ماركزتش في فرق المقاس بين الاتنين بالشكل من بره يعني
انا مش بحب العربية اللي شكلها كبير علشان كدة قولت اخد الهاتشباك بس لما شوفت شنطتها اتخضيت دي حتى ماتكفيش مشتريات السوبرماركت، بس مش اشكال يعني لو فيه حاجة محتاجة شنطة عربية جوزي تسد انا بسوقها اصلا وفي نفس الوقت ارجع اقول طب مالو الدزاير والهاتشباك متقاربين في الحجم استفيد بالشنطة برده الواحد مايضمنش الظروف
سؤال تاني باة انا مع الاسبرانزا 516 ربنا يتوب علينا منها ويوسع على اللي راكبها ويرزقه احسن منها بكون شايفة الحمد لله ركنين العربية الاماميين وبيساعدني ده في الزواقة في الزحمة والزنقة والخروج من الركنات خصوصا العمودية، حاسة ان الميزة دي مش موجودة خالص في الع بيات الجديدة
اعدت في السويفت ماشوفتش حاجة خالص بعد الزجاج حتى لو شبيت ورفعت راسي، هل مع الوقت بسهولة الواحد بيحفظها ولا متعبة
معلش انا رغيت ودوشتك اسفة جدا
https://www.facebook.com/groups/SWIFTCLUBINEGYPT/
حضرتك ممكن تشتركي على جروب ملاك السيارة على الفيس وهتلاقي اجابات وافية لكل اسئلتك .. بما فيهم استاذ وليد صاحب هذا الموضوع
هى الديزاير فيها مسند بين الكراسى الامامية كمان ولا الخلفية بس؟
السلام عليكم
بعد التحية لكل الي في صفحة السويفت ارجوا المساعدة في بعض الاستفسارات المهمة جدا جدا بالنسبالي
اولا : اخوكم معاه فرنا اخر٢٠١٢ من الزيرو ولله الحمد زي الفل معايا وربنا يسترها بسبصراحة تعبت من المنويل بسبب حاجات كتير جدا اولها اخوكم ساكن بعيد في الشروق
ثانيامجال عملي في المبيعات فا بلف القاهرةالكبري كلها في يوم واحد يعني يوم ما اقول اني ملفتش بعمل ٧٠ك من الشروق الي الماظة اقعد علي القهوة بخلاف اني اغلب شغلي في القاهرة بيبقي في المريوطية تقريبا ١٠٠ك من الشروق يعني ٢٠٠ك وبسافر الصعيد مرة كل شهر وبعدي علي كل محافظة من اول الفيوم لحد اسوان والغردقة
فبعد اذنكوا للي معاه الديزاير تفتكروا ان العربية دي تستحمل الشغل والبهدلة دي بتاعت المبيعات ولا لأ ثانيا ال١٢٠٠cc عاملين ايه في السحب والسرعات العالية والمشاوير الطويلة وخصوصا مع التكيف لاني بشغل التمييف علي طول علشان طرقيي كلها سريعة وكنت عايز اعرف كمالياتها وايجابيات وسليبات السيارة ولكم جزيل الشكر واسف علي الاطالة .......
الف شكر لحضرتك وصلني الرد
ابعدي عن غبور لو هيدولك العربيه ببلاش... معامله سيئه لو صادفك عيب في السياره.. تهرب من اصلاح العيوب علي حساب الضمان. اسهل كلمه عندهم هي كلمة "سوء استخدام".. اسعار صيانه مبالغ فيها...
الكلام ده كله هتتاكدي منه هنا في المنتدي واماكن تانيه كتير لو عملتي سيرش علي خدمة غبور هتتاكدي انه مكدبش اللي قال تغور من وش غبور ومنصور
الف الف مبروك ولو انها متأخرة جدا, بس كان بقالي ساعتين بقرأ الموضوع ده واستفادت من حضرتك جدا
تقريبا كنت استقريت علي الرينو لوجان الجديدة, بس بعد ما قرأت موضوعك بدأت أعيد التفكير, فانت برأيك أيهما أفضل الرينو لوجان ولا السوزوكي سويفت ديزاير؟
هو الموتور vvt زى الهاتشباك و لا لأ؟
الموتور vvt هو هو موتور الهاتش باك بالظبط ... العربية هي هي بالظبط الهاتش باك هي هي بالظبط الديزاير السيدان .. الفرق الوحيد في الشنطة بس وشوية فروق في لون الفرش الداخلي ومسند اليد في وسط الكنبة وطريقة فتح الشنطة فقط ... لكن العربيتين متطابقتين تماما
1
2
3
4
5
5000 كم ما شاء الله ما شاء الله
العربية زى الفل
و لسه
:)
ده موقع الجروب ع الفيسبوك :
https://www.facebook.com/groups/SWIFTCLUBINEGYPT/
شكراً جدا على التوضيح انا قريت الموضوع كله
لكن هسأل أسئلة اتسألت قبل كده بس عايز منك توضيح أكتر
أنا حيران بالمقارنة مع أتراج لكن لقيت ان موتور دى الحصان بتاعه اعلى من الاتراج
لكن الأتراج والسويفت ايه رأيك فى الصاج بتاعهم ( عايز مقارنة دقيقة )
كمان هل هناك فئات فى السيارة دى ؟ يعنى هاي لاين وكده ولا هيا هاتش باك وسيدان وفقط ؟ وايه فروق الأسعار ؟
لو هنقارن بينها وبين الرينو لوجان الجديدة ؟