شركة uniway للتسويق الشبكي

**besso** · 17-09-2014 10:22 PM

والله انا كنت فى ريفليوشن وكنت بقول نفس الكلام ده وفى الاخر بلح !!! وطبعا انا الغلطان لانى عملت موضوع هنا اسال عنها والناس قالتلى ده اى كلام لكن انا حبيت اجرب

هو من ناحيه الكلام فهو واحد بين كل الشركات احنا مساهمين وسجل ضريبى والخ الخ الخ
كل الكلام ده حلو
تعالى بقى اشتغل كل لما تكلم حد يحسسنى انى نصاب ( انا اصلا بعد فتره بقيت مقتنع بنسبه 100% انى نصاب ههههههههههههههه)
تيجى تقول لواحد احنا فى ريفليوشن بنبيع منتجات عاديه موبايلات وتابلت وهكذا يقوللى اسعارها ايه اقوللى اغلى شويه عن بره يقوللى ليه كده وهو من جواه بيقول علينا حراميه ( وربنا عنده حق هههههههههه) اقوله ده مكسب الشركه تخيلوا بقى اصلا كان الفرق بيوصل ل500 جنيه زياده فى سعر التابلت مثلا او الموبايل

الفايده الوحيده اللى خدتها انى حضرت محاضره لدكتور شريف ابو فرحه مدرب التنميه البشريه غير كده مافيش

**هاني فتحي** · 24-10-2014 03:33 AM

بسم الله
دي اول مشاركه لي في المنتدي
بالنسبه للموضوع دا----ان مش مطمئن-----من الاخر انا هدفع فلوس----وهاخد كلام
لي صديق متسرع يلح علي بان اكون ضمن المنظومه
وكلما حاولت تهدئته انفعل وقال ---قابل الكوتش
فمن منطلق الاخوه اللي بيننا ننتظر علي عارض التسائل
ونشوف هو هيوصل لايه
وانا من جهتي سأطلعكم علي المستجدات بالنسبه لصديقي
مع العلم بان له صيق سحب ما يعادل 18 الف جنيه
وبيقولي انه كلام ثقه-----وهاتك يا قسم وحلفان
واحنا موجودين وربنا يوفقنا
ويا رب محدش يقول اني تبعه الاخ صاحب الموضوع

**Bassem Youssef** · 13-12-2014 03:40 AM

هو حضرتك spam؟ #ارحموا_روستر_ابونا -_-

**ahmed.said** · 28-12-2014 03:28 PM

matzlmo4 7ad ana 3aiz 7ad yekalmny ye4r7ly ely hewa fahmo b3d eznkoo
01095556280

**w_yehia80** · 17-01-2015 02:23 PM

السلام عليكم ورحمة الله وبركاته - للاسف فكرة التسويق الشبكى زى شركة يونى واى وبرده فيه شركة اسمها كويست اقدم منها فكرة شغلهم قايمة على بيع منتجات تافهة باكبر من قيمتها بكتير يعنى حاجةولا تسوى 50 جنيه تشتريها ب 2000 جنيه علشان يدخلك فى الشبكة وتجيب ناس برده تشترى منتج تافه بمبلغ كبير ويكون ليك عمولة وهكذا اللى بعدك يعمل زيك - ده بقى اسمه غرر وبيدمر الاقتصاد لانه فى الاخر الطبقة الاخيرة التى لن تجد من تبيع له بيكون معاها منتج تافه ولا يسوى اشترته بسعرغالى ومعرفتش تجيب حد بعدها يتنصب عليه والمستفيد من هم اعلى منهم فى الشبكة والاكثر استفادة مؤسسى الشركة الوهمية التى تتسبب فى حدوث سيولة مالية خارجة من البلد يقابلها بضاعة تافهة ولا تسوى ولعلمكم اللى بيقول المنتج اللى بيتباع فى السوق بيخرج من المصنع ب 20% من تمنه ده كلام زائف معروف هامش الربح فى القطاعى لا يزيد عن 10% والجملة بيكون اقل - للاسف اتقوا الله وكفاية نصب على الشباب وتخريب لاقتصاد البلد.

**w_yehia80** · 17-01-2015 02:51 PM

إحذروا الوقوع فى خدعة التسويق الشبكى
https://www.youtube.com/watch?v=YufFffPiEeI

**medo mazika** · 03-03-2015 04:35 AM

السلام عليكم اولاا يا أخى انا اسمى محمد انا فى شركه uni way بقالى سنه الحمدالله الشركه تمام جدا مافيش اى حاجه فيها غلط و ع الاقل قدرت احقق منها حجات كتير بمجهودى حضرتك ممكن تعمل المبلغ ده فى يوم بس من خلال مجهودك لان مافيش اجر من غير تعب ولاا فى تعب من غير اجر
انشاءالله انا مكمل فى الشركه لحد اخر يوم فى عمرى انا Uni way وفخور جدا انى بنتمى ليها

**medo mazika** · 03-03-2015 04:39 AM

انا مستعد افهمك كل حاجه ياريت نتواصل مع بعض 01110613526

**medo mazika** · 03-03-2015 04:48 AM

وكمان ياباشا حضرتك مش بتقبض بـ الدولاار طبعا علشان قيمه ال ج المصرى حضرتك بينزلك ع الاكونت بتاعك القيمه بلدولاار لاكن بتاخدها مصرى مافيش دولاار فى الشركه تانى حاجه الشركه ليها قانونياتها روح اسأل ع المقر بتاعها فى القريه الذكيه واسأل عليها فى السجل المدنى واسأل عليها فى مصلحه الضرائب وانت تعرف انها تمام