الموضوع: رجة على سرعة 70 و fit&fix بريدجسوتن حاسس انهم بيشتغلونى

المشاركة الأصلية كتبت بواسطة engboy

الله يبارك يا باشمهندس هانى .. انت بتطمنى :)
خصوصا ان المشكلة دي مكنتش موجودة خالص الا بعد ما ظبت زوايا واتزان بس ..

خصوصا انه على حسب معلوماتى المتواضعة :

ان

- عيب الكبالن الداخلية بيظهر من سرعة 30 الي 60 بعد كدا الرعشة بتختفي

- الطنابير تعمل رعشة في الفرامل بس غير كدا ولا ليها علاقة

- قواعد الموتور تعمل اهتزاز في اول تحرك السيارة و تعمل خشانة في صوت الموتور لكن متعملش العيب ده

انا حاسس ان المشكلة عندي

1- ترصيص وحش وسمعت انه يفضل اعمل ترصيص موتسيكل لان الترصيص العادي مش بيظبط صح (انا مش عارف يعين ايه ترصيص موتسيكل :) )

2- كاوتش مش سليم لكن في الحقيقة الاربع كوتشات سلام او جنط مش سليم (ممكن) و كل ده حيبان و انا برصص عالموتسيكل حلاقي العجلة اللي فيها العيب مهما حاول يظبط فيها مش حتتظبت

3-العربية فيها جنوط اسبور rck مش عارف اذا كانوا اصليين ولا لا (هى جاية بيهم) فأعتقد لازم الجنوط يكون فيها رينجات اللي بتظبط سنتر الجنط عالسرة بتاعة الطنبورة لو مش موجودة .. الجنوط حتبقى محملة عالمسامير و مش حتبقى متسنترة عالسرة و حتعملك رعشة وحشة و دي برضه تبان على ترصيص الموتسيكل و مهما نظبت فيها ملهاش حل غير اني اركب رينجات ..

اللى فات ده كان كلام واحد صديق عن الموضوع ده

الله ينور عليك يا باشا انت تقريبا قلت كل المشاكل عموما ان شاء الله تطلع ترصيص و ربنا يكون فى عونك

المشاركة الأصلية كتبت بواسطة m_m_sh_a

فيه ناس بترصص ..بس أول ما يشوف جنط سبور ..يقولك لا والله ما بتشغلش في الاسبور ..ناس محترمه ..ما بتفتيش

فيه ناس بقى أو ما يشوف الجنط الاسبور ومن غير ما يفكه ..يقوله لالالالا ..الجنط مش محتاج ترصيص ..طيب إنت مين قالك ياعم إنه مش محتاج ترصيص ..يقولك المشكله باينه إنها مش من الجنط ..وأتاري المشكله ..إنه هو أصلا ما بيرصصش جنوط اسبور ..شوف حد بيرصص سبور ورصص عنده

ان شاء الله هشوف حد بيرصص جنوط سبور وارصص عنده
شكرا يا باشا