الموضوع: رجة على سرعة 70 و fit&fix بريدجسوتن حاسس انهم بيشتغلونى

المشاركة الأصلية كتبت بواسطة تامر.محمد

بالنسبة لمكان الترصيص الواقع ممكن يكون ترصيص قديم و هما عملوا غيره لو رصصت عندهم فده عادي
الفيصل في حاجة زي كده هو مكنة الترصيص

لا انا اصلا مرصصتش في كالكتس او بريدجستون .. الاتنين قالولى مش محتاج ترصيص رغم ان محدش فيهم فك العجلة وحطها على الجهاز

المشاركة الأصلية كتبت بواسطة أسامه الحسيني

باشا انا المشكله دى كانت بتظهر معايا اول لما اوصل سرعة 50 وتختفي لما اوصل 90 وكانت المشكله من الكوبلن الداخلى

بس كتير اوي من 50 الى 90 ..
وبعدين انا مكنش عندي مشكلة اصلا .. دي ظهرت بعد ظبط الزوايا

وبتظهر حاجة خفيفة خالص عند 70 لغاية 80 وخلاص

الكوبلن الداخلى بيعمل الرجة دي بدري شوية يعنى بداية من 30 او 40

المشاركة الأصلية كتبت بواسطة أسامه الحسيني

باشا انا المشكله دى كانت بتظهر معايا اول لما اوصل سرعة 50 وتختفي لما اوصل 90 وكانت المشكله من الكوبلن الداخلى

طيب لو افترضنا انها كوبلن ..

ممكن تحكيلي حضرتك عملت ايه ؟؟

يعنى جبته منين وبكام واخد وقت اد ايه تركيب وهل المشكلة اختفت بعد كدة ولا لا ؟؟

المشاركة الأصلية كتبت بواسطة hany saad

لو مكان حضرتك هبتدى بترصيص الأربع جنوط الأول....وارد قوى انه يكون عيب ترصيص او جنط ملووح
دى مش اعراض طنابير لان الطنابير بتسمع لما تفرمل على سرعة
و دى مش اعراض قواعد موتور خالص
معنديش فكرة قوى هل ممكن الكبلن الداخلى يعمل كده و لا لأ

اعتقد الترصيص هيظبط الدنيا

تحياتى

الله يبارك يا باشمهندس هانى .. انت بتطمنى :)
خصوصا ان المشكلة دي مكنتش موجودة خالص الا بعد ما ظبت زوايا واتزان بس ..

خصوصا انه على حسب معلوماتى المتواضعة :

ان

- عيب الكبالن الداخلية بيظهر من سرعة 30 الي 60 بعد كدا الرعشة بتختفي

- الطنابير تعمل رعشة في الفرامل بس غير كدا ولا ليها علاقة

- قواعد الموتور تعمل اهتزاز في اول تحرك السيارة و تعمل خشانة في صوت الموتور لكن متعملش العيب ده

انا حاسس ان المشكلة عندي

1- ترصيص وحش وسمعت انه يفضل اعمل ترصيص موتسيكل لان الترصيص العادي مش بيظبط صح (انا مش عارف يعين ايه ترصيص موتسيكل :) )

2- كاوتش مش سليم لكن في الحقيقة الاربع كوتشات سلام او جنط مش سليم (ممكن) و كل ده حيبان و انا برصص عالموتسيكل حلاقي العجلة اللي فيها العيب مهما حاول يظبط فيها مش حتتظبت

3-العربية فيها جنوط اسبور rck مش عارف اذا كانوا اصليين ولا لا (هى جاية بيهم) فأعتقد لازم الجنوط يكون فيها رينجات اللي بتظبط سنتر الجنط عالسرة بتاعة الطنبورة لو مش موجودة .. الجنوط حتبقى محملة عالمسامير و مش حتبقى متسنترة عالسرة و حتعملك رعشة وحشة و دي برضه تبان على ترصيص الموتسيكل و مهما نظبت فيها ملهاش حل غير اني اركب رينجات ..

اللى فات ده كان كلام واحد صديق عن الموضوع ده