العربية كانت حتولع

**atwany2** · 07-09-2014 05:17 PM

النهارده العربيه انا وماشي بيها لقيت هوج سخن جاي من الدواسه وقفت وفتحت الكبود لقيت قربه المية غطاها طار والميه زي الشلالات وبتغلي طالعه منها بعد ما هديت شويه زوت الرداتيير ميه وقلت اشوف السبب
لقيت اني نسيت فيشة الترموستات راكبه وانا كنت شايلها علشان عداد الحرارة مش شغال ولما بركب فيشة الترموستات المراوح مبتشتغلش ولو شيلتها بتشتغل ومش عارف هي الترموستات ليها علاقة بالعداد يعني لو الترموستات بايظه العداد مش حيشتغل علشان الفيشه راكبة اومش راكبه العداد لايعمل وانا ليا 15 يوم وعارضت المشكله في المنتدي ومحدش عبرني وعلي العموم الف شكر لكل الاعضاء

**besso** · 10-09-2014 11:17 PM

لو الفيشه متشاله العداد هايفصل فعلا والمراوح هاتفضل شغاله على طول

وغالبا خضرتك عندك مشكله فى الحساس الحراره

**atwany2** · 11-09-2014 07:18 AM

الفيشه اللي انا شايلها بتاعت حساس الحرارة بتاع المراوح ودي لما اركبها المراوح لا تعمل ولما اشيلها بتعمل وحساس الحرارة انا شيلته وقيسته وبعدين سخنت عليه بالنار شويه لقيتالقراءة بتاعته بتتغير فعرفت انه كده شغال طيب ليه لما اركب فيه الفيشه مبيشغلش المراوح لغايه الميه ماغلت والعربيه سخنت لدرجة رهيبه دا اولا -ثانيا انا العداد مش شغال وعايز اعرف الحساس بتاعه فين علشان اراجع عليه وليا سوال هو انا لو وديت العربيه لكمبيوتر حيعرف العطل من اية وهي عربيتي الجيلي ck 2009 ليها كومبيوتر ولا لاء ارجو المساعدة علشان انا وديتها لكهربائي تاني قال انا مبفهمش فيها .

**besso** · 12-09-2014 12:08 AM

اكيد عربيتك ليها كشف بالكمبيوتر اكشف عليها شوف مسجله ايه

مش معنى ان القرايه اتغيرت مع الحراره يبقى الحساس سليم مايمكن بيدى قرايه غلط للكنترول + انك بتقول العداد مش شغال لكن لما تشيل الفيشه المراوح بتشتغل يبقى المشكله فى الحساس

**ms6118** · 13-09-2014 03:47 PM

انا عندي جيلي سي كي وكشفت اعطال بالكمبيوتر قبل كده عادي
الفيشه بتاعت الكمبيوتر عند اليد اللي بتفتح الشنطه

ممكن بس تصور لي الفيشه اللي بتخلعها علشان المراوح تفضل شغاله بشكل مستمر علشان اعرف مكانها
انا عندي المراوح بتشتغل اوتوماتيك لما الحراره ترفع وتفصل لما الحراره تنزل
فكره اخري لتشغيل المراوح
شغل التكييف على 1 حتي
هيشغل معاه المروحتين :)

**atwany2** · 14-09-2014 07:19 AM

الفيشة دي ورا المبينه اللي بيطلع منها سلك البوجيهات وجنبها فية خرطومين ميه نص بوصة طالعين من جنبها

**atwany2** · 06-11-2014 07:50 PM

الحمد لله تم الاصلاح بالنسبه للمراوح الفيشه كانت مش ملمسه كويس غيرتها والمراوح اشتغلت وفصلت اتوماتك مع تبريد السيارة
اما بالنسبه لعداد الحرارة المشكله كانت في اني مش عارف فين مكان صباع الحرارة الخاص به ووجدته تحت الموتور ولا يظهر الا من تحت السيارة وكان سلكه مش راكب وتم توصيله واشتغل تمام والحمد لله ومشكورين جدا علي المشاركه اخواني الاعزاء

**eng.mohdm** · 06-11-2014 11:45 PM

عشان متتلخبطش في حساسين مسئولين عن الحرارة
1- الثرموستات (ودة بيشغل المروحة عند 82 ويفل عند 92) او على حسب
2- حساس الحرارة ( بومة حرارة - صباع حرارة )
وفي العربيات الحديثة التي تعمل بالكمبيوتر بيكون في حساس حرارة فقط
وهوه الي بيدي اشارة للمراوح عشان تشتغل