الموضوع: بالصور حصريا : شيفرولية لانوس مرحبا بكى في مصر !!

نقلا عن "كونتاكت كارز"


شيفروليه تربك السوق المصري بإطلاق" لانوس"!
08/11/2008 03:54:05 م

بقلم: أحمد الخشاب

أطلقت شركة المنصور للسيارات الوكيل الحصري لسيارات "شيفروليه وأوبل" التابعة لشركة جنرال موتورز العالمية في مصر سياراتها الجديدة "شيفروليه لانوس" التي لا تمت بأي صلة إلى سيارة شركة "دايو" الكورية الجنوبية الشهيرة التي تحمل نفس الاسم "لانوس".

وطرحت "شيفروليه" سيارتها الجديدة في السوق المصري بمواصفات مختلفة تماماً عن سيارة "دايو" المنتشرة في مصر منذ أكثر من عشرة سنوات وتحمل نفس الاسم والشكل تقريباً ، هذا ما أكده مسئولو شركة "المنصور" لـcontactcars.com.

يأتي ذلك في الوقت الذي مازال توكيل "دايو" في مصر لدى أبوالفتوح وكيل "إسبرانزا ودايو" ، فيما أشارت تقارير إلى أن "شيفروليه" اشترت "دايو" منذ سنوات وهذا ما نفاه مسئولو "المنصور" لدى اتصال contactcars.com بهم عبر الهاتف.

وتختلف المواصفات الفنية لسيارة "شيفروليه" عن نظيرتها في "دايو" إلا أن الشكل واحد تقريبا ، وتتميز "شيفروليه لانوس" بأن محركها 4 سلندر 1498 سي سي ، وقدرته 86 حصان وعزمها :133 ن.م عند 3400 لفة.

السرعة القصوى 180 كم/س ، و التسارع حتى 100 كم :12.5 ث ، كما أن التجهيزات الأساسية متوافرة بالكامل ، حيث يوجد باور ستيرينج ، تكييف ، راديو MP3 /4، سماعات ، حامل أكواب ، ألوان ميتالك ، شبكة أمامية من الكروم ، قضبان لامتصاص الصدمات.

كما أن سعرها مغر للغاية ، ويبدأ من 66500 جنيه فقط ومن المتوقع أن تحقق مبيعات ضخمة بالسوق المصري فور نزولها.

يذكر أن سيارة "دايو" تختلف في شكل الشبكة الأمامية وطريقة كتابة اسم "لانوس" بالإنجليزية على الشبكة عن "شيفروليه".

--------------------------------
--------------------------------

:k4:

هاهاهاهااااا

الجماعة بتوع جنرال موتورز طيبين جدا

عايزين يقنعونا ان اللانوس مش لانوس خالص
وانهم جابولنا عربية فضائية جديدة !!

من تعليقات زوار كونتاكت كارز

yosry
09/11/2008 06:23:23 م

مش حاجه جديدة على جنرال
سياسة الضحك على الزبون حاجه مش جديده على الشركه دى ده موجود من التسعينات عندما كانت تبيع السيارة النصف نقل بثلاث ماركات و علامات مختلفة شيفروليه - بيدفورد - ايسوزو !!!!!!! و كمان بفرق سعر كبير قوى بين الثلاثه و الفرق كان الشبكه و استيكر الأسم على الصنوق ده كمان السيارات النقل ( الجامبو ) دى مخصصه لنقل البضائع - و البهايم و الحيوانات ! هما بقى ضحكوا على الناس و عملوها اتوبيسات بدون اى تعديل فى العفشه و كل شويه يقولوا الدبابه الدبابه و هى ولا دبابه ولا حاجه انا كان بيعت الدبابه و اشتريت عربيه نيسان كل الناس قالو دى وحشه بس بصراحه انا لما جربت عرفت ان مش كل حاجه بتتقال فى السوق بتكون صح


wagaber
09/11/2008 05:14:44 م
الاختلفات واضحة جدا يا جماعة
الطاسة بتاعت الكاوتش مختلفة خالص وكمان العلامة بصراحة يعني مش معقول كدا نفس الاسم ونفس الشكل بصراحة طيب السعر علي كدا مختلف >>>> هية طماطم ولا اية كل واحد يزرعها يسمية باسمة


ahmed_122@msn.com
09/11/2008 04:41:56 م
يافرحة ما تمت
يافرحة ما تمت كنا منتظرينحاجة جديدة ومختلفة مش ضحك على الغلابة شيفورلية اشترت دايو من زمان واكبر دليل انا ليا واحد قريبى جايب سيارة من بو سعيد منطقة حرة السيارة دى دايو اباً عن جد وبعد ذلك رأيت الاوبترا وكانها تؤمها اليس هذا خداع للمصرين الغلابة


ashaesho
09/11/2008 03:28:03 م
الاتنين واحد
العربيتن واحد مفيش اي اختلاف ومن من برة ولا من جوة


amirforever
09/11/2008 02:27:40 م
امير
طريقة جديدة من مدير البيع بس لو فى ناس بتفهم زيكوا وعارفين انها عربية واحدة فى بردة ناس مش بتفهم وهيشتروا على انها عربية مختلفة


amirforever
09/11/2008 02:25:37 م
amir
طريقة جديدة من مدير المبيعات لكن لو فى ناس بتفهم زيكوا وعارفين انها عربية واحدة فى ناس تانية هتدخل عليهم


aazzam
09/11/2008 01:42:18 م
نصباية
هما مش عايزين يتعبوا فى اى حاجة.....دى نصب و خلاص..


hooba_eg
09/11/2008 09:45:32 ص
عييييييب!!!!!
مبدئيا اللانوس بصفة عامة عريبة فاشلة جدا عن تجربة وعلشان الحكومة نايمة ومفيش حماية للمستهلك باى صورة من الصور وكمان بتعمل على الناس الغلابة شغل وسبابيب (جمع سبوبة) بالمشاركة مع كبار رجال الاعمال الحرامية مثل غبور وغيره كفاية العريبات الصينى المتخلفة الى مغرقة الشوارع ومفيهاش اى سيفتى على الاطلاق هى الحكومة عايزة تموتنا وخلاص!


rostom
09/11/2008 01:10:33 ص
يا جدعان شيفرلويه اشترت دايو ايجبت من زمان
الى كاتب الخبر ياريت يتاكد من كلامه وصحه قبل ما ينشره لان الكلام ده غلط هيه ديه الدايو بس نزله بالشيفروليه عشان اشترتها


mezaboy
08/11/2008 08:30:08 م
فكك يا سيدى
هما برضوا لبسونا الافيو والاوبترا وطلعو كورى وشكلهم بيلبسوا المصرييين الغلابة فى دى كمان