الموضوع: غواص فى تترات المسلسلات

ذكريات جميلة وايام لما الواحد بيفتكرها بيسرح بخيالة فى عالم تانى
تحس اننا كنا عايشين فى عالم جرافيك غير دلوقتى
انا على فكرة 33 سنة وبحمد ربنا اننا عشت فترة التمانينات واوائل التسعينات ايام فوازير جدو عبدة
ولحد دلوقتى لو مسلسل ارابيسك اتعاد ميت مرة على التلفزيون لازم اشوفة واسمع التتر بتاعة

ايوة عندى حنين للماضى علشان كان احلى من دلوقتى وجيل دلوقتى بتاع اوكا وارتيجا والسبكى فيلم ربنا ينتقم منة ومن امثالة

المشاركة الأصلية كتبت بواسطة بحار

انا عاوز ارجع فعلا للزمن ده .. بس مش علشان أسمع التترات ..
علشان أغير كتير من القررات خدتها ..... وندمت عليها

اه والله

المشاركة الأصلية كتبت بواسطة monamize4

يافندم الحنين للماضى دا نوع من الهروب من الواقع
الحقيقة ان الماضى كان فيه حاجات كتيييير مؤلمه و ياما اتبهدلنا فيه

احنا دلوقتى ف الماضى بتاع بكره و رغم ان الناس بقت بتسخط على الايام اللى احنا فيها دى
الا ان كمان 10-15 سنه نفس الناس دول هيحكوا لولادهم على وقتنا دا ان كان ذكريات جميلة
و ايام بركة و الحاجة كانت رخيصة و كان فى امان ف البلد و و و

بلاش نعيش ف كل مرحلة على زكريات المرحلة اللى قبلها
الاحسن اننا نتبسط بكل وقت بنعيشة

جامده قوى الجمله دى

تصليح بس فى تتر الوسية
"فيها اللى تاه فى دجاه ..واللى ضميره هداه"

المشاركة الأصلية كتبت بواسطة monamize4

يافندم الحنين للماضى دا نوع من الهروب من الواقع
الحقيقة ان الماضى كان فيه حاجات كتيييير مؤلمه و ياما اتبهدلنا فيه

احنا دلوقتى ف الماضى بتاع بكره و رغم ان الناس بقت بتسخط على الايام اللى احنا فيها دى
الا ان كمان 10-15 سنه نفس الناس دول هيحكوا لولادهم على وقتنا دا ان كان ذكريات جميلة
و ايام بركة و الحاجة كانت رخيصة و كان فى امان ف البلد و و و

بلاش نعيش ف كل مرحلة على زكريات المرحلة اللى قبلها
الاحسن اننا نتبسط بكل وقت بنعيشة

فعلا هو هروب من الواقع. و انا قلت الثمانينات.ايام الطفولة و المدرسة مش التسعينات يعني مش اي ماضي و خلاص.كان كل حاجه لها معني . كان الواحد بيفرح باي حاجة رغم قلة الاختيارات و لا دش ولا موبيل و لا تاب لكن يمكن عشان كدة كل حاجة كان لها قيمة و كنا سعداء بجد و سبحان الله مش فاكرة الحاجات المؤلمة.لكن دلوقتي كل حاجة فاقدة معناها لان دايما فيه الاحدث لكن عن نفسي الاحدث دي متهمنيش. اي موبايل و خلاص .مش دي مشكلتي.كمان اللي البلد فيه و الناس اللي اتغيرت كتير و الهيبة اللي ضاعت.مفيش حاجة تفرح و زاد كمان حكاية الكهرباء و القحط اللي منتظرنا.مش عارفة اشوف حاجة حلوة زي زمان.الحمد لله فيه نعم كتير لكن الاحساس مش زي زمان.حاجات تانية بتعكر المزاج و كلنا عايشين فيها