شموخ وروعه الكلمات
عيش يا ابن ادم بكر زي الشجر
موت و انت واقف زيه فمطرحك
و لا تنحني لمخلوق بشر او حجر
و شب فوق مهما الزمان جرحك
رقم العضوية : 91
تاريخ التسجيل : 23Apr2007
المشاركات : 584
النوع : ذكر
الاقامة : الرياض
السيارة: نيسان
السيارة[2]: كورولا
دراجة بخارية: لا
الحالة :
الغربة ممكن تخليك تعمل حاجات عجيبة ومجنونه
امبارح سهران طول الليل بسمع فقط تترات المسلسلات فتره التسعينات وغيرها
الصراحة كان نفسى اقول للزمن ارجع او اوقف يازمان عند اللحظة دي
كلمات الاغانى والالحان ليها طعم تانى غير الاغانى العاديه
================================================== =======
المال والبنون
المقدمه
قالو زمان دنيا دنيه غروره
وقلنا واللى تغره يختار مصيره
قالو الشيطان قادر وله ألف صوره
قلنا ما يقدر على الخيره لغيره
إيه معنى دنيتنا وغاية حياتنا
إذا بعنا فطرتنا البريئه الرقيقه
وأزى نبص لروحنا جوه مرياتنا
أذا إحنا عشنا هاربنين من الحقيقه
ومين نكون إن بعنا يومنا وماضينا
وليه نعيش اذا مكانش بكره يرضينا
وإزى ننام من غير ما نحلم ببكره
وبكره ده إزى هيجى إذا كانش بأيدينا
النهايه
بحلم وأفتح عنيه على جنه للإنسانيه
والناس سوا بيعشوها بطيبه وبصفو نيه
أحلامى تصلبلى ضهرى ويروق ويصفالى دهرى
ويلاقى زهرى لكل ناسى وليا
يا دنيا مهما تغرى غيرى مسيرك تمرى
وبعد مرى تسرى نفسى العفيفه الابيه
لاالمال ينور طريقى ولا البنون بلو ريقى
عملى فى حياتى رفيقى فى وقفتى الاخرانيه
بحلم وأفتح عنيه على جنه للإنسانيه والناس سوا بيعشوها بطيبه وبصفو نيه
================================================== ======الشهد و الدموع
المقدمة
تحت نفس الشمس
وفوق نفس التراب
كلنا بنجري ورا نفس السراب
كلنا من ام واحده اب واحد دم واحد
بس حاسين باغتراب
بس حاسين باغتراب
بين حنان الحب هل الغل جانا
من مراره الغل جلجل صوت رجانا
نبكي من الغل اللي بيعكر حياتنا
و لا بالحب اللي هدهدنا و شجانا
يازمان الغربه ليلك بيحاصرنا
و في ضلامه المر طاوينا و عاصرنا
بس طول ماالحب بيرفرف علينا
الجدور حنمدها و نصنع مصيرنا
كلنا من ام واحده اب واحد دم واحد
بس حاسين باغتراب
النهاية
نفس الشموس بتبوس علي روسنا
نفس التراب يحضن خطاوينا
طب لي بنجري و نهري في نفوسنا
و ليه نعيش ناكل في بعضينا
ادي الحقوق و ادي اللي طالبنها
و الحق تاه في الباطل البطال
و قلوبنا تاهت عن محبينها
و نجومنا عاليه ماتنطال!
نفس الشموس بتبوس على روسنا...================================================== =======ابو العلا البشري
مقدمة
متمنعوش الصادقين عن صدقهم
ولا تحرموش العاشقين من عشقهم
كل اللي عايشين من بشر من حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم
الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا
متمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم
النهاية
لو مش هتحلم معايا
مضطر احلم بنفسى
لكنّى فى الحلم حتى
عمرى ما هأحلم لنفسى
لو كنت راح افتش
عن منصب ولا جاه
واصاحب الحذر
ده انا ابقى مستحقش حلاوة الحياة
و ضحكة البشر
يا صحبى يا صديقى
ياللى طريقك طريقى
ده انا يوم ما اعيش لنفسى
ده يوم موتى الحقيقى================================================== =======سوق العصر
مقدمة
ليه يا سنين تكسرى الحلم فينا
ليه فرحنا بيموت فلحظة حزينة
تاه الطريق و الا احنا اللى ارتضينا
نضيع الحلم اللى كان بين ادينا
يا سنين طويلة وغميقة
قوليلنا فين الحقيقة
ياسنين لو انتى بريئة
ليه من جراحك قاسينا
مدينا للحلم ايدنا
لكن زمانا عاندنا
كان ليه بقى بيوعدنا
ويقرب الحلم لينا
كسرنا احلامنا احنا
والا زمانا جرحنا
واما بقينا فمحنة
الدمع سال من عنينا
انتى السبب يا سنينا
بعدتى احلامنا عنا
والا السبب اصله منا
و اترد تانى لينا
النهاية
والا الزمن منا والا احنا اللى فرطنا فيه
والحب ليه دار والا بين الشقايق وليه
لما قاسينا نسينا
واما نسينا اتنسينا
واما اتنسينا ابتدينا
نشكى ونبكى لحالنا
ودمعنا بنداريه
يا ايام يا قاسيه ارحمينا
دا حبنا كان مالينا
كان حلمنا بين ادينا
ضاع مننا فغفلة منا
ورجعنا نبكى عليه================================================== =======الوسيةالمقدمة
مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد
جاينا الحياه زي النبات أبرياء
لا رضعنا كذب و لا أتفطمنا برياء
طب ليه رمانا السيف على الزيف
و كيف نواجهه غير بالصدق و الكبرياء
مين اللي قال الدنيا دي وسية
عيش يا ابن ادم بكر زي الشجر
موت و انت واقف زيه فمطرحك
و لا تنحني لمخلوق بشر او حجر
و شب فوق مهما الزمان جرحك
مين اللي قال الدنيا دي وسيه
النهايه:
و تستمر الحياة بين ابتسامه و آه
فيها اللي جهله هداه و اللي ضميره هداه
و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه
و تستمر الحال بين ابتسامه و آه
لملم جروحك يا حزين و أمشي
خطوه كمان و تخف الآمك
و أحلم بعين صاحيه و لا تنامشي
غير لما تقطف زهر أحلامك================================================== =======ارابيسك
مقدمة
وينفلت من بين ادينا الزمان
كانه سحبة قوس فاوتار كمان
وتنفلت الايام وعود كهرمان
يتفرفط النور و الحنان و الامان
وينفلت من بين ادينا
الشر شرق و غرب داخل فحوشنا
حوشوا لا ريح شاردة تقشقش عشوشنا
حوشوا شرارة تطيش
تشقق عروشنا
وتغشنا المرايات تشوش وشوشنا
وتهيل تراب ع الهالة و الهيلمان
الغش طرطش رش ع الوش بويه
مدرتش مين بلياتشو او مين رزين
شاب الزمان وشقيت مش شكل ابويا
شاهت وشوشنا تهنا بين شين و زين
و لسه ياما و ياما هنشوف كمان
وينفلت من بين ادينا الزمان
نهاية
ويرفرف العمر الجميل الحنون
ويفر و يفرفر فرفة قانون
وندور نلف ما بين حقيقة وظنون
وبين قسى هفهاف
وهفة جنون
دنياك سكك حافظ على مسلكك
وامسك فنفسك لا العلل تمسكك
وتقع فخيه تملكك تهلكك
اهلك يا تهلك
دنتا بالناس تكون
ويرفرف العمر الجميل الحنون
ان درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون================================================== =======
ذئاب الجبل
قالوا علينا ديابه
واحنا يا ناس غلابة
يا مغنواتى غنى
حكايتنا ع الربابه
دا لكل ديب حكاية
فيها عبرة وايه
لا تشوفها ف القرايه
ولا عرفتها الكتابه
هما اللى بيظلمونا
وهما اللى بيتهمونا
وقال يخافوا منا
وهما اللى خوفونا
شبعان من الاسيه
الدم يبقى ميه
ضاق الجبل عليا
انا ديب والا ضحية
ما ترد عليا يابا
هما اللى عذبونى
وهما اللى شردونى
وكل ما الاقى روحى
عن روحى يغربونى
انا ف الغربة ساكن
و الجرح فقلبى ماكن
ضاقت بيا الاماكن
حقى ضايع
ولكن بكره يرجعلى يابا
ولكل ديب حكاية ليها عبرة وايه
النهاية
وخاصمنى يا زمانى
وارجع صالحنى تانى
نسينى اللى جرالى
ف العمر الاولانى
وخاصمنى يا زمانى
وارجع
صالحنى تانى
يا زمان حنون و غادر
انا مين متشوفنى تانى
الواد ابو ضحكة تطلع
م القلب الاخضرانى
واللى زارع فصوته
فدان ورد واغانى
مالى دبلت ورودى
وكاس همك سقانى
وانت مزمزم قيودى
وكرباجك كوانى
وخاصمنى يا زمانى
وارجع صالحنى تانى================================================== =======ليالى الحلمية
تتر المقدمة
ومنين بيجيالشجن
من اختلاف الزمن
ومنين بيجي الهوى
من اختلاف الهوى
ومنين بيجي السواد
من الطمع والعناد
ومنين بيجي الرضا
من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
منين بيجي الشجن من
اختلاف الزمن
ومنين بيجي الهوى من
اختلاف الهوى
ومنين بيجي السواد من
الطمع والعناد
ومنين بيجي الرضا من
الايمان بالقضا
ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين
ما تسرسبيش يا سنيننا من بين ايدينا
ولا تنتهيش ده احنا يا دوبابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين================================================== =======
سارة
المقدمة
كان ياما كان
كان فيه عصفور
قلبه صغير
ريشه قصير
حلمه يرفرف بره السور
كان إنسان من طين ، من نور
كان بيدور ع اللى يخضر
قلب الناس القاسى البور
كان ياما كان قلب الحدوتة رق و حن
على البنوتة فى زمن اتجن
زمن الناس فى قلوبها وحوش
زمن الغاب و الناب و وشوش
تحزن غش و تضحك زور
كان ياما كان أحلام بضفاير قلب و بس
ذنبها إيه لو قلبها طاير حب و حس
بنوتة فى حدوتة تنام
و بتجرى وراها الأيام
هى و كل بنات الحور
النهاية
و بنحبك يا دنيا بجد
و مهما تعملى فينا
بنصحى بشوق يفوق الحدّ
و نحضن بكره بإيدينا
و آه من بكره و عمايله
و آه م اللى الزمن شايله
و آه من حلم عالى لفوق
و لسه الكف مش طايله
يا دنيا دبت أنا فيكى
و توهتينى فى عنيكى
أموت لو عشت من غيرى
و أعيش لما أموت فيكى
يا ارض الخوف يا لامانا
أمانة تسيبى جوانا
براءة طفل كان عايز
يشوف الصبح و يانا
و جنب الشوك يعيش الورد
يرجع قلبنا لينا
و بعد التوهة جزر و مد
نلاقى نفسنا لينا
رقم العضوية : 91
تاريخ التسجيل : 23Apr2007
المشاركات : 584
النوع : ذكر
الاقامة : الرياض
السيارة: نيسان
السيارة[2]: كورولا
دراجة بخارية: لا
الحالة :
شموخ وروعه الكلمات
عيش يا ابن ادم بكر زي الشجر
موت و انت واقف زيه فمطرحك
و لا تنحني لمخلوق بشر او حجر
و شب فوق مهما الزمان جرحك
رقم العضوية : 157068
تاريخ التسجيل : 08Mar2014
المشاركات : 442
النوع : ذكر
الاقامة : المحلة الكبرى
السيارة: لايوجد
السيارة[2]: لايوجد
الحالة :
انا عاوز ارجع فعلا للزمن ده .. بس مش علشان أسمع التترات ..
علشان أغير كتير من القررات خدتها ..... وندمت عليها
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
لو بتسمع التترات دى عشان تسلى نفسك ,, It's OK
لكن لو بتتكلم عن ال Nostalgia ,, فالصراحة انا مش مؤيد للفكرة دى
لانى مؤمن بشدة بمقولة ((نحن نحب الماضى لانه ذهب و لو عاد لكرهناه))
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 146733
تاريخ التسجيل : 30Jul2013
المشاركات : 248
النوع : ذكر
الاقامة : nowhere
السيارة: لا يوجد
السيارة[2]: لا يوجد
الحالة :
الغربة بتخلى الواحد على حافه الجنان
رقم العضوية : 18212
تاريخ التسجيل : 07Sep2008
المشاركات : 503
النوع : انثى
الاقامة : Cairo
السيارة: Lugy is enough
السيارة[2]: Renault Logan 2010/FO
دراجة بخارية: none
الحالة :
Nostalgia. فكرة الرجوع للماضي مسيطرة تماما علي . كان البال مرتاح بدون مسئوليات و الدنيا كانت احلي كتير. بس انا بفكر في الثمانينات.
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ [14:42]
رقم العضوية : 89201
تاريخ التسجيل : 21Feb2011
المشاركات : 1,850
النوع : ذكر
الاقامة : القاهره
السيارة: لما اجيب الاولانيه
السيارة[2]: معنديش
دراجة بخارية: مفيش
الحالة :
انا بردو بحب اعمال التمانينات والتسعينات مع اني اصلا مواليد التسعينات
بس بالنسبالي ده زمن ماعشتوش مش ماضي
انا مصمم علي بلوغ الهدف ...اما ان انجح واما ان انجح
رقم العضوية : 50256
تاريخ التسجيل : 18Oct2009
المشاركات : 1,697
النوع : ذكر
الاقامة : .
السيارة: .
السيارة[2]: .
دراجة بخارية: .
الحالة :
ليالي الحلميه بعشق التتر بتاعها
تصدق بالله انا ٢٥ سنه بس نفسي ارجع للايام دي تاني :(
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الحاجاة دي ميزتها انها بتفكر الانسان بحاجات قديمة
كان فيها طبعا حاجات كويسة كتيرة
بس ده طبع الحياة
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
يافندم الحنين للماضى دا نوع من الهروب من الواقع
الحقيقة ان الماضى كان فيه حاجات كتيييير مؤلمه و ياما اتبهدلنا فيه
احنا دلوقتى ف الماضى بتاع بكره و رغم ان الناس بقت بتسخط على الايام اللى احنا فيها دى
الا ان كمان 10-15 سنه نفس الناس دول هيحكوا لولادهم على وقتنا دا ان كان ذكريات جميلة
و ايام بركة و الحاجة كانت رخيصة و كان فى امان ف البلد و و و
بلاش نعيش ف كل مرحلة على زكريات المرحلة اللى قبلها
الاحسن اننا نتبسط بكل وقت بنعيشة
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
المفضلات