متابع...
وشكرا للجميع
عرض للطباعة
متابع...
وشكرا للجميع
ياجماعه احب اقلكم حاجه مهمه كل عربيه وليها مشاكل مافيش عربيه مافيهاش مشاكل
انا كان معايا بريليانس frv 1300 من 2009 وقعدت معايا سنه ونص وعملت بيها 129 الف كيلو كانت عربيه فوق الممتازة والي غيرته فيها علبه الدركسيون في الضمان عشان كان في زنه وطقه ودا كان عيب اول اما نزلت ال frv واتحلت في التوكيل اياميها
وكانت اقتصاديه جدا في البنزين وعربيه محترمه جدا
وبعد كده جبت ال frv 1600 وكانت عربيه رائعه جدا قعدت معايا سنتين وكانت عربيه اعتماديه جدا وانا عندى مراتي عندها كنثر (ربنا يشفيها) فاكنت ممكن فاجأه تتعب واروح بيها المستشفي وانا ساكن عند الحرفيين والمستشفي عند دار الفؤاد وكنت بجري بيها علي الدائري 190 والعربيه غرز وشد فوق الممتازة وثبات رائع وماقابلنيش فيها الحمد لله مشاكل عامه كلها حاجات عاديه
وغيرت وجبت كيا سيراتو كوبيه(غلطه عمرى)
يعني الي ركب عفشه الماني مايعرفش يركب كورى ابدااااااا مع فائق احترامي لملاكها
بس الثبات البريليانس تتفوق مليون مره والبنزين الكيا غول بنزين
لكن هيا السيراتو بيدلعك من جوا كماليات مش اكتر لكن ثبات انسي انا مش عارف اجيب بيها اكتر من 160 وطبعا كأنك في فيلم رعب
مع العلم انك في البريليانس كنت 190 وتحس انك ماشي علي 100
فانا نفسي بجد اركب عفشه الماني تاني
اقلكم علي بعض المشاكل العامه الي في الكيا سيراتو وانا معايا 2011
(العفشه لازم تعمل زراجين كل شهر او اتنين بسبب ان العفشه ضعيفه علي بلدنا
ثلنيا شريط الايرباج بيبوظ بسرعه
ثالثا زرار النور بيبوظ فيه زرار الفوج كل فتره
زاويه ميل العجل زفت يعني لو بتلف وترجع في شارع ضيق انسي هتلف مليون مره
في المطبات ماقلقش لو اخدت مطب وانتا مش واخد بالك هتحس ان العربيه اتدغدغت
الصاج داه حاجه زى الفل وانا بنضف العربية بالفوطه ممكن نص الكبوت تلاقيه نزل معاك عادي جدا واكصدامات ورق بمعني الكلمه مع العلم كان معايا ال frv لو جدع نزل نص الاكصدام
وحاجه كمان ال abs في الكيا بحس انه هجص لا يعتمد عليه نهائي ولازم تمسك الدركسيون انا عفشتي ال 17 بوصه كيا
اخر كلامي احب اوضح معلومتين
اي عربيه في النيا ليها مشاكل ودا متوقف علي محافظتك ليها
وانك حاول اركب عفشه الماني ممتازة
احب اقول بس ان الي خلاني اتخنق بجد موضوع التوكيل البفاريه الي سابت البريليانس حاجه تقرف وسابوا التوكيل المبتدأ بتاع قباء دا انا اتعاملت معاهم مره وحرمت لانهم مش خبره فين ايام البشمهندس وائل وسالم واحمد عسل وهشام كانت ناس فاهمه ومحترمه جداااا وبتسمع وفاهمينك كويس وكان في مديره خدمه مابعد البيع شرين لو اشتكيت لاي حاجه هيا وبشمهندس جون كانوا متعاونين جدا لو محدش عرف يحللك حاجه
لكن فرع قباء نروح ونتخانق عشان اهمال
تخيلوا اروح اعمل سمكره تجاريح مش خبطات
بابين وتغيير مرايه ودهان اكصدام قعدت 25 يوم وطلعولي سماعات الباب مش شغاله والمرايه اتجاهاتها بايظه وحاجه قرف
استاذ Father Fam بوابه الريسايكل طبيعى انها تعمل كده علشان تجدد الهوا اللى جوه العربيه اما مشكله الكمبرسور فى بريليانس عموماً هى تلف البلوف الداخليه للكباس لانها بلاستيك ومن الطيعى ان المحرك عدد لفاته تزيد من 750 ل 850 علشان الحمل الزياده على المحرك
السلام عليكمو
انا قلقت من الحاجات المكتوبه ف الموضوع بالذات اني لاحظت ان اسعار قطع الغيار غاليه .. فارجو التوضيح .. انا ناوي على frv زيرو .. فهل الجديده فيها عيوب برضه ؟.. وتحديدا الموتور الصيني ال 1500 ايه مشاكله .. حراره ولا سحب وتجميع ولا ايه .. واخيرا رايكم ايه هيا ولا اللوجان الجديده ؟فإنتظار الرد وشكرا لكم .
هو البفاريه مابقتش وكيل بريليانس ؟ اومال مين الوكيل حاليا ؟
؟؟؟؟؟؟؟؟؟؟؟؟؟؟؟؟
ايه الصحرا دي !!!!
السلام عليكم
ارجو من حضراتكم اعطاء الراي بخصوص شراء سيارة v5 انا قدامي سيارة عاملة 22000 كم موديل 2013 مانيوال مطلوب فيها تقريبا 105 الف فهل العربية كويسة و ايه اخبار قطع الغيار الخاصة به و ايه المشاكل بتاعتها. ولاصحاب الخبرة هل السعر مناسب.جزاكم الله خيرا
أستاذ bugatti.beah , اعضاء الصفحة المحترمين
بعد التحية,
أنا بفكر حاليا اتوكل على الله وأحجز الهاي لاين بس محتاج بعض المعلومات لأخذ القرار
ممكن أعرف العيو ب اللي في العربية عشان اقيمها طبقا لاستخدامي
انا بسافر كتير تقريبا مرتين في الأسبوع حوالي 300 كيلو في الاتجاه الواحد و قلقان من الاعتمادية شوية
ثانيا ايه أخبار استهلاك البنزين أنا حاسس انه ممكن يكون كبير لأن العربية ماشاء الله تقيله و ممكن تكون سبب في استهلاك عالي للوقود
ثالثا أخبار توافر و أسعار قطع الغيار ايه ... لسة شايف أحد الردود بيشتكي من التوكيل و انه اتغير!! ده كلام خطير ممكن يخليني اصرف نظر عن العربية
أفيدوني أرجوكم