الموضوع: أرجو الافادة -رعشة طارة النوبيرا في الفرامل

بعد السلام عليكم ورحمه الله وبركاته
عندي مشكلة في النوبيرا 2
لما كنت بدوس فرامل كنت بلاقي الدركسيون بيترجرج في ايدي وبدال الفرامل بيرعش على الخفيف
كل الناس قالوا غير الطانابير - وفعلاً غيرت الكاوتش لأنه كان ميعاده وغيرت طنابير وتيل أمامي وخلفي بالمرة عشان تبقى صيانة شاملة
لكن العيب مش اختفى حتى الأن - وبيظهر اكتر لما بأكون مشغل التكييف واكون ماشي على 100 أو 90
وأدوس فرامل - لما مؤشر السرعة يوصل لل 70 تبدا رعشة الدواسة ورجه الطارة وتزيد اوي وانا على ال 60 وتقل لما اوصل لل 50 وبعد كده تختفي
ممكن العيب يكون ايه عشان في ناس بتفتي بطريقة ممكن تخليني اغير العفشة كلها
هل ممكن يكون في حاجة في الجنوط اللي هي عادية مش اسبور
ولا ممكن يكون ترصيص زي ما قالي واحد
ولا ايه - انا بدأت أقلق وانا ماشي بيها

يا باشا المشكلة ديه حصلت معايا و انا هقولك الكلام اللي قالو لي التوكيل،، المشكلة حصلت معايا لما غيرت تيل العربية الاصلي بتيل مش اصلي (كان المفروض انه بتاع تويوتا كورولا) بس اكيد مكانتش العلبة مكتوب عليها تويوتا.. تغير التيل بتيل مش اصلي بيخلي الطنابير تتعرج، و التعريجات ديه هيا اللي بتخلي العربية تتهز جامد، نصيحة غير الطنابير امامي و هات تيل "اصلي" مش التيل اللي يقولك الناس عليه ده زي الاصلي و بتاع... و ياريت محدش يغلط غلطتي و يسيبه عادي عشان بسبب تيل مضروب كنت هعمل حادثة فظيعة، كتر الرعشة ديه هتبوظ ماستر الفرامل و هتلاقي بدال الفرامل لامس الارض زيه زي الدبرياج و مش هيفرمل... و ربنا يسترها على الجميع