المشاركة الأصلية كتبت بواسطة طارق _عبد السلام
بعدها فضت صاحى للصبح وفرد الخدمه جالى وقعد يعتذر واخر مره لانه كان هيتأذى جامد بسبب السيجاره وانا قلتله خلاص عادى ومتتكررش وانا اعيد عليه تانى اقول له يابنى انت مسمعتنيش وانا بقرأ قرآ انا قعدت حوال عشر دقايق مخنوق يحلف لى ان العمليه مخدتش لحظات هو طلع سيجاره ويادوب بمجرد ماولعها لقانى بقوله له كابوس وبنهج ومش عارف اخد نفسى ..... وده للنهارده مش لاقى له تفسير.. طبعا بعدها رحت مكتب الافراد وقلتلهم مش هطلع حكمدار ذخيره تاااااااااااااااااااااانى اى خدمات تانيه ماش لكن ذخيره على جثتى هههههههه
.. المهم بعدها بفتره بسيطه جدا طلعنا تفتيش حرب وسيبنا الكتيبه وبقى فيها المؤخره بس وبقت فاضيه
المهم فى يوم الساعه 10 بالليل لقيت عربيه جيب جايه وبيقول لى رئيس العمليات عايزك فى الكتيبه ضروى
وحالا قلتلهم خير قالوا شغل عمليات... طبعا انا للاسف خطى كويس جدا بيقولوا خطاط وبعرف ارسم كويس جدا .. وده كان سبب تعبى فى الجيش .... رحت للقائد لقيته محضر لى شويه لوحات .. ووسائل.. وقالى اكتب ايه وارسم ايه.. وشدد انهم يخلصوا بسرعه علشان التفتيش... وقال للعسكرى المراسله بتاعه كل طلباته لحد مايخلص وبعد مايخلص سيبه يمشى ههههههههه يعنى تحت الاقامه الجبريه.... طبعا انا مرهق جدا طول اليوم وكمان شغل طول الليل قلت اخلصهم بسرعه وباى طريقه علشان الحق انام.. خلصت على الساعه اربعه الفجر .. وكنت هموت وانام .. طبعا وانت خارج من الميدان لازم يكون معاك سونكى فى جنبك(خنجر السلاح الالى) كتسليح شخصى لاننا كنا فى وسط صحراء والعرب حوالينا...
المهم رحت للافراد الخدمه بتوع السلاحليك قولتلهم عايز انام جنبكم .. وعايز بطاطين .. طبعا ممنوع .. رحت لبتوع البوابه... ممنوع .. يخرب بيوتكم عايز انام والجو برد ... مفيش قدامى غير الملجأ بتاع السريه بتاعتى ... دخلت الملجأ السراير كلها معلهاش ولا مرتبه ولا بطانيه .. السوست فقط لاغير... المهم هنام على روحى .. الملجأ مظلم جدا ومفيش غيرى... لاحظوا الملجأ له باب فقط لاغير يعنى ولا شباك ولا اى منفذ تانى.... دخلت وقمت رامى نفسى على السرير الحديد اقصد السوست ههههههه وعينى غفلت.... حسيت بحركه فى الملجأ مع كم خبطه قلت ايه الاشتغالات دى .. فكرت وقلت احتمال حد من العرب داخل يقلب عسكرى فى سلاحه وانا قرعته الصوت سكت قلت لا نام عادى ... وفجأه صوت قطه ... تااااااااااااااااااانى وفى عز الظلام لقيت زى لمبتين صغيرن ينوروا وينطفوا ههههههههه هى ام العين دى شفتها قبل كده .. كل ده انا متسمر ونايم على جنبى .. وفجأه بوووووووووووكس فى صدرى معرفش جالى منين..اقسم بالله كنت نايم على جنبى لقيت نفسى واااااااااقف على السرير وعمال اتهز وازعق مين مين انا فى بالى ان بردوا واحد اعرابى جاى يسرق حته سلاح.. مين مين والدنيا ضلمه طلعت السونكى من جنبى وقعدت الف ايدى يمين وشمال واضرب فى الاركان والزوايا فى الملجأ ورجلى اتبهدلت لانى عمال اخبط فى السراير لحد مافتحت باب الملجأ ... ولو كانوا جابولى شوماخر بعربيته الفيرارى وقتها مكنش قدر يحصلنى والغريب جدا ان الضربه كانت مؤلمه لايام ولم يكن لها اى اثر ولكن اثار تصادم رجلى بالسراير لحد النهارده فى رجلى ومع الالم الشديد اكتشفت انى كان ممكن اخد فى بطوله العالم فى الجرى مسافات طويله
ههههههههههههههههه حرام رجعتونى 25 سنه لورا انا عمال اضحك وانا بكتب ... كانت ايا سووووووووووده هههههههههههه