Exorcism
عرض للطباعة
كلامى واضح جدا وغير غامض وده كان رد وايضاح
لماسردته انت عن نفسك واسلوبك فى المعالجة وتطبيقك العملى
وردك لبعض الاعضاء
مع محاولة بث الشك والرهبة فى نفوسهم وقلوبهم لجلب الزبائن
عموما الخصه فى الاتى ؛-
طبعا ردك ده اعتراف صريح بالدجل واستخدام كتب الدجل والشعوذة
مع (هروب من مواجهة الحقيقة ) على اشياء غامضة واسلوب للمعالجة انت طرحته و نسبته لنفسك وانكرته على من يقوم بالمعالجة( فقط بالقران الكريم) رغم انهم حملة وحافظين لكتاب الله وان فعلهم هذا( كلام اهبل ) ولا فائدة منه-وبكده يبقى كلامك متناقض مع شرط التقرب لله كما تدعى
وان هناك (حاجات تانية) تستخدمها فى المعالجة اخرى( تخاف) من طرحها
لانك( سوف تواجه انتقادات كتيرة ) من الاعضاء عند عرضها انت فى غنى عنها
1 - ماهى هذه الحاجات التانية ؟
ولم تذكر لنا ايضا
2 - ماهى الكتب وعلى يد من من العلماء التى درست و تعلمت منهاالمعالجة (بغير) القران الكريم والسنة النبوية المطهرة ؟
ياريت تجاوب على الاسئلة لو سمحت والكلام واضح حتى يمكن التثبت من المنهج والمسلك
والذين يؤذون المؤمنين والمؤمنات بغير ما اكتسبوا فقد احتملوا بهتانا وَاثما مبينا{الأحزاب:58}.
صدق الله العظيم
هههههههه . كنت عايز اسأل السؤال ده . بس قلت يا واد اسكت .
هو صحيح ما بيركبوش الا احنا ليه ؟؟؟ و ﻻ سمعت انه فيه واحد انجليزى و ﻻ المانى و ﻻ حتى الايطاليين المروشين ركبه عفريت و ماشى بيتنطط و يتهرش هههههه و لو اتركبوا هايعلجوهم بايه ؟؟؟؟ هههه
يا جماعه ما ينفعش الكلام ده خالص . ما عفريت الا بنى ادم .
لا يضر و ﻻ يشفى الا الله
قال صلى الله عليه و سلم
" يَا غُلاَمُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلاَمُ وَجَفَّتْ الصُّحُفُ"
حيث ان الموضوع اتطور جامد كده بقا انا الصراحه سمعت كتير عن الحاجات دي بس الحمدلله مشفتش حاجه بعيني يعني مثلا قبل كده حد من العيلة دخل اوضتي و انا مكنتش موجود في البيت , المهم دخل الاوضه على اساس يقعد فيها يعني , فراح خارج تاني و راح قال لوالدي انو لقاني نايم عالسرير فمحبش يقلقني ! المهم والدي اكدله اني مش في البيت و فتحله الاوضه تاني و كله تمام و مفيش حد و قعد فيها عادي ,,
.
بس ما علينا من الحكاوي عشان مفيش اكتر منها ,,,, خلينا في المهم احنا لقينا حاجه غريبة على سطح بيتنا و مقدرتش الاقيلها تفسير الصراحه
اخويا بالصدفة طلع عالسطح لقى حاجات مقطعه بحروق كده في الارض شكلها غريب المهم السطح نضيف يعني فمسكهم من الارض كانو في اماكن متفرقه لقاه جلد محروق , معرفش جلد ايه طبعا هو لونو بني كده كل قطعه مكتوب عليها كلمة بلون احمر المهم مكنوش نضاف و كانت ريحتهم حلوة يعني تشمهم تحس ان ريحتهم بخور و محروقين من الاجناب كده بس الكلمة الي مكتوبة مش محروقه المهم لمهم من عالسطح و جابهم و نزل و دخل غسلهم تحت الحنفيه على اساس يقرا المكتوب عليهم و هو بيغسلم بقت المية تنزل من عليهم حمرا و فعلا لقا الكلام هيتمسح فنشفهم كده و جابهملي علشان نقرا الكلام لقينا كل حتة منهم مكتوب عليها اسم ,, كنت اول مرة اقرا الاسماء دي و قريت عنهم عالنت بس برده مفهمتش ليه مكتوبين بالشكل ده و مرميين عندنا يعني !
الاسماء الي كانت مكتوبة بئا هي : سمسائيل - جبرائيل - ميكائيل و الباقي كان ممسوح شوية , كل اسم من دول لوحده على قطعة جلد مواصفاتها انها محروقة شوية و الكتابة بالاحمر و ريحتها بخو لدرجة ان ايدينا بقت ريحتها بخور من مجرد مسكتهم ,, الي عنده تفسير يا ريت يوضحلي ده ايه !
و يقولولك برده متكنسش بالليل !
كان عندنا جيران في بيتنا القديم كل شوية يعملو جلسة ذكر و حجات زي الزار و كده و ناس تقرأ قرآن و لما سألناهم عن السبب قالو موضوع شبه الموضوع الي انت قلته كده , بس دول بقا ايه بنتهم كانت بتكنس بالمأشة , و برده حصلها حجات غريبة و لما يقروا عليها ( بناء على كلام والدتها ) بيرد عيلهم راجل ! جن بيقول انها موتت ابنه و هي بتكنس بالمأشة !!!
ده اللى هو مين ياباشا ده اولا
ثانيا بلاش انا اتكلم خالص فى مووضع الرؤية بس ممكن تفسرلى قصص الاعضاء اللى شافت جن شافوهم ازاى وانت جاى تكلمنى فى الايه
يعنى ازاى الايه تقول كده وفى ناس بتشوف الجن حتى لو ناس عادية زى القصص اللى اتحكت جاوب على نفسك انت بقى
وانا مش بفتى انا عايزك بقى تلف على ل واحد فى المنتدى قال شاف جن قوله الايه دى ماشى يا حبى