تجربتي مع فحص باسات 2000 b5 عند م/هاني خلف حديقة بدر

**mohamedalymahe** · 10-09-2014 01:29 PM

تجربتي مع فحص باسات 2000 b5 عند م/هاني خلف حديقة بدر
وجدت سيارة رشة نضافة لا تحتاج مصاريف عاملة 120000 كم ب 73000 جنية علي النت
ذهبت لفحص السيارة عند مكانيكي قريب من بيت صاحبها اسمة سعيد (تنك اوي) بعد كبري التجنيد و كشفة معجبنيش.قلبني في 5 دقائق و قلي العربية عاملة حادثة في الباب اللمين و متاخدهاش و اخد 50 جنية و شكلو ولا كان طايقني انا ولا صاحب العربية.فوافق صاحب السيارة علي الذهاب للكشف عند واحد ابعد الي كنت مصمم علية من الاول و هو م/هاني و هو كان رافض.
عند المهندس هاني تم رفع السيارة ز تنضفها من الاسفل بسبراي منظف لكشف اي لحام، تسريب او خبطة و فوجئنا بالاتي....
كرتيرة الزيت ملحومة من عند الطبة و ده اخر مكان ينفع تتلحم فية
كل جلب المقصات بيظة
في مساعد مش اصلي ورا و الادام اتغياروا لكن بعد ما باظوا فبوظوا العفشة...يجب لمس جسم السيارة من تحت غطاء الكبوت فوق المساعد. لو وجدت ارتفاع في صاج العربية ( بقليلة) يكون المساعد باظ ابل كدة و ضعف فمكان المطبات بيسمع في جسم السارة و كمان شال الكوتش الي جنب البطاحات بتاعت المساعد الي تمنع دخول المياة من الكبوت وجدنا فلق في اللحام من عيوب المساعد الي مغياروش
وجد عجلة ملوحة عن الاخري امامي بالنظر و التدقيق واضحة فادي شمعدان كمان و دة غالي
وجد اثار صدا من مشكلة صابقة و حلت من المياة لكن الصدا رهيب
هو كان مغير زيت بور فالجوان الجديد بيليك كمان في خرطوم بور عايز يتكبس علشان بيليك بردو
كوتش الكبلن بايظ
طلمبة البور مش بتعتها. بتعتها 105 بار و الي ركبا بتاعت جلف 95 بار فا فرقة في البور
اخدنا لفة لقينا الكبالن بطقطق في الملفات و
نتشة في الفتيس
تكيف ضعيف علشان متعدل....حوار تاني
كشفنا كمبيوتر لقينا
سنسور العادم بايظ فصاحبها قال كل ما اغيرة يبوظ و هاني قلة علشان مش اصلي
سنسور الحرارة بايظ مع انة شغال قدامي فهاني قلي فيها اثنين غير بعض و الواد لاعب فيها
الاير باجس الاثنين مش شغالين مع ام مفيش الارم فهاني قلي انة لاغي الالارم
و حبتة حاجات تاني
المهم الراجل كان راششها عند واحد زبالة و تقفيلة ازبل فهاني قال له دا انتا لو كنت اشتريت اربع بابان و غطاء كبوت و شنطة كان ارخص و بائت فبريكة
بصراحة انا كنت بحب العربية ده اوي بس الواد كرهني فيها و في المستعمل

و شكرا لكل من ساعدني و افادني خصوصا المهندس احمد سعد

**amr011111** · 10-09-2014 01:45 PM

بصراحه كشف ممتاز
ودقيق
وتحس ان اللى بيكشف متخصص فى الباسات كمان

**MOSTAFA.EID** · 10-09-2014 02:01 PM

ربنا يرزقك باحسن منها ان شاء الله ٫٫٫٫ ممكن اعرف عنوان المهندس هاني بالتفصيل

**eng.m7md.ali** · 10-09-2014 02:37 PM

وفي الاخر كان عايز 70؟؟؟

**mohamedalymahe** · 10-09-2014 02:52 PM

ورا حديقة بدر اخر جسر السويس

**shoshasam** · 10-09-2014 03:11 PM

كشف رائع ومهما دفعت للاستاذ هاني علي الاقل نجدك من مصيبه كنت هاتلبس فيها
ربنا يكتر من امثاله

**Ahmed Saad** · 10-09-2014 04:05 PM

بص ياباشا أولا الحمد لله انك رحت لهاني لأنه فاهم وكويس وطبعا في عربيات كتير مشمومه في السوق وهتلاقي نضيف بس هتدوخ زي مابقول مش أي حاجه ادامك ممكن تلاقيها حلوه لأننا في مصر للأسف بقى في ناس مش بتخاف ربنا والحمد لله انك فلت من حاجه زي دي وربنا يكرمك بحاجه محترمة ونضيفه ويبعدك عن النصابين وعدماء الضمير

**أسامه الحسيني** · 10-09-2014 04:23 PM

شكرا على نقل التجربه - ممكن تقولنا الكشف اكلف كام ومين الى اتحمل ثمن الكشف

**mohamedalymahe** · 11-09-2014 06:21 PM

200 جنيه و مرضيش يدفع مع انه سأله علي مشاكل في عربيته و يحلها ازاي
المهم يا جماعة اي حد يؤلك فبريكة و مش محتاجة مصاريف لازم تكشف وراه 1000 مره
انا بجد لو الي خد العربية ب 30000 مش هخودها بردو