لو عايز تعمل صيانه عربيتك البولو بنفسك تعالى

**M.Mostafa80** · 14-07-2011 02:52 PM

بسم الله الرحمن الرحيم
كتير مننا بيحب عربيته وبيبقى مش عايز حد يحط ايده فيها الا للضروره القصوى
ومن هنا فكرت فى عمل موضوع عن عمل الصيانات الخفيفيه للبولو
زى فلتر بنزين وغيار زيت وفلتر زيت تغيير بوجيهات وسلوك بوجيهات تغير وش اسبراتير وشاكوش تغيير فلتر تكييف وفلتر هواء
نبدأ الأول بغيار الزيت
هنجيب مفتاح بمقاس الصاموله بتاعت طبه الزيت ونجهز حوض او وعاء لتلقى الزيت القديم
هنرفع مقاس الزيت من مكانه ونفك غطاء المحرك وطبعا عنبقى مجهزين الزيت والفلتر
هنفك طبه الزيت ونستنى شويه لحد ماالزيت يتصفى تماما هنجيب كلابه او مفتاح 30 او 32 على ما اتذكر ونفك بيهم الفلتر بتاع الزيت الزيت اتصفى وفكينا الفلتر وكله تمام
هنربط الطبه تانى كويس ولو لحظنا وجود اثار زيت حول الطبه من قبل مانفك يبقى نجهز اما طبه جديده او وده لحبك الطبه وعدم التسريب ربطنا الطبه نمسح ما حولها من زيت بفوطه عشان تابع بعد كدا لو فى تسريب
نطلع من تحت العربيه نحط الفلتر الجديد وندهنه ببعض من الزيت على الكاوتش قبل تركيبه نبداء بربط الفلتر والتقريط عليه ولكن بحرص حتى لا يحدث تفويت ولكى نتمكن من فكه مره اخرى
خلصنا تربيط الفلتر
نبدأ نحط الزيت والعربيه المفروض انها بتاخد 3 كيلو ونصف بالفلتر وحاول تحط تدريجى فى النهايه وتقيس عشان متحطش زيت زياده الزيت الذياده غلط على الموتور
قيس مقاس الزيت لو الزيت عند اخر الشرشره الموجوده بالمقاس يبقى كدا تمام اقفل غطاء التذويد وبكدا انت خلصت غيار الزيت

تغيير البوجيهات
هنجهز بيبه عشره ومفتاح بوجيهات 16
الأول هنفك الغطاء الخاص بالمحرك لو موجود ودا بيحتاج بيبه عشره اومفتاح بنحيه عشان نفك الصواميل الموجوده اسفل الطبب بغطاء المحرك ولوالغطا دا مش موجود يبقى انت هتعدى الخطوه دى
هتبدا برفع سلوك البوجيهات سلك سلك حتى لا يحدث لخبطه فى التقسيمه والا لو لخبطت هتيجى تدور العربيه هتسمع صوت فرقعه والعربيه مش هتدور
هنجيب المفتاح ال16 بتاع البوجيهات ونبدا بفك البوجيه القديم لو البوجيهات اللى انت جايبها 1 شمعه يبقى هتحتاج فيلر لظبط فتحه البوجيه على 8 أو 9 ملم لو بوجيه 3 شمعه يبقى مش هتحتاج للخطوه دى يفضل استخدام بوجيها ت ان جى كيه أر ولازم يكون حف الأر موجود وطبعا هتفك سن البوجيه لأن مش هينفع السلك يركب لو موجود السن الفضى المدبب فى اول البوجيه
هتحط البوجيه مكان البوجيه القديم وتبدا فى الربط بحرص والتأكد من انك مسقط البوجيه صح عشان ميحلقش وتربط كويس وترجع السلك تانى مكانه مع التأكد من سماع صوت طق وبالتالى بنفس الخطوات لبقيه البوجيهات وبكدا يبقى غير نا البوجيهات

هنبداء بقى فى تغيير فلتر الهواء هنجيب مفك صليبه هنلاقى اربع مسامير او 3 مرقمين هنفكهم وبكدا هنبقى فكينا العمه من على البوابه مع تذكر فصل خرطوم الفايظ بتاع الزيت الموجود فى الجانب الشمال وانت بمواجهة السياره
وايضا فك خراطيم الفاكيوم الموجوده اسفل العمه
فكنا العمه وطلعناها بره هنستخدم المفك الصليبه بفك باقى المسامير ورفع الغطاء وبكدا هنلاقى الفلتر قدامنا هنشيله ونحاول ننضف العمه من الداخل جيدا من اثار اى زيوت او اتربه ولوتمكنا من غسيلها يبقى افضل هنجيب الفلتر الجديد ونركبه ونعيد قفل العمه وتركيبها مكانها مع التأكد من توصيل خراطيم الفاكيوم والفايظ بتاع الزيت

طب لو عايزين ننضف البوابه قبل ما نركب العمه نبقى مجهزين الانكيه 5 ونبدأ بفك الأربع مسامير الألنكيه وناخد بالنا من مكان سلكه الأرضى بتاعت البوابه فين عشان لما نيجي نركب ونفك الفيشه بتاعت البوابه وخرطوم الفايظ بتاع البنزين اللى رايح على المبخر
ناخد البوابه بره ونغسلها ببنزين كويس ودا افضل من الأسبراى لأنه بيعمل بوش بعد فتره فى البوابه
ونستنى لما البوابه تنشف ونجيب قليل من الشحم القليل جدا ووضعه على قاعده البوابه وارجاع البوابه لمكانها واوعى تنسى سلك الأرضى وتبدا بربط المسامير الأربعه وتركيب الفيشه ووضع خرطوم الفايظ بمكانه وبعد كدا تركب العمه زى ما قلنا فوق

بكدا يبقى غيرنا زيت وفلتر وفلتر هواء وبوجيهات

عايزين بقى نغير فلتر التكييف هنفك الفبر الموجود اسفل المساحات بعد فك المسامير الخاصه بيها لو كانت لسه موجوده والى قابلك ماشلهمش هنلاقى الفلتر فى الجانب الشمال وانت مواجه للعربيه هتشيل الفتر القديم بحرص عشان متكسرش القاعده بتاعته لأنها كلبسات بتتفك بالراحه جدا وتركب الفلتر الجديد مكانه فى الداير الخاص بيه بعد ما تشيل القديم وترجعه بنفس الطريقه اللى فكيت بيها

يجى الدور بقى على وش الأسبراتير حاجه من الأثنين ياهتغيره ياهتنضفه هتفك الكلبسات الجانبيه بعد فصل سلوك البوجيهات ومعرفه مكان كل سلك تماما وفصل السلك القادم من البوبينه ورفع الوش والنظر للأربع نقاط النحاس لو مسودين بقطعه سنفره ناعمه صغيره يتم سنفرتهم وغسل الوش بقليل من البنزيت وتركه ينشف حتى تقوم بنزع الشاكوش من الأسبراتير وسنفرته هو الأخر
ثم تركبه مره اخرى واعاده تركيب الوش تماما كما قمنا بفكه وتوصيل كل سلوك البوجيهات بأماكنها وتوصيل سلك البوبينه ولو فى ملاحظه منك ان العربيه بتخطف عند التهدئه مع عمل التكييف او ارتفاع وانخفاض فى مؤشر الأر بى ام على سرعه السلانسيه كما يطلق عليها
فاكر الألنكيه الخمسه
هنجيبه ونفك المسمارين بتوع الٍأسبراتير وجعل هذين المسمارين (حلوه هذين المسمارين دى ) فى منتصف المجرى الخاص بالأسبراتير ونربط المسمارين تانى كويس

خلصنا كدا احنا شغل فى حوض الموتور تعالو بقى نغير فلتر البنزين بس قبل مانقفل الكبوت نركب الغطا الفبر زى ما فكنا لو كان موجود عندك

نروح بقى للعربيه من ورى ومعانا مفك صليبه وننزل تحت منها ورى التنك هنلاقى الفلتر موجود وراكب فيه خرطومين هنفك المسمار اللى ماسك الكويلات بتاعت الفلتر ونحط الفلتر الجديد ونركب تانى زى ما فكينا وبكدا يبقى غيرنا فلاتر وبوجيهات وعملنا صيانه لوش الأسبراتير
استنونى بقى فى الموضوع اللى جاى عشان نعمل صيانه لدوره التبريد وازاى نفضى المياه الموجود اللى جوه العربيه ونعملها دورة غسيل ونحط مياه جديده وناخد هوى للدورى بدون الأحتياج للذهاب لفنى تبريد الا فى حاله وجود اخرام بالريداتير او بأحد الوصلات وحتى دى هنقول ممكن نعملها ازاى

**أبو_حمزة** · 14-07-2011 03:39 PM

الله ينور
مستنى الباقى
بالنسبة للبوجيهات اعتقد البلاتينيوم مش بتحتاج ضبط
و يا ريت تعرفنا الفيلر ده ييجى منين و طريقة استخدامه

**M.Mostafa80** · 14-07-2011 03:48 PM

المشاركة الأصلية كتبت بواسطة أبو_حمزة

الله ينور
مستنى الباقى
بالنسبة للبوجيهات اعتقد البلاتينيوم مش بتحتاج ضبط
و يا ريت تعرفنا الفيلر ده ييجى منين و طريقة استخدامه

ان شاء الله يأبو حمزه الباقى جاى
بالنسبه للبلاتنيوم بيتهيئلى انها بتبقى مظبوطه وجاهزه للتركيب لو هى نازله مخصوص لفولكس
الفيلر دا هو اداه لظبط الخلوص ما بين السن وشمعه الأحتراق واللى ساعات بتبقى مفتوحه قوى او مقفوله قوى مما يؤدى لعدم ظبط الشراره وبالتالى ذيادة الأستهلاك للبنزين وعدم السحب جيدا
فابيتم الأتى احضار الفلير من احد متخصصى العدد واختيار رقم 8 او 9 ملم وتمريره بين السن وشمعه الأحتراق أذا مرت بسهوله أذن البوجيه مفتوح فا بدقه خفيفه على السن نجده اغلق وبالتالى تمرير الفلر مره اخرى لكى يفتح السن مره اخرى ولكن هذه المره يكون مظبوط على الخلوص المظبوط
هبقى احاول اصور فديو للموضوع ده وارفعه بس مش حاليا

**medo20000** · 14-07-2011 03:56 PM

المشاركة الأصلية كتبت بواسطة m.mostafa80

بسم الله الرحمن الرحيم
كتير مننا بيحب عربيته وبيبقى مش عايز حد يحط ايده فيها الا للضروره القصوى
ومن هنا فكرت فى عمل موضوع عن عمل الصيانات الخفيفيه للبولو
زى فلتر بنزين وغيار زيت وفلتر زيت تغيير بوجيهات وسلوك بوجيهات تغير وش اسبراتير وشاكوش تغيير فلتر تكييف وفلتر هواء
نبدأ الأول بغيار الزيت
هنجيب مفتاح بمقاس الصاموله بتاعت طبه الزيت ونجهز حوض او وعاء لتلقى الزيت القديم
هنرفع مقاس الزيت من مكانه ونفك غطاء المحرك وطبعا عنبقى مجهزين الزيت والفلتر
هنفك طبه الزيت ونستنى شويه لحد ماالزيت يتصفى تماما هنجيب كلابه او مفتاح 30 او 32 على ما اتذكر ونفك بيهم الفلتر بتاع الزيت الزيت اتصفى وفكينا الفلتر وكله تمام
هنربط الطبه تانى كويس ولو لحظنا وجود اثار زيت حول الطبه من قبل مانفك يبقى نجهز اما طبه جديده او وده لحبك الطبه وعدم التسريب ربطنا الطبه نمسح ما حولها من زيت بفوطه عشان تابع بعد كدا لو فى تسريب
نطلع من تحت العربيه نحط الفلتر الجديد وندهنه ببعض من الزيت على الكاوتش قبل تركيبه نبداء بربط الفلتر والتقريط عليه ولكن بحرص حتى لا يحدث تفويت ولكى نتمكن من فكه مره اخرى
خلصنا تربيط الفلتر
نبدأ نحط الزيت والعربيه المفروض انها بتاخد 3 كيلو ونصف بالفلتر وحاول تحط تدريجى فى النهايه وتقيس عشان متحطش زيت زياده الزيت الذياده غلط على الموتور
قيس مقاس الزيت لو الزيت عند اخر الشرشره الموجوده بالمقاس يبقى كدا تمام اقفل غطاء التذويد وبكدا انت خلصت غيار الزيت

تغيير البوجيهات
هنجهز بيبه عشره ومفتاح بوجيهات 16
الأول هنفك الغطاء الخاص بالمحرك لو موجود ودا بيحتاج بيبه عشره اومفتاح بنحيه عشان نفك الصواميل الموجوده اسفل الطبب بغطاء المحرك ولوالغطا دا مش موجود يبقى انت هتعدى الخطوه دى
هتبدا برفع سلوك البوجيهات سلك سلك حتى لا يحدث لخبطه فى التقسيمه والا لو لخبطت هتيجى تدور العربيه هتسمع صوت فرقعه والعربيه مش هتدور
هنجيب المفتاح ال16 بتاع البوجيهات ونبدا بفك البوجيه القديم لو البوجيهات اللى انت جايبها 1 شمعه يبقى هتحتاج فيلر لظبط فتحه البوجيه على 8 أو 9 ملم لو بوجيه 3 شمعه يبقى مش هتحتاج للخطوه دى يفضل استخدام بوجيها ت ان جى كيه أر ولازم يكون حف الأر موجود وطبعا هتفك سن البوجيه لأن مش هينفع السلك يركب لو موجود السن الفضى المدبب فى اول البوجيه
هتحط البوجيه مكان البوجيه القديم وتبدا فى الربط بحرص والتأكد من انك مسقط البوجيه صح عشان ميحلقش وتربط كويس وترجع السلك تانى مكانه مع التأكد من سماع صوت طق وبالتالى بنفس الخطوات لبقيه البوجيهات وبكدا يبقى غير نا البوجيهات

هنبداء بقى فى تغيير فلتر الهواء هنجيب مفك صليبه هنلاقى اربع مسامير او 3 مرقمين هنفكهم وبكدا هنبقى فكينا العمه من على البوابه مع تذكر فصل خرطوم الفايظ بتاع الزيت الموجود فى الجانب الشمال وانت بمواجهة السياره
وايضا فك خراطيم الفاكيوم الموجوده اسفل العمه
فكنا العمه وطلعناها بره هنستخدم المفك الصليبه بفك باقى المسامير ورفع الغطاء وبكدا هنلاقى الفلتر قدامنا هنشيله ونحاول ننضف العمه من الداخل جيدا من اثار اى زيوت او اتربه ولوتمكنا من غسيلها يبقى افضل هنجيب الفلتر الجديد ونركبه ونعيد قفل العمه وتركيبها مكانها مع التأكد من توصيل خراطيم الفاكيوم والفايظ بتاع الزيت

طب لو عايزين ننضف البوابه قبل ما نركب العمه نبقى مجهزين الانكيه 5 ونبدأ بفك الأربع مسامير الألنكيه وناخد بالنا من مكان سلكه الأرضى بتاعت البوابه فين عشان لما نيجي نركب ونفك الفيشه بتاعت البوابه وخرطوم الفايظ بتاع البنزين اللى رايح على المبخر
ناخد البوابه بره ونغسلها ببنزين كويس ودا افضل من الأسبراى لأنه بيعمل بوش بعد فتره فى البوابه
ونستنى لما البوابه تنشف ونجيب قليل من الشحم القليل جدا ووضعه على قاعده البوابه وارجاع البوابه لمكانها واوعى تنسى سلك الأرضى وتبدا بربط المسامير الأربعه وتركيب الفيشه ووضع خرطوم الفايظ بمكانه وبعد كدا تركب العمه زى ما قلنا فوق

بكدا يبقى غيرنا زيت وفلتر وفلتر هواء وبوجيهات

عايزين بقى نغير فلتر التكييف هنفك الفبر الموجود اسفل المساحات بعد فك المسامير الخاصه بيها لو كانت لسه موجوده والى قابلك ماشلهمش هنلاقى الفلتر فى الجانب الشمال وانت مواجه للعربيه هتشيل الفتر القديم بحرص عشان متكسرش القاعده بتاعته لأنها كلبسات بتتفك بالراحه جدا وتركب الفلتر الجديد مكانه فى الداير الخاص بيه بعد ما تشيل القديم وترجعه بنفس الطريقه اللى فكيت بيها

يجى الدور بقى على وش الأسبراتير حاجه من الأثنين ياهتغيره ياهتنضفه هتفك الكلبسات الجانبيه بعد فصل سلوك البوجيهات ومعرفه مكان كل سلك تماما وفصل السلك القادم من البوبينه ورفع الوش والنظر للأربع نقاط النحاس لو مسودين بقطعه سنفره ناعمه صغيره يتم سنفرتهم وغسل الوش بقليل من البنزيت وتركه ينشف حتى تقوم بنزع الشاكوش من الأسبراتير وسنفرته هو الأخر
ثم تركبه مره اخرى واعاده تركيب الوش تماما كما قمنا بفكه وتوصيل كل سلوك البوجيهات بأماكنها وتوصيل سلك البوبينه ولو فى ملاحظه منك ان العربيه بتخطف عند التهدئه مع عمل التكييف او ارتفاع وانخفاض فى مؤشر الأر بى ام على سرعه السلانسيه كما يطلق عليها
فاكر الألنكيه الخمسه
هنجيبه ونفك المسمارين بتوع الٍأسبراتير وجعل هذين المسمارين (حلوه هذين المسمارين دى ) فى منتصف المجرى الخاص بالأسبراتير ونربط المسمارين تانى كويس

خلصنا كدا احنا شغل فى حوض الموتور تعالو بقى نغير فلتر البنزين بس قبل مانقفل الكبوت نركب الغطا الفبر زى ما فكنا لو كان موجود عندك

نروح بقى للعربيه من ورى ومعانا مفك صليبه وننزل تحت منها ورى التنك هنلاقى الفلتر موجود وراكب فيه خرطومين هنفك المسمار اللى ماسك الكويلات بتاعت الفلتر ونحط الفلتر الجديد ونركب تانى زى ما فكينا وبكدا يبقى غيرنا فلاتر وبوجيهات وعملنا صيانه لوش الأسبراتير
استنونى بقى فى الموضوع اللى جاى عشان نعمل صيانه لدوره التبريد وازاى نفضى المياه الموجود اللى جوه العربيه ونعملها دورة غسيل ونحط مياه جديده وناخد هوى للدورى بدون الأحتياج للذهاب لفنى تبريد الا فى حاله وجود اخرام بالريداتير او بأحد الوصلات وحتى دى هنقول ممكن نعملها ازاى

الله ينور ....وياريت موضوع مياة الريادتير لحسن انا إيدى محروقة من ساعتها

**ashoub** · 14-07-2011 04:50 PM

الله ينور يامحمد باشا ومنتنظرين الجديد

**SYD** · 14-07-2011 08:53 PM

متشكرين جدا يا باشمهندس محمد علي معلوماتك الجامدة جدا في البولو والمفيدة جدا بس بعد أذن حضرتك انا هعمل شوية تعديلات او بالتحديد أضافات وملاحظات علي كلام حضرتك من واقع خبرتي المحدودة

المشاركة الأصلية كتبت بواسطة m.mostafa80

بسم الله الرحمن الرحيم
كتير مننا بيحب عربيته وبيبقى مش عايز حد يحط ايده فيها الا للضروره القصوى
ومن هنا فكرت فى عمل موضوع عن عمل الصيانات الخفيفيه للبولو
زى فلتر بنزين وغيار زيت وفلتر زيت تغيير بوجيهات وسلوك بوجيهات تغير وش اسبراتير وشاكوش تغيير فلتر تكييف وفلتر هواء
نبدأ الأول بغيار الزيت
هنجيب مفتاح بمقاس الصاموله غالبا هي مقاس 14 بتاعت طبه الزيت ونجهز حوض او وعاء لتلقى الزيت القديم
هنرفع مقاس الزيت من مكانه ونفك غطاء المحرك وطبعا هنبقى مجهزين الزيت والفلتر
هنفك طبه الزيت ونستنى شويه لحد ماالزيت يتصفى تماما حوالي 5 دقايق لحد لما الخيط يقطع (الزيت بينزل في الأول بأندفاع ثم ينتهي بخيط رفيع) هنجيب كلابه او مفتاح 30 او 32 على ما اتذكر ونفك بيهم الفلتر بتاع الزيت الزيت اتصفى وفكينا الفلتر وكله تمام
هنربط الطبه تانى كويس ولو لحظنا وجود اثار زيت حول الطبه من قبل مانفك يبقى نجهز اما طبه جديده او ورده لحبك الطبه وعدم التسريب ربطنا الطبه نمسح ما حولها من زيت بفوطه عشان تتابع بعد كدا لو فى تسريب
نطلع من تحت العربيه نحط الفلتر الجديد وندهنه ببعض من الزيت على الكاوتش قبل تركيبه نبداء بربط الفلتر والتقريط عليه ولكن بحرص حتى لا يحدث تفويت ولكى نتمكن من فكه مره اخرى
خلصنا تربيط الفلتر
نبدأ نحط الزيت والعربيه المفروض انها بتاخد 3 كيلو ونصف بالفلتر وحاول تحط تدريجى فى النهايه (بعد ال 3 كيلو تبدأ تقيس وتحط بحظر وتقيس وتحط بحظر ) وتقيس عشان متحطش زيت زياده الزيت الزياده غلط على الموتور (من واقع تجربتي العربية بتاخد 3 وربع ويمكن كمان أقل بحاجة بسيطة)
قيس مقاس الزيت لو الزيت عند اخر الشرشره الموجوده بالمقاس يبقى كدا تمام اقفل غطاء التذويد وبكدا انت خلصت غيار الزيت

تغيير البوجيهات
هنجهز بيبه عشره ومفتاح بوجيهات 16
الأول هنفك الغطاء الخاص بالمحرك لو موجود ودا بيحتاج بيبه عشره اومفتاح بنحيه عشان نفك الصواميل الموجوده اسفل الطبب بغطاء المحرك ولوالغطا دا مش موجود يبقى انت هتعدى الخطوه دى
هتبدا برفع سلوك البوجيهات سلك سلك حتى لا يحدث لخبطه فى التقسيمه والا لو لخبطت هتيجى تدور العربيه هتسمع صوت فرقعه والعربيه مش هتدور (يستحسن فك البوجيه الأول وتغييره بالجديد ثم تركيب السلك وأدخل علي الثاني فك الكابل وغيره بالجديد وركب الكابل وادخل علي الثالث وهكذا الرابع لتفادي لخبطة ترتيب البوجيهات)
هنجيب المفتاح ال16 بتاع البوجيهات ونبدا بفك البوجيه القديم لو البوجيهات اللى انت جايبها 1 شمعه يبقى هتحتاج فيلر لظبط فتحه البوجيه على 8 أو 9 ملم لو بوجيه 3 شمعه يبقى مش هتحتاج للخطوه دى يفضل استخدام بوجيها ت ان جى كيه أر ولازم يكون حف الأر موجود وطبعا هتفك سن البوجيه لأن مش هينفع السلك يركب لو موجود السن الفضى المدبب فى اول البوجيه
هتحط البوجيه مكان البوجيه القديم وتبدا فى الربط بحرص والتأكد من انك مسقط البوجيه صح عشان ميحلقش وتربط كويس وترجع السلك تانى مكانه مع التأكد من سماع صوت طق وبالتالى بنفس الخطوات لبقيه البوجيهات وبكدا يبقى غير نا البوجيهات (تماما كما قال الباشمهندس يتم التركيب بحظر شديد جدا لا يفضل استخدام القوة في الربط لو لقيته من اول او تاني سنة بيتقل فكه وارجع ركبه تاني عدل ثم الربط بحظر لتفادي مشكلة انه يحلق " يعني يفوت منك ويربط وهو معوج " ويستحسن الفك والتركيب والموتور بارد تماما)

هنبداء بقى فى تغيير فلتر الهواء هنجيب مفك صليبه هنلاقى اربع مسامير او 3 (هما 4 ومترقمين) مرقمين هنفكهم وبكدا هنبقى فكينا العمه من على البوابه مع تذكر فصل خرطوم الفايظ بتاع الزيت الموجود فى الجانب الشمال وانت بمواجهة السياره
وايضا فك خراطيم الفاكيوم الموجوده اسفل العمه
فكنا العمه وطلعناها بره هنستخدم المفك الصليبه بفك باقى المسامير ورفع الغطاء وبكدا هنلاقى الفلتر قدامنا هنشيله ونحاول ننضف العمه من الداخل جيدا من اثار اى زيوت او اتربه ولوتمكنا من غسيلها (أعتقد الأحسن عدم غسيلها وكفاية مسحها جيدا حتي لو بمناديل ورقية) يبقى افضل هنجيب الفلتر الجديد ونركبه ونعيد قفل العمه وتركيبها مكانها مع التأكد من توصيل خراطيم الفاكيوم والفايظ بتاع الزيت

طب لو عايزين ننضف البوابه قبل ما نركب العمه نبقى مجهزين الانكيه 5 ونبدأ بفك الأربع مسامير الألنكيه وناخد بالنا من مكان سلكه الأرضى بتاعت البوابه فين عشان لما نيجي نركب ونفك الفيشه بتاعت البوابه وخرطوم الفايظ بتاع البنزين اللى رايح على المبخر
ناخد البوابه بره ونغسلها ببنزين كويس ودا افضل من الأسبراى لأنه بيعمل بوش بعد فتره فى البوابه
ونستنى لما البوابه تنشف ونجيب قليل من الشحم القليل جدا ووضعه على قاعده البوابه وارجاع البوابه لمكانها واوعى تنسى سلك الأرضى وتبدا بربط المسامير الأربعه وتركيب الفيشه ووضع خرطوم الفايظ بمكانه وبعد كدا تركب العمه زى ما قلنا فوق

بكدا يبقى غيرنا زيت وفلتر وفلتر هواء وبوجيهات

عايزين بقى نغير فلتر التكييف هنفك الفبر الموجود اسفل المساحات بعد فك المسامير الخاصه بيها لو كانت لسه موجوده والى قابلك ماشلهمش هنلاقى الفلتر فى الجانب الشمال وانت مواجه للعربيه هتشيل الفتر القديم بحرص عشان متكسرش القاعده بتاعته لأنها كلبسات بتتفك بالراحه جدا وتركب الفلتر الجديد مكانه فى الداير الخاص بيه بعد ما تشيل القديم وترجعه بنفس الطريقه اللى فكيت بيها (يجب ملاحظة اتجاه الهوا وانت بتركب يعني في سهم بيحدد اتجاه الهوا وطبعا اتجاه الهوا لأسفل في اتجاه مروحة التوزيع)

يجى الدور بقى على وش الأسبراتير حاجه من الأثنين ياهتغيره ياهتنضفه هتفك الكلبسات الجانبيه بعد فصل سلوك البوجيهات ومعرفه مكان كل سلك تماما وفصل السلك القادم من البوبينه ورفع الوش والنظر للأربع نقاط النحاس لو مسودين بقطعه سنفره ناعمه صغيره يتم سنفرتهم وغسل الوش بقليل من البنزيت وتركه ينشف حتى تقوم بنزع الشاكوش من الأسبراتير وسنفرته هو الأخر
ثم تركبه مره اخرى واعاده تركيب الوش تماما كما قمنا بفكه وتوصيل كل سلوك البوجيهات بأماكنها وتوصيل سلك البوبينه ولو فى ملاحظه منك ان العربيه بتخطف عند التهدئه مع عمل التكييف او ارتفاع وانخفاض فى مؤشر الأر بى ام على سرعه السلانسيه كما يطلق عليها
فاكر الألنكيه الخمسه
هنجيبه ونفك المسمارين بتوع الٍأسبراتير وجعل هذين المسمارين (حلوه هذين المسمارين دى ) فى منتصف المجرى الخاص بالأسبراتير ونربط المسمارين تانى كويس

خلصنا كدا احنا شغل فى حوض الموتور تعالو بقى نغير فلتر البنزين بس قبل مانقفل الكبوت نركب الغطا الفبر زى ما فكنا لو كان موجود عندك

نروح بقى للعربيه من ورى ومعانا مفك صليبه وننزل تحت منها ورى التنك هنلاقى الفلتر موجود وراكب فيه خرطومين هنفك المسمار اللى ماسك الكويلات بتاعت الفلتر ونحط الفلتر الجديد ونركب تانى زى ما فكينا وبكدا يبقى غيرنا فلاتر وبوجيهات وعملنا صيانه لوش الأسبراتير
استنونى بقى فى الموضوع اللى جاى عشان نعمل صيانه لدوره التبريد وازاى نفضى المياه الموجود اللى جوه العربيه ونعملها دورة غسيل ونحط مياه جديده وناخد هوى للدورى بدون الأحتياج للذهاب لفنى تبريد الا فى حاله وجود اخرام بالريداتير او بأحد الوصلات وحتى دى هنقول ممكن نعملها ازاى

شكرا جدا يا باشمهندس محمد وفي انتظار باقي الموضوع

والله المستعان
،
،

**M.Mostafa80** · 15-07-2011 01:33 AM

المشاركة الأصلية كتبت بواسطة osama.ghamry

تسلم ايدك يا استاذ محمد
فعلا الحاجات دى بسيطه ونقدر نعملها بنفسنا لو اتعلمناها صح
انا عاوز اغير البوجيهات وسلوك البوجيهات
وعاوز اجيب البلاتينيوم اللى حضرتك نصحتنى بيها
اجبهم منيين ؟؟؟

العفو يأسامه تجيبهم من اشرف الشهابى مصر الجديده ش دمشق امام بنك عوده خلى بالك مبيبقاش موجود يوم الجمه والسبت والأحد فى المحل ولو مش موجود محدش هيبعلك

**M.Mostafa80** · 15-07-2011 01:35 AM

المشاركة الأصلية كتبت بواسطة medo20000

الله ينور ....وياريت موضوع مياة الريادتير لحسن انا إيدى محروقة من ساعتها

من عنيا الجوز

**M.Mostafa80** · 15-07-2011 01:38 AM

المشاركة الأصلية كتبت بواسطة ashoub

الله ينور يامحمد باشا ومنتنظرين الجديد

وعليك يافندم

المشاركة الأصلية كتبت بواسطة syd

متشكرين جدا يا باشمهندس محمد علي معلوماتك الجامدة جدا في البولو والمفيدة جدا بس بعد أذن حضرتك انا هعمل شوية تعديلات او بالتحديد أضافات وملاحظات علي كلام حضرتك من واقع خبرتي المحدودة

أضفاتك كلها تضفى وضوح اكثر على كلامى
شكرا جدا يا باشمهندس محمد وفي انتظار باقي الموضوع

والله المستعان
،
،

من عنيا الأثنين

-

الموضوع: لو عايز تعمل صيانه عربيتك البولو بنفسك تعالى

LinkBack

أدوات الموضوع

عرض

لو عايز تعمل صيانه عربيتك البولو بنفسك تعالى - انشر الموضوع فى :

-

-

-

-

-

-

-

المواضيع المتشابهه

تعالى اعرف فيوزات عربيتك ....

تعالى اقولك تعمل ايه لو ... رميت على حد !!

عايز تعمل مشروع ؟ .... تعالى ندرسه مع بعض و نفكر فيه

عيش مع كيا واتدرب معاهم واعمل صيانه وصلح بنفسك وكانك توكيل صيانه ؟؟!!!

مصعد باليابان ولكن .......... تعالى اترعب بنفسك !!!!!!!!!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة