الحقووني الفرامل بتقفش

**7oda.mohamed** · 11-09-2014 01:48 AM

المشكلة دي اتكررت معايا 3 مرات مرة منهم عملت حادثة جامده و ربنا ساطرها في الباقي و حصلت بعد ما غيرت تيل الفرامل الامامي

كل لما ادوس فرامل يا تبقى سايبه خالص يا تبقى ناشفة جدا و مش بتوقف العربية في الحالتين لازم ادوس كذا مرة بسرعه

و طبعا الجنوط بتبقى مولعة اعمل اية و ممكن تكون مشكلة اية دي مع العلم اني روحت للمكانيكي حل العجلتين و ظبطهم و مشيت تمام اسبوعين و رجعت تاني

يا ريت تساعدوني و اسف على الاطاله شكرا :)

**Ahmed.MT911** · 12-09-2014 10:06 PM

المشاركة الأصلية كتبت بواسطة 7oda.mohamed

المشكلة دي اتكررت معايا 3 مرات مرة منهم عملت حادثة

جامده و ربنا ساطرها في الباقي و حصلت بعد ما غيرت تيل الفرامل الامامي

كل لما ادوس فرامل يا تبقى سايبه خالص يا تبقى ناشفة جدا و مش بتوقف العربية في الحالتين لازم ادوس كذا مرة بسرعه :_alshmokh11:

و طبعا الجنوط بتبقى مولعة اعمل اية و ممكن تكون مشكلة اية دي مع العلم اني روحت للمكانيكي حل العجلتين و ظبطهم و مشيت تمام اسبوعين و رجعت تاني

يا ريت تساعدوني و اسف على الاطاله شكرا :)

من غير ما تفكر كده الموضوع ملوش دعوة بالعجل خااااااالص القصة كلها انك هتغير الماستر العلوي بتاع الفرامل ... ممكن تجيبه من عند الكيلاني او محمد يوسف في الدقي ب 350 جنيه ، ومادام الميكانيكي بتاعك معرفش ان الموضوع كده من اول مرة انا ممكن ارشح ليك محمد حامد في فيصل متخصص في الفيات الحديث عموما ... توكل علي الله وروح اكشف الماستر عند محمد حامد لاني نفس المشكلة كانت عندي من كام شهر ... وعملت زي ما قولت ليك كده بالظبط .... واعمل الموضوع ده بسرعة علشان الموضوع ده خطر جدا وربنا يسترها عليك وعلينا ... وتحت امرك برضه في اي تساؤل