الموضوع: سعدونى استفسار فى سيفيك 93

مانيوال او اتوماتيك الاتنين سعر واحد ,بالعكس انت ممكن تلاقى المانيوال اغلى شوية من الاتوماتيك لانها قليلة

التظبيط دة على حسب الmaterial

يعنى مثلا كراسى ال sparco او ال recaro الاصلى بتبدأ من 4500 جنية اما الصينى منها سعرة 1500

البوية والسمكرة حاجة محترمة مش هتزيد عن 5000 جنية لو العربية كل حاجتها مظبوطة يعنى مش محتاجة رفرق او اكصدامات

الجنوط هيبدأ سعرها من 2500 وانت طالع لحد 4000 جنية بدون كاوتش للمقاس من 15-16 انش

من جوة الصالون بيبدأ من 900 جنية الى 2000 جنية لو هتظبط جلد وفرش ارضية وفرش ابواب

ماتور شامل كل حاجة بتسقيطة بحاجاتة بمصنعيتة ب 8000 جنية ( طبعا 1600 عادى )

عفشة كاملة استيراد + اسكترا واربع مساعدين = 3000 جنية

لأ طبعا انت بتاخد عفشة كاملة محلولة قدامك من على نص وبتكون العربية عندك ماشية بالعداد وعارف العفشة ماشية كام كيلو

لو عايز كل حاجة جديدة , يبقى تفك اللى عندك وتشوف اية اللى بايظ وتغيرة

بس كل اللى اقدر اقولة انك عشان تشترى عفشة كاملة جديدة , امامى بس التكلفة هتكون على حسب الbrand هل هتجيب اصلى ولا يابانى

بس انت كدة هتعدى منك جامد , يعنى جوز المساعدين بس اصلى كاملين على التركيب ب 1800 جنية فى التوكيل واى شركة تانية مونرو مثلا ب 950 جنية من غير سوست او بطاحات

علبة الدركسيون كاملة بالبارات خارجية وداخلية فى التوكيل ب 4500 جنية وتايوانى ب 1600 واستيراد ب 1000

والمقصات السفلية بتغير الجلب بس ب 390 جنية اصلى و وكاوتش ميزان ب 95 جنية تايلاندى + مقصين علووين كاملين ب 900 جنية اصلى

كبالن جديدة خارجية ب 650 جنية يابانى