تنعيم العفشة

**Dr\Mohamed** · 11-09-2014 03:03 PM

بسبب وظيفتي إللي ربنا ما يوريها لأحد فأنا بسافر كتير في كذا بلد عندي مشكلة في العربية حبيت أعرضها عليكم يمكن يكون حد فكر لها في حل.
عفشة العربية دي خشنة قوي يعني لو الأسفلت ناعم وكويس بس فيه طوبة أو زلطة صغيرة عديت عليها بحس إن العربية كلها بتترج ولو رايح البلد وراكب معايا والدي بيبقى صعبان عليا بقول زمانه هينزل جسمه مكسر من الطريق

المشكلة دي مكنتش واخد بالي منها بس لاحظتها لما كان الميكانيكي جاري ليه حالة في المستشفى عندنا ومكنش معايا عربيتي فروحنا سوا في عربيته كرولا 98 وكان بيجري طبعا الطريق المعتاد وأنا متعود ههدى هنا علشان الأرض خشنة وبرضه العربية هتترج بس بصراحة كأن عربيته ماشية على أرض ناعمة زي الحرير حاجة تانية

حد عنده حل لتنعيم العفشة دي؟؟

**Mecha** · 11-09-2014 03:16 PM

جلب استابليزر و مساعدين غاز ويا سلام لو بناتي
كلو بسيط و لا يهمك بنضحك

**hesham fawzy h** · 11-09-2014 03:17 PM

متابع

**ENG.MaRk** · 11-09-2014 03:29 PM

بيع العربية و اشتري اوكتافيا a5 أو كورولا 2007

**mado83** · 11-09-2014 03:33 PM

اليابانى انعم عفشه

**eng.m7md.ali** · 11-09-2014 05:19 PM

فرق كبير جداً بين عفشة البرسونا والكرولا في النعومة لصالح الكرولا .. بس اركب كدة سيراتو حضرتك وجرب هتلاقي البرسونا احسن

**Dr\Mohamed** · 12-09-2014 11:30 PM

المشاركة الأصلية كتبت بواسطة eng f3lix

فرق كبير جداً بين عفشة البرسونا والكرولا في النعومة لصالح الكرولا .. بس اركب كدة سيراتو حضرتك وجرب هتلاقي البرسونا احسن

يعني حضرتك مفيش حل للموضوع ده؟

**eng.m7md.ali** · 13-09-2014 02:30 AM

المشاركة الأصلية كتبت بواسطة dr\mohamed

يعني حضرتك مفيش حل للموضوع ده؟

للاسف لا .. حضرتك اغسل العربية من تحت واستعمل شحم سبراي وربط العفشة .. هتلاقيها اتحسنت كتير خصوصاً الغسيل ده بيفرق

**Dr\Mohamed** · 13-09-2014 11:21 PM

المشاركة الأصلية كتبت بواسطة eng f3lix

للاسف لا .. حضرتك اغسل العربية من تحت واستعمل شحم سبراي وربط العفشة .. هتلاقيها اتحسنت كتير خصوصاً الغسيل ده بيفرق

شكرا لاهتمام حضرتك

أنا كنت غسلتها من حوالي أسبوعين من تحت نزلت كمية تراب كبيرة فعلا بس للأسف مش حاسس بفرق
كان العامل هناك سألني أغسلك العفشة بالزيت بس أنا خفت من إنها كمان يومين تلاتة هتلم تراب كتير من الشوارع الغير مرصوفة وبالتالي النتيجة هتبقى عكسية وهتبقى أخشن وأخشن فقلت له لأ بلاش

أجرب مثلا وأغسل العفشة بالجاز؟؟