السلام عليكم

الموضوع ببساطة انا معايا عربية لانسر 1990 اتوماتيك يوم الجمعة اللي فاتت باليل كنت راجع من شاطئ النخيل بالعجمي وانا على محور التعمير لقيت مؤشر الحرارة عدا النص طبعا على محور التعمير الساعة 12 باليل استحالة اعرف اقف المهم سايست العريبة لحد اول ما دخلنا البلد ركنت وسيبتها تهدا شوية وزودت ماية ومشيت شوية اقتكرت انا المروحة المفروض تكون دايرة نزلت بصيت لقيت المروحة مش دايرة المهم وصلت سلكتين المروحة دارت وفضلت ماشي على البحر مش راضي اجري قبل البيت بشوية لقبت العربية بتبطل لوحدها وبعدين لقبت صوت تسقيف والسحب راح خالص .
المهم نزلت العربية الجراج بالعافية وسيتها تهدا - انا قولت جابت جوان وش سلندر - ونزلتلها بعد شويه ببص على مقاس الزيت لقيته تمام لاوجود لأي مياة على الزيت طلعت جربت العربية لقيتها زي الفل بس طبعا المروحة دايرة على طول
تاني يوم وصلت الثرموستات وسخنت العربية برضة المروحة ما دارتش

السؤال بقا العطل دة نتيجة ثرموستات المروحة ولا ثرموستات الكوعة ؟
وهل التبطيل دة يكون اثر على الموتور في حاجة ؟ولا ايه
مع العلم ان العربية في الجراج من يومها لظروف سفري

ارجوا الافادة واسف للاطالة

مع الشكر
م/ ايهاب الزكي