مشكله في بدال البنزين و السرعه

**M_N_2015** · 10-09-2014 05:03 PM

عندي مشكله ان بدال البنزين بيتحرك حركه بسيطه يمين و شمال و حاسه داخل لجوه اوي مش زي بدال الدبرياج و الفرامل و اتاكدنا انا العربيه مش بتزيد عن 110 و انا دايس البدال و بيجيب اخره و علي الغيار الخامس و علي الغيلر الرابع برده البدال بيجيب اخره و بيكون مجابش ال 60 فهل المشكله دي حلها ايه و اروح لميكانيكي و لا عفشجي ؟؟؟؟؟؟؟؟؟؟؟؟؟؟؟؟؟؟؟؟؟؟؟
العربيه هيونداي اكسيل 95
................... ارجوالرد سريعا لحل المشكله

**Mecha** · 11-09-2014 09:47 AM

ادايما بدال البنزين اوطي م الدبرياش و الفرامل
المفروض متدوسشي تجيب اخره , هتفرك الموتور
السرعه عاوز اعلي روح لميكانيكي يعمل تيونينج
علي الله الماتور مجبش اخره

**M_N_2015** · 11-09-2014 12:31 PM

المشاركة الأصلية كتبت بواسطة mecha

ادايما بدال البنزين اوطي م الدبرياش و الفرامل
المفروض متدوسشي تجيب اخره , هتفرك الموتور
السرعه عاوز اعلي روح لميكانيكي يعمل تيونينج
علي الله الماتور مجبش اخره

شكرا جدا علي الرد .... طيب بالنسبه لحركه بدال البنزيل دا عادي و لا المفروض تتثبت قصدي علي حركته يمين و شمال و دي عفشجي و لا ميكانيكي يعملها .... و يعني ايه تيونينج :d

**M_N_2015** · 11-09-2014 12:46 PM

و ملاحظه تانيه ان العربيه و هي مبطله بيبقي موشر ال rpm صفر , و لما بدور بينط 10 درجات مره واحده من غيييير ما اضغط علي اي حاجه و لا حتي بدال البنزين هل داه عادي و ممكن يكون داه اللي ماثر علي السرعه و كدا و زي ما قلت ان بدال البنزين مش ثابت في مكانه ؟؟؟؟ شكرا

**Mecha** · 11-09-2014 02:29 PM

فيه حركه جانبيه بسيطه مسموح بيها عشان اختلاف الاقدام انما لو كتير ممكن تيله مكسوره بص عليها
اول ماتدور المكنه بارده , الكمبيوتر يرفع rpm لحد حرارة التشغيل للميه 80-90 وبعدين يهبط rpm ف حدود 650- 800 خسب مانوال والا توماتيك
التيونينج عشان حكاية ال 110 ,فيشوف طقم الكهربا و الفلاتر و طلمبة البنزيم.
كل دا شغل ميكانيكي