كل ما العلاقة بينا تتحسن تفقدني الثقة فيها

**romany_ac** · 13-09-2014 06:17 PM

المهم حمد اللة على سلامتك
بس الفليشيا اصيلة متزعلش منها

**sakr_skoda** · 13-09-2014 06:23 PM

مهم جدا متابعة الكاوتش ومراقبته من تاريخ انتاجة المحفور على الكاوتش لو عدى خمس سنوات يبقى انتا كدا فى منطقة الخطر يجب ان تكون حذر وحمد لله على السلامة * وكمان بلاش ال 160 دى يعنى فاضل 20 كيلو وتقفل العداد كدا انتا بطلب العيون تحسدك**

**aw2100** · 14-09-2014 02:01 AM

المشاركة الأصلية كتبت بواسطة m_m_sh_a

الجي تي والماكسكس ماركات مجهوله إزاي يا باشا ..دول مشهورين عندنا جدا في إسكندريه..والماكسكس بينزل فبريكا في العربيات الجولدن دراجون الصيني

ياباشا الكاوتش ده ماشى نار مع التاكسى لية؟؟؟
كاوتش ناشف جدا وبيمشى فوق ال50000 ك بس بعد 10000 ك مافيش تركشن نهائى دوس فرامل لو ماشى على سرعة 20ك واحلى صريخ وزحلقة اكتر من واحد من معارفى عمل حادثة بسبب الماكسس والgt وبعربيات 0 مش مستعمله وبراحتك !!!!

**أحمد جودة** · 14-09-2014 08:29 AM

المشاركة الأصلية كتبت بواسطة aw2100

1000 سلامه عليك
لازم تشترى فردتين جداد طالما الفردة ضربت دون سبب واضح
بمعنى لو الكاوتش كل بلاعة او رصيف وباظ يبقى عيب واضح لكن فى حالتك دى الكاوتش قدم وشقق يعنى الفردة التانية اخت الفردة اللى ضربت ممكن تعملها معاك
علشان كده انصحك تشترى فردتين جداد وتخلى الفرده اللى راكبه استبن
وبلاش التوفير فى الكاوتش علشان ده اخطر حاجة فى العربيه وابعد عن الماكسس والgt والجنرال والسوميتومو و الماركات المجهوله واشترى يوكوهاما او تويو او بريدجستون وعلى الأقل كومهو ومبروك على الكاوتش الجديد !!!

الكاوتش كومهو والخمس فرد كانو جداد لما اشتريت العربية من سنتين تقريباً ومكنتش بشتكل من الكاوتش وكنت دايمن بقيس الهوا قبل كل مشوار طويل وبشيك على الاستبن ويمكن دة اللى نفعني فى هذا الموقف
وبالمناسبة انا مع كل غسلة عربية ببص على الكاوتش كويس جدا وبطلع منه الظلط الرفيع اللى بيبيقي ماسك فى الكاوتش

وكمان الفردة منفجرتش بس معرفش اية اللى حصل بالظبط

**أحمد جودة** · 14-09-2014 08:34 AM

المشاركة الأصلية كتبت بواسطة engahmedsayed

متفكرنيش بكلام قولته وأنا صدقته بكلام فى الهوا مش من جواك
انسانى خلاص دة انا قلبى خلاص

اه يا حمد فوفو نايمة تحت البيت محدش راضى يسيبنى فحالى

العربية بتعطل بسبب و من غير سبب

محدش بيسيب حد فى حاله

المهم الكاوتش اللى عندك دة اضرب فيه خوابير

لو اضرب فى خابور يبقى اتلوح خلى بالك علشان كدة اوشك على الانفجار

ربك يستر

سلامتك ياحمادة وسلامة فوفتك

بردو الكاوتش منضربش فيه خوابير ولا حاجة هيا مرتين تقريبا يدخل مسمار رفيع اطلعه والحمة بالكاوية

**أحمد جودة** · 14-09-2014 09:22 AM

المشاركة الأصلية كتبت بواسطة sakr_skoda

مهم جدا متابعة الكاوتش ومراقبته من تاريخ انتاجة المحفور على الكاوتش لو عدى خمس سنوات يبقى انتا كدا فى منطقة الخطر يجب ان تكون حذر وحمد لله على السلامة * وكمان بلاش ال 160 دى يعنى فاضل 20 كيلو وتقفل العداد كدا انتا بطلب العيون تحسدك**

والله كلام منطقي يا استاذ صبحي وانا الحمد زي ماقوللت بهتم بكل كبيرة وصغيرة فى العربية ومتاكد ان الكاوتش فى فترة الصلاحية يعني معداش عليه 5 سنين ولا 50000 الف كيلو

والـ 160 دي بتبقي لحظات كنت حابب اعرف العربية تجيب لحد كام ومش متعود ع الجري يعني اغلب الطريق مابين 110 و 120 كيلو والطريق ممتاز

أما الحسد تفتكر يبقي محسود من هنا
والله انا شكيت فى نفسي لاني وانا راجع كان كل تفكيري فى حلاوة العربية والثقة اللى زادت انها تاخد 160 كيلو رايح و 160 كيلو راجع وفيش ريست بينهم غير مقدار 10 دقايق

يلا ربنا يسترها علينا جميعا والحمد لله اتعلمت درس جديد اني محكمش بالمظاهر لان الكاوتش عندي اللى يشوفو يقول جديد لاني قليل التحرك بالعربية ودايمن بهتم بقياس الهوا قبل السفر والتشيك ع الاستبن على طول وللعم الاستبن مستعملتوش غيرلا مرة واحدة من ساعت مجيبت العربية

**أحمد جودة** · 14-09-2014 01:46 PM

المشاركة الأصلية كتبت بواسطة romany_ac

المهم حمد الله على سلامتك
بس الفليشيا اصيلة متزعلش منها

تسلم يا باشا والفليشيا بقت ادمان ومش متخيل اغيرها

دة وانا رايح السخنة علمت على كام عربية وخاصة كان فى وصلة فى الطريق منحدر مع منحني وكنت بعدي منهم شيروكي ومرسيدس وعربيات عالية

**sakr_skoda** · 14-09-2014 08:23 PM

المشاركة الأصلية كتبت بواسطة أحمد جودة

والله كلام منطقي يا استاذ صبحي وانا الحمد زي ماقوللت بهتم بكل كبيرة وصغيرة فى العربية ومتاكد ان الكاوتش فى فترة الصلاحية يعني معداش عليه 5 سنين ولا 50000 الف كيلو

والـ 160 دي بتبقي لحظات كنت حابب اعرف العربية تجيب لحد كام ومش متعود ع الجري يعني اغلب الطريق مابين 110 و 120 كيلو والطريق ممتاز

أما الحسد تفتكر يبقي محسود من هنا
والله انا شكيت فى نفسي لاني وانا راجع كان كل تفكيري فى حلاوة العربية والثقة اللى زادت انها تاخد 160 كيلو رايح و 160 كيلو راجع وفيش ريست بينهم غير مقدار 10 دقايق

يلا ربنا يسترها علينا جميعا والحمد لله اتعلمت درس جديد اني محكمش بالمظاهر لان الكاوتش عندي اللى يشوفو يقول جديد لاني قليل التحرك بالعربية ودايمن بهتم بقياس الهوا قبل السفر والتشيك ع الاستبن على طول وللعم الاستبن مستعملتوش غيرلا مرة واحدة من ساعت مجيبت العربية

من ناحية الحسد فعلا ما يحسد المال الا اصحابة انا كدا برضو لو فرحتنى فيفورتى وحسيت بانتعاش تحصل مشكلة لازم افضل منكد وفاقد فيها الثقة تمشى تمام انا كدا فهمتلها****

**aw2100** · 15-09-2014 01:53 PM

المشاركة الأصلية كتبت بواسطة أحمد جودة

والله كلام منطقي يا استاذ صبحي وانا الحمد زي ماقوللت بهتم بكل كبيرة وصغيرة فى العربية ومتاكد ان الكاوتش فى فترة الصلاحية يعني معداش عليه 5 سنين ولا 50000 الف كيلو

والـ 160 دي بتبقي لحظات كنت حابب اعرف العربية تجيب لحد كام ومش متعود ع الجري يعني اغلب الطريق مابين 110 و 120 كيلو والطريق ممتاز

أما الحسد تفتكر يبقي محسود من هنا
والله انا شكيت فى نفسي لاني وانا راجع كان كل تفكيري فى حلاوة العربية والثقة اللى زادت انها تاخد 160 كيلو رايح و 160 كيلو راجع وفيش ريست بينهم غير مقدار 10 دقايق

يلا ربنا يسترها علينا جميعا والحمد لله اتعلمت درس جديد اني محكمش بالمظاهر لان الكاوتش عندي اللى يشوفو يقول جديد لاني قليل التحرك بالعربية ودايمن بهتم بقياس الهوا قبل السفر والتشيك ع الاستبن على طول وللعم الاستبن مستعملتوش غيرلا مرة واحدة من ساعت مجيبت العربية

علشان كده مابنصحش حد يشترى كاوتش مستعمل ممكن يكون شكله جديد بس ينفجر علشان العمر الأفتراضى انتهى والكاوتش عندك السلك اللى فيه اتكسر وده بيللوح الفرده ويخليها تغربل وده بسبب ضعف بناية السلك ممكن يكون عيب تصنيع وممكن تكون بتحب تركن فوق الارصفة وبتطلع بالعربية وده بيكسر السلك مع تكرار الطلوع والنزول وربنا يقويك !!

**أحمد جودة** · 15-09-2014 02:23 PM

المشاركة الأصلية كتبت بواسطة aw2100

علشان كده مابنصحش حد يشترى كاوتش مستعمل ممكن يكون شكله جديد بس ينفجر علشان العمر الأفتراضى انتهى والكاوتش عندك السلك اللى فيه اتكسر وده بيللوح الفرده ويخليها تغربل وده بسبب ضعف بناية السلك ممكن يكون عيب تصنيع وممكن تكون بتحب تركن فوق الارصفة وبتطلع بالعربية وده بيكسر السلك مع تكرار الطلوع والنزول وربنا يقويك !!

كلام جميل واستفدت معلومة كمان من مشاركتك دي

وهي اني بالفعل بركن جمب رصيف واحيانا الفردة اللى باظبط دي حكت فى الرصيف وانا بركن اكتر من مرة

شكرا جزيلا

الموضوع: كل ما العلاقة بينا تتحسن تفقدني الثقة فيها

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

كترت بينا الوشوش قلت بينا الامانة ياه عالبراءة حوش مبقاش ياكل معانا

الثقة ..........

الثقة فى العربيات المستعملة

بينا علي المصايف بينا

الكلمات الدلالية لهذا الموضوع

المفضلات

المفضلات

ضوابط المشاركة