الموضوع: كل ما العلاقة بينا تتحسن تفقدني الثقة فيها

بتكلم عن عربيتي

كل ما الثقة تزيد تحصل حاجة تخوفني منها


مرة سافرت الشرقية صد رد فى نفس اليوم وكنت معجب بأداء العربية وخصوصا وانا راجع وقبل نهاية الرحلة حصل صوت ونه عرفت فيما بعد أن صرة العجل كانت ممكن تتفك والعجلة كلها تتطلع من مكانها والحمد لله ربنا سترها



أمبارح رحت السخنة صد رد كنت بجيب ناس قرايبي من هناك طلعت من البيت 8 صباحا يادوب وصلت شربت كباية شاي ورجبت الناس ورجعت تاني

كل تفكيري فى الثقة اللى ذادت بيني وبين العربية


وفى نص طريق العودة هوووووووووب غربلة فى الطارة ظنبت فى الاول انها حاجة فى العفشة كنت ماشي على 110 ك تقريبا اديت انتظار وجين ناحية اليمين ولاكن الغربلة زادات قوي


العربية الحمد لله وقفت لقيت الفردة اليمين اللي ورا رايحة فى داهية .......قولت الحمد لله ربنا سترها

لاكن بعد الحركة دي بقيت ماشي 90 100 بالكتير ومش مبسوط ومش مطمن من العربية


الحمد لله على كل حال لاني فى مشوار الذهاب وصلت بالسرعة لــ 160 ...... ياتري العربية محسودة

ولا أنا مليش نصيب العربية تنصفني فى مشوار طويل

وبالمناسبة الكاوتش عندي كومهو الخمس فرد كلهم يعتبرو جداد

فكرت اركب شمبر للفردة دي وتبقي الاستبن على طول

أو اشتري فردة نص عمر وتبقي الاستبن


والله مش عارف حبيت اشكي ليكو همي وخلاص