الموضوع: سؤال بخصوص شهادات قناه السويس

بص ياباشا انا هوضحلك نقطه برضه
دي مش اسهم انت بتشتريها في مشروع المشروع ده ممكن يكسب فانت تكسب او تخسر فانت تلبس
لا دي شهادات استثمار بعائد سنوي ثابت بيصرف كل 3 شهور
الشهادات دي ملهاش دعوه اصلا بقناه السويس
الشهادات دي زي الشهاده البلاتينيه ( لو تسمع عنها ) بس الفرق انهم غيروا اسمها وخلوها شهاده قناه السويس وبدل ما هي 3 سنين بقت 5 سنين
يعني شهادات استثمار وهما بيختاروا اسمها .. يسموها شهاده بلاتينيه شهاده ا شهاده ج شهاده ام محمد شهاده قناه السويس .... مش فارقه
بس اهم 3 حاجات انت لازم تفهمهم ...
اول حاجه : انك كده بتركن فلوسك يعني انت لو عملت بمبلغ الشهاده مش هتقدر تسترده غير بعد 5 سنين .. ممكن تسترده بعد اول سنه بس هتخسر فيه ... فانت من الاخر تبقي فاهم ان دي فلوس مركونه مش هتيجي جمبها مهما حصل
تاني حاجه : الفلوس امان 100 % ووزاره الماليه والبنك المركزي بيحفظوا حقك حتي لو البنك اللي انت حاطط فيه فلوسك فلس انت ملكش دعوه ... زيها زي اي شهاده استثمار زي برضه الدفتر اللي مفتوح
بس الدفتر بتسحب في اي وقت والفايده 7 % & انما دي مبتتصرفش فيها غير بعد 5 سنين وبفايده 12 % ( والفايده بتتصرف كل 3 شهور )
تالت حاجه : انت ملكش دعوه بقناه السويس ولا فلوسك ليها دعوه بان المشروع يكمل او لا او يكسب او لا ... دي مش اسهم دي شهادات استثمار
بس هما سموها كده علشان معظم الناس مبتبقاش فاهمه فواحد يقولك اه ده مشروع قومي ولازم نقف جمبه وواحد تاني يفتكر انه هيبقي مالك في قناه السويس وهكذا فينزل يشتري وبكده يبقي نجحوا انهم يخلوا الناس تحط فلوسها في البنوك لا وكمان يربطوها لمده 5 سنين ميقدروش ييجوا جمبها
علفكره بعد 30 / 6 السنه اللي فاتت شهاده الاستثمار البلاتينيه كانت فايدتها 12.5 % مش 12 % وكانت لمده 3 سنين مش 5 ( يعني احسن من بتاعه قناه السويس 100 مره ) ورغم كده الناس ماقبلتش عليها زي دلوقتي .. والفرق في التسميه بس وده اللي عمل الفرق لاني زي ما قلتلك الناس مش فاهمه

في سبتمبر سنة 2009 الدولار كان ب 5.5 مصري بالتقريب
حاليا سنة 2014 الدولار ب 7.2 مصري (احيانا بينزل 7.15)

يعني قيمة الجنيه بالنسبة للدولار هبطت بنسبة 30%
انا مش خبير اقتصادي فمقدرش احكم القوة الشرائية هبطت بنسبة كام, لكن اقتصادنا مربوط بالدولار, و انا شخصيا بقيس القيمة بالطريقة دي.

تخيل سنة 2009 كان معاك 1000 جنيه, كنت هتشتري بيهم 181 دولار
سنة 2014 , 1000 جنيه هيجيبوا 138 دولار (1)

1000 جنيه ثمن شهادة استثمار في قناة السويس, هاخدها في 2019, 1600 جنيه.
هتجيب حوالي 155 دولار لو افترضنا الهبوط في قيمة الجنية بنسبة 30% (2)

دا كدا بالنسبة للجنية,
هنشوف الدولار انخفض او ارتفع بنسبة كام :

ال 181 دولار, كان لهم قوة شرائية سنة 2009, اتغيرت سنة 2014 بالطبع
فيه طريقة كانت في موقع امريكي لحساب القوة الشرائية للدولار, و بدون الدخول في تفاصيل مملة

انخفضت القوة الشرائية للدولار بنسبة 87% تقريبا بمعنى :
181 دولار سنة 2009, يساووا 208 دولار سنة 2014

بنفس طريقة الحساب, وبافتراض ثبات الوضع في اقتصاد امريكا, عدم دخولهم حروب مثلا او اكتشافهم اختراع يغير وجه البشرية.

ال 138 دولار دلوقتي, هيساووا 156 دولار تقريبا سنة 2019. لو قارنتها بنفس القيمة في رقم (2) هتلاقيها هي هي. بمعنى آخر. الموضوع متساوي و مفيش زيادة في الفلوس. هي مجرد وعاء هيحافظ على الفلوس زيها زي اي فائدة بنكيه او اي شهادة أخرى.

دي طريقة انا بحسب بيها جدوى المشروع عموما. ومش شرط تكون دقيقة هي اجتهاد مني

نيجي للناحية الدينية باه و دي الأهم :

انت هتسلف الدولة ألف جنيه و فيه شرط بينك و بينهم أن يرجعولك الفلوس دي 1600 بعد 5 سنين. تخيل نفسك رحت لرسول الله صلى الله عليه و سلم و قلتله على العقد دا بينك و بين الدولة, هيقولك ايه ؟

دا اسمه ربا وملوش اي اسم تاني. فانصح صديقك يبعد عن الطريق دا. طريق آخره خراب . محدش يقدر على حرب مع الله سبحانه وتعالى.


{يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ}

الشهاده غير مرتبطه بالمشروع باى شكل او حال الشهاده مرتبطه مباشره بالبنك المركزى المصرى الى اصدرها و هيدفع الفوايد بتاعتها زيها زى اى شهاده استثمار فئه أ او ب او بلاتينيه

فرق مبين الاسهم و الشهادات اسهم يعنى مكسب او خساره و مرتبط بالمشروع نفسه شهاده يعنى البنك هيسلف الحكومه و يديك فايدتك و ياخد فايدته زى كل الشهادات و طول ما فى دوله و جنيه و بنك مركزى هتسدد كل الارباح و راس المال

و النصيحه انه يعمل بمبلغ كويس و يشوف مشروع حلو يحط فيه مبلغ برضه مش عشان المشروع مش مضون ولا عشان الشهاده ممكن تضيع بس عشان ينوع مصادر الدخل و فى التجاره 9/10 الرزق

السلام عليكم
معلش بما ان حضراتكم فتحتم الموضوع ده بقي ... انا عندي سؤال هايجنني من فتره ومش لاقي له اجابه ...
ليه ماخلوش موضوع الشهادات ده اسهم في قناه السويس الجديده ؟؟ يعني ليه مانبقاش ملاك في القناه ؟؟ ( طبعا مع وجود قوانين تحكم عمليه البيع والشراء للاسهم للمصريين فقط )
ليه ماتبقاش اسهم سعرها يزيد ويقل مع مرور الوقت ؟ ليه سعر الشهاده مايزدش مع مرور السنين ؟؟؟ يعني دلوقتي ب 100 جنيه بعد 10 سنين ( مثلا تبقي ب 10 الاف ؟ ليه لا ) اصل الواحد كده كده بيدفع فلوس .. بس مشكلتها انها هاتتركن 3 - 5 سنين والجنيه قيمته بتقل .. يعني لو الواحد حط الفلوس في مشروع اعتقد هايكون احسن من الشهاده عالاقل يدفع مبلغ عارف انه هايرجع له اكتر منه بعد فتره .. لكن ليه اركن فلوس ( وفي ناس هاتدفع مبااااالغ كبيره طبعا في شراء الشهادات دي ) وبعد 5 سنين هاتسترد نفس المبلغ اللي دفعوه من 5 سنين فاتت .. هل قيمه الفلوس هاتكون هي هي ؟ اكيد لا يعني اللي دفع 1000 جنيه دلوقتي مش هاتبقي نفس القيمه بعد 5 سنين .. متهيالي لو الموضوع كان نظام اسهم وسعرها متغير كان هايبقي احسن للمشروع نفسه وللناس اللي بتشتري الاسهم او الشهادات ... ولا ايه ؟
حد يفهمني !! كلامي غلط ؟!؟

انا اشتريت يوم الخميس وكان البنك قتل كله رايح يشترى او يفك شهادات ويعمل مكانها بتاعت السويس
انا كان عندى مبلغ محترم كنت عامل بيه شهادات استثمار فى بنك اسلامى الفايدة مكنتش بتكمل 7%
وبعدين اقتنعت بقالى فترة كبيرة ان مفيش حاجة اسمها بنوك اسلامية وكله هجص
وعلى راى اشرف السعد طالما البنك المركزى مش اسلامى يبقى مفيش ولا بنك هيبقى اسلامى
روحت فكيت الشهادات دى وعملت بدالها شهادات قناة السويس وبمبلغ كبير :)

المشاركة الأصلية كتبت بواسطة abo_salah

السلام عليكم
معلش بما ان حضراتكم فتحتم الموضوع ده بقي ... انا عندي سؤال هايجنني من فتره ومش لاقي له اجابه ...
ليه ماخلوش موضوع الشهادات ده اسهم في قناه السويس الجديده ؟؟ يعني ليه مانبقاش ملاك في القناه ؟؟ ( طبعا مع وجود قوانين تحكم عمليه البيع والشراء للاسهم للمصريين فقط )
ليه ماتبقاش اسهم سعرها يزيد ويقل مع مرور الوقت ؟ ليه سعر الشهاده مايزدش مع مرور السنين ؟؟؟ يعني دلوقتي ب 100 جنيه بعد 10 سنين ( مثلا تبقي ب 10 الاف ؟ ليه لا ) اصل الواحد كده كده بيدفع فلوس .. بس مشكلتها انها هاتتركن 3 - 5 سنين والجنيه قيمته بتقل .. يعني لو الواحد حط الفلوس في مشروع اعتقد هايكون احسن من الشهاده عالاقل يدفع مبلغ عارف انه هايرجع له اكتر منه بعد فتره .. لكن ليه اركن فلوس ( وفي ناس هاتدفع مبااااالغ كبيره طبعا في شراء الشهادات دي ) وبعد 5 سنين هاتسترد نفس المبلغ اللي دفعوه من 5 سنين فاتت .. هل قيمه الفلوس هاتكون هي هي ؟ اكيد لا يعني اللي دفع 1000 جنيه دلوقتي مش هاتبقي نفس القيمه بعد 5 سنين .. متهيالي لو الموضوع كان نظام اسهم وسعرها متغير كان هايبقي احسن للمشروع نفسه وللناس اللي بتشتري الاسهم او الشهادات ... ولا ايه ؟
حد يفهمني !! كلامي غلط ؟!؟

لو عمل كده و فى حاله البلبه السياسيه بتاعه البلد حاليا كان ممكن ميلمش الفلوس بالكميه الى محتاجها و اى اشاعه عن المشروع كانت هتلم الناس قدام مبانى الحكومه و يترعبو ولان اى حاحه ممكن تحصل سياسيا فى البلد ممكن تاثر على المشروع و عليه للحصول على التمويل الازم دى كانت احسن طريقه و النتيجه قدامك اهى

المشاركة الأصلية كتبت بواسطة abo_salah

السلام عليكم
معلش بما ان حضراتكم فتحتم الموضوع ده بقي ... انا عندي سؤال هايجنني من فتره ومش لاقي له اجابه ...
ليه ماخلوش موضوع الشهادات ده اسهم في قناه السويس الجديده ؟؟ يعني ليه مانبقاش ملاك في القناه ؟؟ ( طبعا مع وجود قوانين تحكم عمليه البيع والشراء للاسهم للمصريين فقط )
ليه ماتبقاش اسهم سعرها يزيد ويقل مع مرور الوقت ؟ ليه سعر الشهاده مايزدش مع مرور السنين ؟؟؟ يعني دلوقتي ب 100 جنيه بعد 10 سنين ( مثلا تبقي ب 10 الاف ؟ ليه لا ) اصل الواحد كده كده بيدفع فلوس .. بس مشكلتها انها هاتتركن 3 - 5 سنين والجنيه قيمته بتقل .. يعني لو الواحد حط الفلوس في مشروع اعتقد هايكون احسن من الشهاده عالاقل يدفع مبلغ عارف انه هايرجع له اكتر منه بعد فتره .. لكن ليه اركن فلوس ( وفي ناس هاتدفع مبااااالغ كبيره طبعا في شراء الشهادات دي ) وبعد 5 سنين هاتسترد نفس المبلغ اللي دفعوه من 5 سنين فاتت .. هل قيمه الفلوس هاتكون هي هي ؟ اكيد لا يعني اللي دفع 1000 جنيه دلوقتي مش هاتبقي نفس القيمه بعد 5 سنين .. متهيالي لو الموضوع كان نظام اسهم وسعرها متغير كان هايبقي احسن للمشروع نفسه وللناس اللي بتشتري الاسهم او الشهادات ... ولا ايه ؟
حد يفهمني !! كلامي غلط ؟!؟

الموضوع كله بيخاطب غريزة المكسب السهل و الطمع عند اغلب الناس
كتير اشتروا الشهادات عشان فايدتها 12% . مش عشان اي حاجة تانية وموضوع الوطنية دا فوق البيعه.
لو الموضوع فيه مخاطرة و مكسب و خسارة (فكرة الأسهم) مش هتلاقي حد يدخل فيها و مكانش هيلم فلوس. بالاضافة على حد علمي مينفعش اسهم من غير ما تسمح للاجانب يشتروا فيها وتسجلها في البورصة و موضوع هياخد وقت.