الموضوع: هاااام الى خبراء رينو فى المنتدى

جزاكم الله خيرآ عنى وان شاء الله عهمل الى حضرتكم قولتو عليه جميعا ودعواتكم لانى مستاء جدآآآآآآ من الامر وحاسس ان الامر هيكون مكلف ..الله المستعان والحمد لله رب العالمين وأفوض امرى الى الله
لا تنسونى من صالح دعاكم

المشاركة الأصلية كتبت بواسطة محمد الفاروق

شكرآ لك اخى الكريم ولكن هيا طرمبه البنزين غاليه

والله انا مش عارف سعرها بس المشكلة ممكن تكون في موتور طلمبة البنزين و ممكن اسباب اخري فلتر بنزين و فلتر هواء و ممكن برضه بوجيهات كدا يعني بس حضرتك الافضل تعمل كشف تام علي العربية في مكان محترم و كويس عشان تعرف المشاكل فين و ربنا يوفقك إن شاء الله

الاخوة الافاضل تحياتى لكم جميعآ والله مما اسعدنى اهتمامكم وردودكم التى اثلجت صدرى وخففت عنى فانى احبكم فى الله جميعآ واسال الله العلى القدير ان يجمعنا جميعآ فى الفردوس الاعلى امين

احب اقول لحضرتكم بعد الكشف على السياره فى الميكانكيون العرب وجدت الاتى فى السياره
صوت خشونه بالمحرك
رجه بالمحرك
لحام بكارتيره الزيت
بطاحه يمن ويسار مقطوعين
2 كوتش تراب
طنابير امامية تحتاج الى تغير
ترشيح زيت ناحية الكاتينه
اصلاح بالفتيس والمنيول مش شغال
قاعده شكمان وسط
حساس علوى وسفلى اكسجين
كوبلن يمين
والحمد لله على كل حال
بعد مخدت التقرير قولت اروح مكان تانى
اشوف الحاجات دى تتكلف كام
روحت مركز رينو الف مسكن
فكان تقريره التالى بالاسعار
ايويل سير كامه بسعر 213
ايول سير ديفيزر بسعر 320
اويل سير كرنك امامى 215
وطبعا مصناعيه دول بس ب 400 جنية
طقم كاتينه 875 ومصنعية 350 جنية
طبه كامه 170
عدد 2 بطاحه 1960 * مصنعية 200 جنية
يعنى مجموع الحساب 4703 دا بس علشان نمنع ترشيح الزيت بتغير عدد 3 ااويل سيل وطقم الكاتينة وطبه كامه والبطحاتين
طبعا مخبيش عليكم جانى احباط ولكن تذكرت كلام اخى الفاضل اسامه الحسينى مما نراه من حولنا فحمدت الله على كل شئ ووفوضت امرى الى الله

قولت طيب ابعد عن التوكيلات بأسعرها الخياليه وشوف اى حد بيفهم
خت بعضى ورحت على الحرفين عند جمال القاضى
فقالى ان الموضوع ده هيكلف وكانت اسعاره كالتالى
اويل سيل كرنك 175
اويل سيل كامه 125
اويل سيل ديفيزر 300 جنية
ومصنيعه تركبهم 250 جنيه
سير كاتينه قالى ان فيه انواع 150-200-250
2 بطاحه ب 300 جنيه + مصنيه 150 جنيه
يعنى اجمالى المبلغ هيكون 1550
مصفحه 400 جنيه
يعنى بفارق عن مركز رينو الف مسكن 3153 جنية

قولتلو على خشونه المحرك قالى محتاجه الى ترس ديفيزر بسعر 1350 او ممكن ابصلك عليه واصلحه بعد مفك نتكلم

وانتهى يومى على كده والحمد لله رب العالمين
والى الان لم اتخذ قرار يا ترى اروح فين واعمل ايه الاهم وابدء بأيه
فقولت اخد رئيكم ولو حد عندو ميكانيكى يتقى الله ويكون كويس يبقا جزاكم الله خيرآ

دمتم جميعآ فى رعاية الرحمن وانى احبكم فى الله
اخوكم محمد فاروق

المشاركة الأصلية كتبت بواسطة ahmed a.maksoud

متغيرش الطرمبة بالكامل لو هي المشكلة

بيتغير الموتور بس و بيعمل حوالي 400 جم جديد من برة التوكيل......التوكيل بيغير الطرمبة كاملة و بتعدي ال 2000 جم.

جزاك الله خيرا اخ احمد
انا لسه معملتش شئ الى الان وفى انتظار نصائحك بعد قراءه التقرير
وياريت لو تدلنى على حد تثق فيه ميكانيكى ا
و مكان تعرفه يكون محترم ويتقوا الله