حصريا: فعلا غرقت في شبر ميه ...لك الله يا مصر...بالصور

**Hisham_ElFeky** · 25-10-2008 01:13 AM

فعلا موضوع مدينة نصر ومصر الجديدة بالذات

لاني لما روحت شبرا والمهندسين الموضوع خفيف خالص

انا وقفت قدام طيبة مول من ٢ الي ٣.١٥ ونزلت جبت عصير لسيجو من الشويكي

وروحت لغاية ميدان رابعة مشي ورجعت تاني وعرفت ان لو دخلت يبقي هسيب العربية مكانها
والميكروبصات ماشيه عكسي والعسكري مشمر ومش عارف يعمل ايه

الحمد لله ان دا كان يوم الجمعة لو حصل تاني في يوم عمل أوعدكم
محدش هيروح بيتهم

**iunknown** · 25-10-2008 01:55 AM

النهاردة كان أسوأ يوم أركب فيه العربية م يوم ما اتعلمت السواقة (4 شهور مش كتير قوي يعني)

خرجت من زهراء مدينة نصر الساعة 4:00 رايح معرض ايدج في مركز المؤتمرات

في الظروف العادية 25 دقيقة من السواقة الطبيعية كفيلة بايصالى لمركز المؤتمرات

انا اخدت ذاكر حسين لآخره ونزلت من الطيران

اشارة رابعة اخدت حوالى 25 دقيقة

واول ما وصلت للميدان اللي في طريق النصر لقيت العجب العجاب

العربيات جاية من المنصة ماشية في الناحيتين

والمرور قفل طريق النصر اللي نازل وحول كله للطيران والسبب هتشوفوه في الصور

المهم قلت اروح المعرض على ما الف في المعرض واطلع تكون الدنيا راقت شية

طلعت الساعة 7 تقريبا

بكل بساطة كان صلاح سالم مقفول
رحت عمل يو تيرن من حدايق القبة من مصر والسودان :k20: لأن الدنيا كانت مقفلة بطريقة لم ارى لها مثيل الكلام ده اخد ساعة

رجعت تاني ان ادخل الاوتوستراد ؛ لا يمكن
فيييين على ما عرفت ادخل امتداد رمسيس ومنه للاوتوستراد الى الحي السابع

3 ساعات فقط لا غير

دي المنصة

المية كان عمقها تقريبا 15 - 20 سم مش عارف بس زي ما حضراتكم شايفين طدة

شوفوا الميه واصلة فين

انا عشت فترة في بلاد استوائية متخلفين عننا بمراحل وورانا بسنييييييييييييييين كتيرة

وعندهم امطار استوائية طول السنة (وما ادراكم ما الامطار الاستوائية)

ماشفتش اللي حصل عندنا ده هناك
مهما كانت غزارة المطر الميه لها نظام صرف وفي ثواني تلاقي الشوارع بتلمع من غير تدخل من حد

**MoDyBeNz2008** · 25-10-2008 02:00 AM

كويس انها جت معاك على اد كدة انا كنت هعمل حادثتين بسبب المطر النهاردة

**ZOZ** · 25-10-2008 02:05 AM

هو امتى المطر ده نزل هو انا كنت في غيبوبة ولا فين؟؟؟؟

**king_de_egypt** · 25-10-2008 02:07 AM

انا كنت فى سرايه القبه عند السنترال بتاع سرايه القبه قدام القصر الرياسه القديم والله العظيم العربيات ال 128 المايه اكنت بتخش من فتحه الباب اللى تحت تخيلو بقى والناس مشمره و نازله تزق و الناس اللى بتعدى الشارع مشمرين البنطلونات و بعدو الشارع هو انا العربيه باظت منى هنا :d بس مكنش المايه ليها داعوه المشت الالكترونى فصل و باظ مش عارف ليه ما علينا المهم انها جت على اد كدا ربنا يسترها معاااانا يا رب

**MoToRiZeR** · 25-10-2008 02:08 AM

مبانينا غير مجهزة للحرائق .. و شوارعنا غير مجهزة للمطر .. لأن بيقودنا ناس أدمغتهم غير مجهزة للتفكير

**king_de_egypt** · 25-10-2008 02:13 AM

اه و فرحنين بلكبارى اللى بيبنوها و الانفاق اللى بيبنوها طب يعملو فيها شبكه مجارى تصفى المايه اللى بتنزل لاى ظرف و نسيت اقول ان نفق الكوربه كان عايم مايه بس ناحيه كان فيها المجارى سالكه و الناحيه التانيه المجارى مسدوده و مايه بلشبر

اكيد اكيد اكيد تبقى فى مصر لما تلقى مجلس الشورى بيتحرق والناس بتتفرج
لما تلقى الشوارع غرقانه و الناس مشمره
لما تلقى ماما سوزان و بابا حسنى نازلين يتفسحو فى ميدان الكوربه
لما تلقى احمد عز فى كل مكان
لما تلقى الدنيا بايظه فى اى حته تعرف انك فى مصر
مصر ........... مصر ......
كــــــــــــــــــــــــ ـــــــــــرهــــــــــــ ـــــــتـــــــــــــك يـــــــــــــــــــــــا مـــــــــــصــــــــــر

**engamrnour80** · 25-10-2008 02:13 AM

الحمد لله احنا ف الصعيد معندناش مطر
الحمد لله
و حتى لو نزلت مطر فاحنا عندنا كمية تراب كفيلة انها تمتص المطر و تحوله لعجينة طين بس عادى مش مهم الطين ارحم من المية فى الشوارع

**beautiful0mind** · 25-10-2008 02:14 AM

سبقتنى والله انا كونت ناوى اكتب موضوع عن الكرثة اللى احنا فيها دى

اولا ده قمه الاهمال وقله الاحترام للمواطن

انا وقفت من اول الاوستراد لغايط مدخلت مدينة نصر فى 3 سعات ومافيش مفر ابدا

طبعا فالاول مكونتش اعرف سبب الزحمة ( قولت اكيد حدثة جامدة او فى تشريفة لسيادة الريس ) اللى ممكن تعطل الطريق كدة بس بعد معديت نادى السكة اكتشف المصيبه.. ميه كثيفة جدا لدرجة انها مش مبينه الرصيف العربيات كانت الكوتشات بتعتها مش باينه والله عربية ماتركس كانت مشية جنبى الفوانيس الامامية تلت تربعها جوه المية

بجد قملة الاهمال انا دمى محروق جدا حسيت انى فعلا عايش فى بلد او بنتمى لبلد كل يوم كرهى ليها بيذيد ..........انا معشتش بره مصر بس متأكد ان اى مكان فالعالم بيحترم المواطن اللى عايش فى ليمكن يحصل اللى شوفته انهادرة

الاخ صاحب الموضوع مصور الصور دى تقريبا حوال س 5 او 6

اانا مصور فديو الساعة 12 .........

وباذن الله هرفع الفديو هنا للمشفش يشوف

سلام

**moh_kamal67** · 25-10-2008 02:17 AM

لقيت فى الجزيرة تنويه ان فيه مطر شديد رعدى مر بالاردن مافاتش ربع ساعة لقيت مطر محترم فى مينة نصر وهواء شديد ثم زاد المطر لمرحلة السيول ، ثم دفعات من الثلج صغيرة زى الذرة ، تسمعها على صاج المكيفات ثم سيول والمحصلة شوارع غرقانة ، قعدنا ندعى باللى نفسنا فيه والدنيا بتمطر
اضطريت انزل رمسيس ، الساعة 4:30 قبل المغرب واخذت طريقى حتى صلاح سالم عند الجهاز المركزى للمحاسبات لقيت بركة محترمة تصطاد السيارات
وقفت افكر اعمل ايه لقيت عربيات زيى فيرنا بتعدى قولت يالا يا عديت يا اخذت غوطس
عديت بالعافية والعربيات تعمل امواج وهية بتعدى وكل شوية عربية من فئات الادا والفيات والفيورا و131 تقف والناس جواها محتاسة
نفس الحكاية فى الجانب الاخر من صلاح سالم ثم دخلت على الخليفة المأمون
ساعة الا ربع حتى وصلت لجامع عبد الناصر لاكتشف المفاجأة
المية اعلى مرتيين من صلاح سالم وبتوصل لباب العربيات
كنت دخلت الخية اخذت اقصى شمال وكأنى حاكك فى الرصيف وهوب عربية من السرب 132 عطلت ، ساعدونى ياجماعة ، محدش بيسأل لان الموقف مصيبة فعلا
مسافة 100 متر فى البركة وانقشعت المياة والطريق خالى تماما من المياه
وانا راجع من رمسيس واقفة من قبل غمرة لما وصلت لتقاطع احمد سعيد اخذت يمين سالك وفل حبيت ادخل على صلاح سالم العربيات مرشقة غرقانة فى المية
طيب اعبر المانش ده ازاى لفيت لحد العباسية ودخلت من عند الاتوبيس الدولى ، نصف ساعة واكثر علشان اوصل لنهاية الشارع ، ثم عند نادى السكة بحر محترم ونفس القصة
لحد ماوصلت لتقاطع المترو طلعت تانى على مدينة نصر والستغرقت رحلة المرواح والمجى حوالى 3 ساعات
زمان كان فيه فتحات فى الرصيف تشفط المية ، مع تكرار الرصف طمست حتى فى روكسى التى كانت تشتهر بها وغرقنا احنا فى شبر مية

الموضوع: حصريا: فعلا غرقت في شبر ميه ...لك الله يا مصر...بالصور

LinkBack

أدوات الموضوع

عرض

-

القاهرة تغرق -

-

-

-

-

المواضيع المتشابهه

بالصور حصريا : شيفرولية لانوس مرحبا بكى في مصر !!

سوبارو إمبريزا 2012 سيدان .: أول صورة رسمية ( حصريا ) ايه رأيكم ؟!! فعلا زى الكونسبت

حصريا قبل اي حد مركز جديد لميتسوبيشي في العبور(بالصور).

حصريا بالصور سيتى هتغير الشكل

.:حصريا:(بالصور):.تحويل لانسر2007 الى Evo 2008 X فى دبى ::..

الكلمات الدلالية لهذا الموضوع

المفضلات

المفضلات

ضوابط المشاركة