انا لاحظت يا جماعه الناس إلى اشتريت العربيه كلهم بيشتكو من عيوب المصنع إلى بيشتكى من حرارة صوت ف الكونتكت وتكيف وانا شخصيا اشتكيت من الفرامل بجد حورات رخمه اوى فنصيحه إلى يشترى سيراتو 2015 يفحص فيها كاملا حتى لو ماشيه كيلو عن تجربه
عرض للطباعة
انا لاحظت يا جماعه الناس إلى اشتريت العربيه كلهم بيشتكو من عيوب المصنع إلى بيشتكى من حرارة صوت ف الكونتكت وتكيف وانا شخصيا اشتكيت من الفرامل بجد حورات رخمه اوى فنصيحه إلى يشترى سيراتو 2015 يفحص فيها كاملا حتى لو ماشيه كيلو عن تجربه
مع أن الشكل القديم أحسن بكتير وماكانش تقريبا فيه مشاكل ..
غير في الإكصدامات الضعيفة وإللي بتتخلع بسهوله
أنا معايا 2012 .. وبسم الله ماشاء الله ..
وأظن كمان شكل الشبكة غبي قوى .. بأتكلم علي السيراتو .. لآن الشبكة شكلها كويس بالنسبة للريو ..
ممكن تشرح ايه المشكله اللي في الفرامل
انا معايا 2015 عربية محترمة جدا
حضرتك لو العربية فيها مشكلة انتا بتبلغ التوكيل فى اول صيانة و هوا هيعملها
الموضوع مش عارف ليه كدا حاسس انه عشوائى جداً
حضرتك بتقول اللى بيشتكى من حرارة اه فيه ماسورة مش معزولة بس مش هتحس بيها أصلاً غير لما حد يقولك عليها ، أنا محستش بسخونة غير لما قريت الموضوع دا فى نايل موتورز
صوت فى الكونتاكت دا عيب فردى محصلش غير مرة واحدة بس
التكييف فى العربية دى من أفضل ما يكون و بلا مبالغة روعة فوق الوصف و مرة قريت عيب فردى برضه واحد اشتراها خليجى و كان فيها عيب و سربنتينه التكييف و دفع من جيبه علشان مفيش ضمان
مشكلة حضرتك مع الفرامل ايه هى ؟ أنا مش لاقى وصف يقدر يخلينا نساعدك
لكن على العموم اى مركز صيانة تابع للتوكيل بإذن الله يحللك المشكلة بسهوله جداً
العربية فى وضعها الطبيعى فراملها ممتازة جداً و مٌرْضِيَة للغاية ، و وقت الجد هتلاقيها
معظم المشاكل في الخليجي انا معايا الوكيل هاي لين مفيهاش اي حاجه من الي حضرتك بتتكلم فيه
أكيد الي معاه خليجي وبتظهر مشكله بيبعها لان معهوش ضمان ومصاريفها غاليه . انا شفت عربيه خليجي ماشيه 3 الاف كيلو و معلقتش نمر ومعروضه للبيع علي 150 فيها كل حاجه ما عدا abs
مشاكل !!!!
اركب اﻻوروبي واستخدمه فتره واتفرج علي مشاكله ...
انت جيت عند اقل عربية الناس اشتكت منها و بتقول كلها مشاكل ؟!
مشاكل ايه ياباشا - ادخل على العربيات التانيه وانت تشوف البلاوى بعينك - دى اقل عربيه ظهر فيها عيوب
باشا انا صاحبي معاه سيات التيا اكس ال 2012 وغير الفتيس مرتين ، وصاحبي تاني معاه سكودا اوكتافيا فانتازيا 2012 عنده مشاكل في الفتيس لدرجة انه كره العربية والعربية ضيقة جداً من الخلف لدرجة انه معاه عربية تانية كورولا راكن الاوكتافيا وراكب الكرورلا 2012 ، واحد تاني معانا في الشغل معاه بيجو 301 مش مرتحالها بالمره بيحب عربية مراته الفيرنا اكتر منها ، كل العربات الجديدة بقت فيها حوارات ، مش السيراتو بس ، عشان منكونش متحيزين لماركة معينة او موديل معين سواء اقتصادي او متوسط كله بقي فيه مشاكل ، حتي المرسيدس 1600 سي سي كل الناس اشتكت من الفتيس الدوال كلتش ، والبي ام 316 ناس كتير مالقتش منها الاداء المنتظر منها وناس كتير قالي زيها زي الكوري في الاداء مع الاختلاف في استهلاك البنزين وراحة الصالون والثبات شوية عن الكوري ، دلوقتي في مصر يا تركب عربية فوق ال400 الف عشان تكون راضي عنها بنسبة كبيرة وتشيل بقي في قطع الغيار ، يتصبر على اللي معاك لان كل الشركات تقريباً بقت تكنولوجي متقارب ، كيا بتشتري تطنولوجي من بي ام ، ونيسان ورينو بقوا واحد ومازدا وفورد بقو واحد وكل الشركات بقت بتعمل تكتلات دلوقتي عشان تواجه السوق ، الكوري بقي بيتجمع في اوروبا والياباني بقي بيتجمع في تركيا وتايلند والهند وغيره وغيره
انا معايا في السعوديه سيراتو 2014 والتكييف في عز الحراره مابتكون 48 قسما بالله 48 ببقي مشغله علي تاني درجه من برودته وكان. معايا قبلها رينو فلوانس ومازدا 6 وشيغرروليه لومينا ووالله ملقتش تكييف افضل منها والفرامل من احسن مايكون ومفيهاش اي مشاكل نهائي وموضوع العزل اللي عند الرجلين ده مش هتحس بيه الا لو ماشي مسافه طويله يعني بعد ساعه او ساعه ونص مشي متواصل ممكن تحس بيه والشباب كتبوا حله انك بتعزله وخلاص وكلها امور بسيطه انا بامانه ربما مش شايف عيب في السيراتو حتي هنا انتشرت بغباء وبقت تاكسيات ماليه الارض فاهم يعني ايه تاكسيات في السعوديه???!!!! يعني عربيه بتشتغل ليل ونهار في جو غير طبيعي وانتشرت جدددددا في وجود وحوش زي الكامري والسوناتا والاوبتيما
اكيد مشاكلك مشاكل فرديه والمشكله موضوعك بيتفهم غلط وممكن يخدع ناس كتير كانوا ناويين عليها وبسببك ممكن يروحوا لحاجات تانيه مشاكلها بلاوي في فتيس او موتور او غيره
مفيش عربيه خاليه من المشاكل
وكمان دى مش مشاكل مقارنه بالاوروبى مثلا
اسمح لي كلام حضرتك غير منطقي بالمره....قولي ليه؟ الموضوع مايتحسبش كده الموضوع يقاس بمدي مبيعات السياره مع مدي الشكوي منها مثلا روح ضمان توشيبا العربي تحس ان كل الناس حاجتها بايظه ولكن السبب ان مبيعاته كتير جدا .يعني مش معني ان 100 عربيه ظهر فيهم بعض العيوب ان الموديل كله مش تمام ده مش مظبوط ....الحمد لله انا معايا سيراتو 2015 توب لاين خليجي عامله 2800 كم الحمد لله ولا اي حاجه من الحاجات اللي بقراها الناس بتشتكي منها لدرجة ان موضوع الحراره ده قولت هكتشفه وانا مسافر مطروح لكن الحمد لله مالوش وجود اذا الموضوع مشاكل فرديه
الفرامل عندى كانت بتعمل صوت حديد بيحك فى بعضة لما ادى d و أبدأ أسيب فرامل تدريجى
دا طبيعى و حاليا ً مفيش الصوت دا بيقعد حوالى 300 - 500 كيلو حسب استهلاكك للفرامل بعدها مفيش أصوات تانى
معلش استحمل شوية فترة التليين مقرفة بعدها اعمل صيانة الألف و هتبقى تمام بإذن الله و العربية هتنعم كتير بعدها
مشكور يا دكتور ع تقيمك المحترم بس كونت ف مشكله تانية بتاعت الكونتكت لما بدوس استرت تشتغل عادى ولما ببطل واكون عامل الغيار ع p للأسف ساعات بتهنج لازم ادورها وأبطلها علشان العربيه تقفل تانى فدى ممكن تكون عيب صناعه ولا ليها طريقة معينه ارجو الإفادة يا دكتور معلش ع تعبر معايا اول مرة اركب عربية بصمة
باشا سامحنى بس الموضوع عنوانه مش فى محله على العموم انا معياا والحمد لله مفيش مشاكل غير هى صوت الفرامل اللى انا عارف حله و حلته لحضرتك قبل كده فى مضوع تانى
اشكرك بس انا الموضوع دة قديم عن إلى حضرتك كتبلى فيه بوص بلتاريخ بس كنت كاتب الموضوع دة علشان إلى لسه هيشترى يستفيد ويتعلم ويبقا عندو خلفيه بلموضوع يبقا واخد بآلو ويجرب حقيقى فية عربيات فيها مشاكل وناس هنا إلى خوفونى منها ولقيت بعض الى بيحكو فيه دة عندى وده الى خوفنى وانا موسوس بصراحه ودة الى خلانى اكتب الموضوع بصراخه علشان افد الناس مش اكتر وفيه ناس زى حضرتك كده فاهمين كدة بيفدونى ودة المختصر المفيد وتحياتى لحضرتك :openflower3:
معظم المشاكل فى الخليجى
الخليجي انواع افضلهم السعودي والكويتي انا معايا السعودي 2015 اعلي فئه ومشاء الله مفيهاش اي عيوب غير ان الجنط ال17 مخليها ناشفه شويه علي المطبات غيرت الاكسجين بنيتروجين والحمد لله بقت احسن كتيرر
ممكن اعرف ايه هى مشكلة الفرامل وما هو حلها؟
جرب اركب اسكودا اوكتافيا او باسات الشكل الجديد و انت تعرف المشالكل بجد
حضرتك انا معايا نيو سيراتو 2014 وكيل فئة لsx بصمة وفتحة وجنط 17 فل الفل حلوة جدا اوبشن كتير وتابلوة شيك وثبات كويس وجرى ماقولكش والفرامللللللللل بالزات احلى حاجة فيها عن سيراتو 2009 ماكنتش بتوقف ولا صوت فى الفرامل و لا موضوع السخونة اللى ناس بتكلم على الحمد اللة اشكر ربنا عليها عربية حلوة
على فكرة يا جماعة العربيات دى حظوظ ممكن واحد يشترى مرسيدس زيرو و تكون كلها مشاكل
انا معايا سيراتو 2015 سعودى بقالها تقريبا 7 شهور وانا مقيم فى الدمام بالسعودية الحمد لله مفيش مشاكل فى العربية واجهتنى الا صوت الفرامل الخلفية ورحت كذا مرة التوكيل لحد ما بدلو الطنابير كاملة . غير كده العربية ماشاء الله تبارك الله كويسة وصوت الموتور هادى والسحب كويس وعفشتها ناعمة . على فكرة انا كنت فى مصر ولسه راجع من ايام وركبت النترا 2015 مرتين واحدة عاملة 5000 والتانية عاملة 10000 بصراحة معجبتنيش زى السيراتو الا ان سحبها احسن شوية بسيطة غير كده ثبات السيراتو ونعومتها احسن
السلام عليكم
السيراتو 2015
تفادوا بعض المشاكل اللى كانت فى الموديلات السابقه لانه الكوريين فعلا اتقدموا جدا و محترمين بجد .
1- صوت الفرامل .لو وكيل بيغيروا الطنابير .لو خليجى .هتروح مخرطه و تفك الطنابير هتلاقى كلمة كيا بارزه عن ثمك الطنابير الاصليه و ده اللى بيخليها تعمل الصوت اصلا .يا هتنصنفره يا هتشيله بالمخرطه .يا تصبر عليه اف و الا الفين كم مع السواقه البروز ده هيتاكل لوحده مع الفرامل المعتدله و الصوت هينتهى باذن الله مع الوقت .
2-صوت الكونتاكت او مبترضاش تدور تروح التوكيل قولهم على الايموبلايزر و يشيكوا على العربيه و متخرجش الا لما تتحل .الموضوع ده كان فى القديمه و غيرو قطعة غيار اللى جزء فى البصمه فقط مش المفتاح العادى .و تقريبا كان بالكتير ب 200 او 300 جنيه بس ده فى القديمه .
3-العزل الصوتى ممتاز و افضل من القديمه و العزل الحرارى عملت موضوع عنه و ممكن يتضاف حجات جديده بدون فك فى حوض الموتور و التابلوه من تحت هتعزل مواسير التكييف السخنه فقط و تشيك على كوتشات اللى بتمر من الحوض للتابلوه متثبته كويس و الا لا . و العزل ده مش مكلف بالكتير هيكلفه 30 او 40 جنيه مش محتاج خبير او فنى .
طب و بالنسبة لمضوع انها بتسرق بسهوله دة ؟
باشا معلش ، ربنا هو الحارس وليس الحارث ، لان الحارث هو من يحرث الارض ، لكن الحارس هو من يحرس الشيء ، والله هو الحارس بعزته وقدرته وعينه اللتي لا تغفل ولا تنام وهو الباسط يده على الكون كله فيعلم دبيب النمل في الجحر المظلم ، ومشكور على المشاركة ، توضيح فقط لان الموضوع يتعلق بصفة نسبت للمولى جل وعلا