الموضوع: قطع فى خرطوم عوامة البنزين

المشاركة الأصلية كتبت بواسطة ayman616

السلام عليكم و رحمة الله و بركاته

إخوانى الأفاضل .

و أنا بصلح عوامة البنزين .... فكيت الخرطوم و ربطه كذا مره .. و علشان كده جزء من الخرطوم اللى بيركب فى العوامة إتقطع ... حوالى 1.5سم ..

1-فهل ممكن أعمله وصلة بقطعة ماسورة مثلا 4سم و أجيب قطعة خرطوم أخرى بطول مثلا 15 سم و أربطها

بأفيز فى الخرطوم الأصلى و الأفيز التانى فى الوصلة الجديدة و بالتالى الناحية التانية من الوصلة فى العوامة.

2- المشكلة التانية و هى إننى جربت العوامة بعد تصليها و تزبيط الإبرة قبل التركيب و كانت على وضع full و وضع e و كانت شغاله . و لما وضعتها فى العوامة و أغلقتها ( علقت ) مرة إخرى و لو عكست الوصلات ترجع لعكس ما كانت عليه إذا كانت full تصبح enough أو العكس .

فما هو الحل ....

لأن العربية إمبارح وقفت منى فى ش فؤاد فى الإسكندرية لأن البنزين خلص بس الحمد لله كان بينى و بين البنزينة حوالى خمسين متر .

وعليكم السلام ورحمة الله وبركاته

عم ايمن حمدلله على السلامة انتا لسة فى حوار العوامة ياعم سيبك وتاقلم مع وضعها وريح بالك لن عملية المعايرة دى عاوزة حرفيه شوية يعنى انحناء عامود العومة بزاوية معينة ممكن يعمل مشاكل وعدم انحنائة بالطريقة الصحيحة ايضا يخدث مشاكل عاوزك تبص على التانك من اعلى وترى كيف هو به زواية حادة ومنفرجة يعنى مش مربع ومستوى لابد ان تكون العوامة مطابقة لتلك الزواية واللى باتكلم عنها دة عامود العوامة اللى فى نهايتة الفلة دا بيقى منحنى بزاوية معينة ليطابق زواية وارتفاعات التانك غعلشان يقراء صح**

المهم خرطوم البنزين اتقطع عادى وارد من غير اى سبب يشقق ويحتاج استبدال دا خرطوم بلاستيك له عمر افتراضى وبلاش حكاية الوصلات والكلام الفاضى انتا غيره على طول ارفع العربيه من ناحية التانك وانزل تحت العربية حتلاقى الخرطوم راكب على الماسورة اللى رايحة للحوض فك الخرطوم وهات خرطوم جيد لنج وركبه مش مشكلة يعنى****

المشاركة الأصلية كتبت بواسطة ayman616

ربنا يباركلك يا عم صبحى

يعنى الحكاية سهلة إن شاء الله ...... طيب كنت بسأل علشان لما أروح للدكتور و مايشتغلنيش

هو الخرطوم معدى من بره من تحت العربية و لا من جوه العربية تحت الكراسى علشان أبقى فاهم

الخرطوم من تحت العربية من عند الدونجل الخلفى حوالى نصف متر وبيركب على الماسورة اللى بتمشى تحت العربيى مع التوازى ممع مواسير زيت الفرامل حتلاكيهم كلهم لوكشة واحدة فك خرطوم البنزين وركب الجديد واسحبة اعلى التانك وركبة مكانه سهل وممكن انتا تعملها**