الموضوع: أشيروا علي أفادكم الله فى شراء لوجان هاي ﻻين

شوف سمير ريان معلش هو فى القاهرة بس راجل الى حد كبير مضمون و اسعاره معقولة اتصل بيهم الاول و شوف انه الافضل هو او الطارق بس سمير ريان موزع ما شاء الله كبيييير اما التوكيل مدة التسليم طويلة و السعر انت و بختك يزيد طبعا انما لا ينقص و الله الموفق و صلى صلاة استخارة مهمة جدا

طيب نمرة سمير ريان كام؟ و إن شاء الله هصلي صﻻة استخارة

اتفضل

الصفحة الرئيسية
Auto Samir Rayan :: Official Website
https://ar-ar.facebook.com/AutoSamirRayanCompany
https://ar-ar.facebook.com/AutoSamirRayan1

شكرا و جزاك الله كل خير

استفسار تاني بعد إذنكم

أنا شفت اللوجان و عجبتني الصراحة لكن نقطة المانيوال دي مخلياني متردد و الصراحة أكتر من واحد حذرني من إنها تقيلة في البيع و خصوصا إنها مانيوال و شاروا علي ببيجو 301 أوتوماتيك لكن الصراحة بعد ما كانت التعليقات إيجابية بعد الاستلام فيه مشاكل ظهرت بعد مدة أنا متردد الصراحة ( مع العلم إن المتاح معي حوالي 120000 جنيه و لو العربية تستاهل أنا ممكن أستلف و أكمل تمنها بس لو عربية فعلا حلوة ) و بعدين أنا عاوز رأيكم في عربية محترمة و تعيش معايا في حدود من 100000 إلى 120000 جنيه

يا رب يكون السؤال واضح

تحياتي ،،،

المشاركة الأصلية كتبت بواسطة windofchange

لو يفرق معاك استهلاك البنزين...ارشح لك ميتسوبيشي اتراج وفي منها اوتو في رنج السعر بتاعك

أنا فعلا كنت بفكر في الأتراج بس ما أعرفش حد اشتراها أستفسر منه عن امكانياتها فاستبعدتها

المشاركة الأصلية كتبت بواسطة super_star_h

ادفع 123 الف فى البيجو 301 افضل بكتير
اتوماتيك وماتور اقوى وثبات اعلى وتقفيل ممتاز
عربيه ممتازه وناس كتير بتشكر فيها مافيهاش مشاكل وانتشرت ما شاء الله

بسم الله ما شاء الله على 301 فعلا حلوة بس لما دخلت منتدى البيجو و قريت معظم المواضيع عن 301 لقيت اللي عداد الكيلو مترات بتاعهم قرب على 10000 كيلومتر بدأوا يشتكوا من تيل الفرامل بيتغير قبل الـ 10000 كيلو متر و البوجيهات ( صحيح دي قطع غيار استهلاكية ) ده غير التوكيل و استهﻻك البنزين فمن حقي أقلق.